ભારતીય ટીમનો પૂર્વ કેપ્ટન મહેન્દ્ર સિંહ ધોની હંમેશા ચર્ચામાં રહે છે. સોશિયલ મીડિયાથી દુર છતા તે લાઈમલાઈટમાં રહે છે. ધોની પોતાના ખાસ અંદાજના કારણે ચાહકોનું દિલ જીતી લે છે. તેનો વીડિયો ચાહકોને ખુબ પસંદ પણ આવતો હોય છે. ધોનીનો ચાહકો માટે પ્રેમ પણ જોવા મળતો હોય છે. પૂર્વ ભારતીય કેપ્ટન રાંચીમાં મર્સિર્ડીસ જી ક્લાસ ચલાવતા જોવા મળ્યો હતો.
હાલમાં જ ધોનીના ઘરે એક નવી બ્લેક મર્સિડીઝ કાર આવી છે, જેને ધોની રાંચીના રસ્તાઓ પર ચલાવતો જોવા મળે છે. કાળા રંગની SUV મર્સિડીઝની કિંમત લગભગ 3.3 કરોડ રૂપિયા છે, જેના વાહન નંબર લોકોનું ધ્યાન ખેંચી રહ્યા છે. તમને જણાવી દઈએ કે માહીની કારનો નંબર ‘0007’ છે, જેને ફેન્સ તેની જર્સીના નંબર 7 સાથે જોડી રહ્યા છે.
આ પહેલા પણ ધોનીનો એક વીડિયો ખુબ વાયરલ થયો હતો. જેમાં માહી એક ચાહકની બાઈક પોતાની ટી શર્ટથી સાફ કરતો જોવા મળ્યો હતો. તેની સાદગી જોઈને ચાહકો દિવાના થયા હતા.
G63 AMG સિવાય ધોનીની પાસે જીપ ગ્રેન્ડ ચેરોકી ટ્રૈકહૉક, લેન્ડ રોવર ડિફેન્ડર, લેન્ડ રોવરની અન્ય પણ ગાડી છે. આ સાથે એક્સ લેન્ડર ગ્રિલ પણ છે. તેની પાસે એક નિસાન 4E73 પિક-અપ ટ્રક પણ છે. ધોની આઈપીએલમાં આ વખતે પણ ચેન્નાઈ સુપર કિંગ્સનો ભાગ છે. ધોનીનો જર્સી નંબર 7 છે. ત્યારે ગાડી સાથે ખાસ કનેક્શન જોવા મળી રહ્યું છે.
ક્રિકેટરના વીડિયો અવાર-નવાર સોશિયલ મીડિયા પર વાયરલ થતા હોય છે. જેમાં ધોની કાર કે પછી તેની બાઈકમાં સવારી કરતો રસ્તા પર જોવા મળે છે.IPL-2024ની આગામી સિઝનમાં પણ ધોની ચેન્નાઈ સુપર કિંગ્સ ટીમની કેપ્ટનશિપ કરતો જોવા મળશે. તેણે ઓગસ્ટ 2020માં માત્ર IPLમાં ભાગ લઈને આંતરરાષ્ટ્રીય ક્રિકેટને અલવિદા કહ્યું હતુ.
આ પણ વાંચો : હરાજીમાં આ ભારતીય ખેલાડી પર થઈ શકે છે નોટોનો વરસાદ, ધોનીએ બનાવ્યો સ્ટાર