MS Dhoni: મહેન્દ્રસિંહ ધોનીએ પાકિસ્તાની બોલરને આપી ખાસ ગીફ્ટ, જોઇને ખુશીથી ઝુમી ઉઠ્યો ખેલાડી
આ પાકિસ્તાની ક્રિકેટર હાલમાં બિગ બેશ લીગ (BBL) માં રમી રહ્યો છે અને ધોની (Dhoni) તરફથી ભેટ મળ્યા બાદ તેની ખુશીનો કોઈ પાર નથી.
ભારતને બે વર્લ્ડ કપ જીતાડનાર કેપ્ટન મહેન્દ્ર સિંહ ધોની (MS Dhoni) વિશ્વ ક્રિકેટમાં એક મોટું સ્થાન ધરાવે છે. તે જ્યાં પણ જાય છે તેના ચાહકો ત્યાં જ હોય છે. ધોની (Dhoni) એવા ક્રિકેટરોમાંથી એક છે જેનું વિરોધી ટીમો દ્વારા સન્માન કરવામાં આવે છે અને અન્ય ટીમોના ખેલાડીઓ તેને મળવા આતુર છે. આવી સ્થિતિમાં જ્યારે ધોની તરફથી કોઈ ગિફ્ટ મળે છે તો તે ખેલાડીની ખુશીનો કોઈ ઠેકાણ નથી.
આવું જ પાકિસ્તાન (Pakistan) ના યુવા ફાસ્ટ બોલર હરિસ રઉફ (Haris Rauf) સાથે થયું. ધોનીએ રઉફને તેની ચેન્નાઈ સુપર કિંગ્સ (Chennai Super Kings) ની જર્સી ભેટમાં આપી છે અને તે મેળવીને રૌફ ખૂબ જ ખુશ છે.
રઉફે જાહેરમાં ટ્વિટર પર પોતાની ખુશી વ્યક્ત કરી હતી અને ધોની દ્વારા તેને આપવામાં આવેલી જર્સીની તસવીર પોસ્ટ કરી હતી. ધોનીએ રઉફને ચેન્નાઈ સુપર કિંગ્સની સાત નંબરની જર્સી ભેટમાં આપી છે. ધોનીએ પોતાની કપ્તાનીમાં ચેન્નાઈ સુપર કિંગ્સને ચાર વખત IPL ખિતાબ જીતાડ્યો છે.
ધોની વિશે કહ્યું
રઉફે ટ્વિટર પર આ જર્સીની તસવીર પોસ્ટ કરતા ધોનીનો આભાર પણ માન્યો છે. તેણે લખ્યું, “લેજેન્ડ અને કેપ્ટન કૂલ ધોનીએ મને આ સુંદર ભેટ આપીને સન્માનિત કર્યું. છે. સાતમો નંબર આજે પણ તેના શ્રેષ્ઠ વર્તનથી લોકોના દિલ જીતી રહ્યો છે. રસેલને ટેકો આપવા બદલ આભાર.”
The legend & capt cool @msdhoni has honored me with this beautiful gift his shirt. The “7” still winning hearts through his kind & goodwill gestures. @russcsk specially Thank you so much for kind support. pic.twitter.com/XYpSNKj2Ia
— Haris Rauf (@HarisRauf14) January 7, 2022
રઉફ હાલમાં BBLમાં રમી રહ્યો છે
રઉફ હાલમાં ઓસ્ટ્રેલિયામાં બિગ બેશ લીગમાં રમી રહ્યો છે. તે આ લીગમાં મેલબોર્ન સ્ટાર્સ તરફથી રમી રહ્યો છે. રઉફે આ સિઝનમાં અત્યાર સુધી આ ટીમ માટે બે મેચ રમી છે અને ત્રણ વિકેટ લીધી છે. 2 જાન્યુઆરી, 2022ના રોજ પર્થ સ્કોર્ચર્સ સામે રમાયેલી મેચમાં રૌફે 40 રન આપીને બે વિકેટ લીધી હતી. આ પછી, 3 જાન્યુઆરીએ, તેણે મેલબોર્ન રેનેગેડ્સ સામે 26 રન આપીને વિકેટ લીધી.
ટેસ્ટ ડેબ્યૂની રાહ જોઈ રહ્યો છે
રઉફે હાલમાં જ પાકિસ્તાનની ટીમમાં એન્ટ્રી કરી છે અને તે પાકિસ્તાન તરફથી ટી-20 ઉપરાંત વનડેમાં પણ રમ્યો છે. પરંતુ હાલ તે તેના ટેસ્ટ ડેબ્યૂની રાહ જોઈ રહ્યો છે. પોતાના તોફાની બોલ માટે જાણીતો રઉફ પાકિસ્તાન માટે અત્યાર સુધીમાં 34 ટી20 મેચ રમી ચૂક્યો છે અને 41 વિકેટ ઝડપી ચૂક્યો છે. તેનું સર્વશ્રેષ્ઠ પ્રદર્શન 22 રનમાં ચાર વિકેટ રહ્યું છે. વનડેમાં તેણે પાકિસ્તાન માટે આઠ મેચ રમી છે અને 14 વિકેટ લીધી છે. આ ફોર્મેટમાં તેનો સર્વશ્રેષ્ઠ 65 રનમાં ચાર વિકેટ હતી.
આ પણ વાંચોઃ Ashes 2021: જબરદસ્ત સરેરાશ સાથે ઓસ્ટ્રેલિયાના સ્કોટ બોલેન્ડે સિડનીમાં 89 વર્ષ જુનો રેકોર્ડ તોડ્યો
આ પણ વાંચોઃ Covid19: સ્પોર્ટસ ઓથોરિટી ઓફ ઇન્ડિયાના કેન્દ્રમાં ફુટ્યો ‘કોવિડ બોમ્બ’, 35 નેશનલ ખેલાડીઓ કોરોનાની ઝપેટમાં
Published On - 9:14 am, Sat, 8 January 22
