ENG vs IND : MS Dhoni પહોંચ્યો ટીમ ઈન્ડિયાના ડ્રેસિંગ રૂમમાં, ઈંગ્લેન્ડ સામેની બીજી T20 જીત બાદ ખેલાડીઓનો વધાર્યો ઉત્સાહ
Cricket : ઈંગ્લેન્ડ સામે ટી-20 સિરીઝ જીતવાની શાનદાર સિદ્ધિ બાદ, એમએસ ધોની ભારતીય ખેલાડીઓને મળવા ડ્રેસિંગ રૂમમાં પહોંચ્યો, જ્યાં તેણે લાંબા સમય સુધી વાત કરી અને બધાએ તેની વાત સાંભળી.
એમએસ ધોની (MS Dhoni) આ દિવસોમાં ઈંગ્લેન્ડમાં છે. જ્યાં ટીમ ઈન્ડિયા (Team India) યજમાન ટીમ સામે ક્રિકેટ શ્રેણી રમવામાં વ્યસ્ત છે. આવી સ્થિતિમાં ધોની ફરીથી ટીમ ઇન્ડિયાના ડ્રેસિંગ રૂમમાં પહોંચ્યો હતો. જ્યાં ભારત પોતાની રણનીતિના આધારે મેચ જીતતું હતું. ભારત અને ઈંગ્લેન્ડ (ENG vs IND) વચ્ચે T20 શ્રેણીની બીજી મેચ એજબેસ્ટન ખાતે રમાઈ હતી. આ મેચમાં ભારતીય ટીમનો વિજય થયો હતો અને તે જ સમયે ટી-20 શ્રેણી 2-0 ની અજેય લીડ સાથે કબજે કરી હતી. આ શાનદાર સિદ્ધિ પછી એમએસ ધોની ભારતીય ખેલાડીઓને મળવા માટે ડ્રેસિંગ રૂમમાં પહોંચ્યો. જ્યાં તેણે લાંબા સમય સુધી ખેલાડીઓ સાથે વાત કરી અને બધાએ તેની વાત ધ્યાનથી સાંભળી.
એજબેસ્ટનમાં ટીમ ઈન્ડિયા (Team India) ના ડ્રેસિંગ રૂમમાંથી એમએસ ધોનીની તસવીરો ખુદ BCCI એ શેર કરી છે. જે તસવીરો સામે આવી છે તેમાં ધોની તેની આગવી સ્ટાઈલમાં જોવા મળી રહ્યો હતો. તે જોઈને લાગી રહ્યું છે કે ભલે તેણે ક્રિકેટમાંથી નિવૃત્ત લઇ લીધી હોય પણ તેનું મહત્વ હજી પૂરું થયું નથી.
ધોનીએ ડ્રેસિંગ રુમમાં જે કહ્યું તે બધા ધ્યાનથી સાંભળતા રહ્યા
ડ્રેસિંગ રૂમમાં પહોંચ્યા બાદ એમએસ ધોની (MS Dhoni) જે કંઈ પણ કહી રહ્યો હતો ત્યાં ઊભેલા દરેક લોકો ખૂબ ધ્યાનથી સાંભળી રહ્યા હતા. ધોનીના આ શ્રોતાઓમાં વિકેટ કીપર બેટ્સમેન ઈશાન કિશન (Ishan Kishan) પણ સામેલ હતો. બીસીસીઆઈ (BCCI) એ તેના ટ્વીટનું કેપ્શન પણ આપ્યું છે કે “જ્યારે એમએસ ધોની વાત કરે છે ત્યારે દરેક લોકો હંમેશા સાંભળે છે.”
Always all ears when the great @msdhoni talks! 👍 👍#TeamIndia | #ENGvIND pic.twitter.com/YKQS8taVcH
— BCCI (@BCCI) July 9, 2022
રિષભ પંતે ધોની સાથેની મુલાકાતની ફોટો શેર કરી
BCCI એ ધોનીની ભારતીય ડ્રેસિંગ રૂમમાંથી ખેલાડીઓ સાથે મુલાકાત કરવાની તસવીરો શેર કરી હતી. તો વિકેટ કીપર બેટ્સમેન રિષભ પંતે આ ક્ષણને પોતાના માટે બેવડી જીત ગણાવી છે. મતલબ કે તે મેદાન પર પણ મળ્યા હતા અને બીજું જે ધોનીને મળવાનું નસીબ હતું. ઇશાન હોય કે રિષભ પંત એમએસ ધોની દરેક માટે રોલ મોડેલ છે.
Double wins. 💪 Looking forward to the next one. 🇮🇳 pic.twitter.com/incK68UC36
— Rishabh Pant (@RishabhPant17) July 9, 2022
ખેલાડીઓ સાથે મળતા પહેલા ધોનીએ મેચ નીહાળી
એમએસ ધોની (MS Dhoni) ની આ તસવીરો જોઈને લાગે છે કે તે ભારતના એજબેસ્ટનમાં ટી20 સિરીઝની જીતનો સાક્ષી પણ બની ગયો છે. મતલબ કે તે અચાનક ભારતીય ડ્રેસિંગ રૂમમાં નથી ગયો. પરંતુ તે પહેલા તેણે સ્ટેડિયમમાં બેસીને ટીમની મેચ જોઈ હતી.
