ICC Women’s T20 World Cup : 10 ટીમો 17 દિવસમાં 23 મેચ રમશે, જાણો મહિલા T20 વર્લ્ડ કપની તમામ વાતો વિશે
આ ટુર્નામેન્ટ દક્ષિણ આફ્રિકાના ત્રણ મેદાનોમાં યોજવામાં આવી છે. કેપ ટાઉનના ન્યુલેન્ડ્સ ગ્રાઉન્ડ, પાર્લના બોલેન્ડ પાર્ક અને પોર્ટ એલિઝાબેથ (એબેરેહા)ના સેન્ટ જ્યોર્જ પાર્કમાં મેચો રમાશે.
આઠમો મહિલા T20 વર્લ્ડ કપ 10 ફેબ્રુઆરીથી દક્ષિણ આફ્રિકામાં શરૂ થવા જઈ રહ્યો છે. 17 દિવસ સુધી ચાલનારી આ ટુર્નામેન્ટમાં 10 ટીમો ભાગ લેશે. આ દરમિયાન કુલ 23 મેચો રમાશે. ભારતની નજર પ્રથમ વખત ટાઈટલ જીતવા પર છે. ટીમ ઈન્ડિયા છેલ્લે 2020માં ફાઇનલમાં પહોંચી હતી, પરંતુ ઓસ્ટ્રેલિયા સામે હારનો સામનો કરવો પડ્યો હતો. અહિ વર્લ્ડ કપ વિશે તમામ વાતો જાણો
મહિલા T20 વર્લ્ડ કપ ક્યારે અને કેટલો સમય રમાશે?
મહિલા T20 વર્લ્ડ કપ 10 થી 26 ફેબ્રુઆરી દરમિયાન દક્ષિણ આફ્રિકામાં યોજાશે.
આ વખતે કઈ ટીમો રમશે?
ટૂર્નામેન્ટમાં યજમાન દક્ષિણ આફ્રિકા ઉપરાંત ડિફેન્ડિંગ ચેમ્પિયન ઓસ્ટ્રેલિયા, ભારત, ઈંગ્લેન્ડ, વેસ્ટ ઈન્ડિઝ, ન્યુઝીલેન્ડ, આયર્લેન્ડ, શ્રીલંકા, બાંગ્લાદેશ અને પાકિસ્તાનની ટીમો ભાગ લેશે.
10 ટીમો ટૂર્નામેન્ટમાં કેવી રીતે પહોંચી?
યજમાન હોવાના કારણે દક્ષિણ આફ્રિકાએ ટૂર્નામેન્ટમાં સ્થાન મેળવ્યું હતું. તે પછી, 30 નવેમ્બર 2021 સુધી ICC રેન્કિંગમાં, ટોચની સાત ટીમોને સ્થાન મળ્યું. આ પછી, 37 ટીમોએ બે સ્થાનો માટે સ્પર્ધા કરી. બાંગ્લાદેશ અને આયર્લેન્ડે ક્વોલિફાયરમાં સ્થાન મેળવ્યું હતું.
દક્ષિણ આફ્રિકામાં મેચ ક્યાં યોજાશે?
આ ટુર્નામેન્ટ દક્ષિણ આફ્રિકાના ત્રણ મેદાનો દ્વારા યોજવામાં આવી છે. કેપ ટાઉનના ન્યુલેન્ડ્સ ગ્રાઉન્ડ, પાર્લના બોલેન્ડ પાર્ક અને પોર્ટ એલિઝાબેથ (એબેરેહા)ના સેન્ટ જ્યોર્જ પાર્કમાં મેચો રમાશે.
ટુર્નામેન્ટની ઓપનિંગ મેચ ક્યારે અને કોની વચ્ચે થશે?
મહિલા T20 વર્લ્ડ કપની પ્રથમ મેચ 10 ફેબ્રુઆરીએ કેપટાઉનમાં યજમાન દક્ષિણ આફ્રિકા અને શ્રીલંકા વચ્ચે રમાશે.
ટુર્નામેન્ટની ફાઈનલ મેચ ક્યારે અને ક્યાં થશે?
ફાઈનલ મેચ 26 ફેબ્રુઆરી (રવિવાર)ના રોજ કેપટાઉનના ન્યુલેન્ડ્સ ગ્રાઉન્ડ પર રમાશે.
10 ટીમોને કેટલા ભાગોમાં વહેંચવામાં આવી હતી?
ટુર્નામેન્ટમાં ભાગ લેનારી 10 ટીમોને બે ગ્રુપમાં વહેંચવામાં આવી છે.
ગ્રુપ-એમાં દક્ષિણ આફ્રિકાની સાથે ઓસ્ટ્રેલિયા, શ્રીલંકા, બાંગ્લાદેશ અને ન્યુઝીલેન્ડ
ગ્રુપ-બીમાં ભારતની સાથે ઈંગ્લેન્ડ, આયર્લેન્ડ, પાકિસ્તાન અને વેસ્ટ ઈન્ડિઝ છે.
ભારત સામેની મેચો ક્યારે રમાશે?
ભારત 12 ફેબ્રુઆરીએ કેપટાઉનમાં કટ્ટર હરીફ પાકિસ્તાન સામે ટૂર્નામેન્ટમાં પોતાના અભિયાનની શરૂઆત કરશે. ત્યાર બાદ 15 ફેબ્રુઆરીએ આ જ મેદાન પર વેસ્ટ ઈન્ડિઝ સામે મેચ રમાશે. પોર્ટ એલિઝાબેથમાં અનુક્રમે 18 અને 20 ફેબ્રુઆરીએ ઈંગ્લેન્ડ અને આયર્લેન્ડ સામે મેચ રમાશે.
ટૂર્નામેન્ટમાં દરેક વખતે ભારતનું પ્રદર્શન કેવું રહ્યું છે?
| વર્ષ | યજમાન | ભારતનું પ્રદર્શન |
| 2009 | ઈંગ્લેન્ડ |
સેમિફાઈનલમાં ન્યુઝીલેન્ડ સામે હાર્યું હતું
|
| 2010 | વેસ્ટ ઈન્ડિઝ |
સેમિફાઈનલમાં ઓસ્ટ્રેલિયા સામે હાર્યું હતું
|
| 2012 | શ્રીલંકા |
ગ્રુપ સ્ટેજમાંથી બહાર
|
| 2014 | બાંગ્લાદેશ |
ગ્રુ્પ સ્ટેજમાંથી બહાર
|
| 2016 | ભારત |
ગ્રુ્પ સ્ટેજમાંથી બહાર
|
| 2018 | વેસ્ટ ઈન્ડિઝ |
સેમિફાઈનલમાં ઈંગ્લેન્ડ સામે હાર્યું હતું
|
| 2020 | ઓસ્ટ્રેલિયા |
ફાઈનલમાં ઓસ્ટ્રેલિયા સામે હાર્યું હતું
|
કઈ ટીમો અત્યાર સુધી ચેમ્પિયન બની છે?
ઓસ્ટ્રેલિયા પાંચ વખત ચેમ્પિયન બન્યું છે. તેણે 2010, 2012, 2014, 2018 અને 2020માં ટાઇટલ કબજે કર્યું હતું. ઈંગ્લેન્ડ 2009માં અને વેસ્ટ ઈન્ડિઝ 2016માં ચેમ્પિયન બન્યું હતું.