DC vs RCB Live Score, WPL 2023 Highlights: દિલ્હી કેપિટલ્સનો 6 વિકેટે વિજય, બેંગ્લોરની પાંચમી હાર

19મી ઓવર લઈને શ્રેયંકા પાટિલ આવી હતી. ઓવરના ચોથા બોલ પર જોનાસને ચોગ્ગો ફટકારતા જ મેચ વધુ દિલધડક બન્યો હતો. સ્વીપ કરીને તેણે આ બાઉન્ડરી મેળવી હતી.

એલિસ પેરી પોતાની અંતિમ ઓવર મેચમાં લઈને આવી છે. ઈનીંગની 18મી ઓવરમાં મેરિઝાન કેપ્પે સ્ક્વેર લેગની ઉપરથી લેગ સ્ટંપ બોલને પુલ કરીને છ રન માટે હવાઈ યાત્રા કરાવી હતી. ઓવરમાં 8 રન આવ્યા હતા. આમ 12 બોલમાં 16 રનની જરુર દિલ્હીને રહી છે.

17મી ઓવર લઈને મેગન શુટ આવી હતી. ઓવરના શરુઆતના ચાર બોલ ડોટ રહ્યા હતા. પરંતુ પાંચમા બોલ પર કેપ્પે બેકફુટ પર જઈને પોઈન્ટની પાસેથી બાઉન્ડરી માટે બોલને મોકલ્યો હતો. ઓવરમાં 5 રન મળ્યા હતા.

16મી ઓવર લઈને શ્રેયંકા પાટિલ આવી હતી. ઓવરના પાંચમા બોલ પર ચોગ્ગો જમાવ્યો હતો. બેકવર્ડ પોઈન્ટની બાજુમાંથી બોલને સીધો જ ચોગ્ગો જમાવ્યો હતો.

15મી ઓવરમાં આશાના બોલ પર જેસ જોનાસને ચોગ્ગો ફટકાર્યો હતો. ડિપ મિડવિકેટ તરફ ચોગ્ગો જમાવતા ઓવરમાં દિલ્હીને 7 રન ખાતામાં આવ્યા હતા.

રિચા ઘોષે મોટી વિકેટનો કેટ ઝડપ્યો છે. જેમિમા રોડ્રિગ્ઝ મેચને દિલ્હી તરફ આસાન બનાવી શકતી હતી. એવા સમયે જ તેનો કેચ ઝડપીને પરત મોકલી છે. બેંગ્લોરે સમયાંતરે વિકેટ મેળવી મેચમાં રોમાંચ જાળવી રાખ્યો છે.

14 ઓવર લઈને એલિસ પેરી આવી હતી. ઓવરના ચોથા બોલ પર જેમિમા રોડ્રિગ્ઝે શરીરથી ખૂબ દૂર રાખીને બોલને થર્ડમેન તરફ મોકલ્યો હતો. જ્યા ચાર રન મળ્યા હતા. ઓવરમાં 11 રન દિલ્હીના ખાતામાં આવ્યા હતા.

શ્રેયંકા પાટિલ ઈનીંગની 13મી ઓવર લઈને આવી હતી. ઓવરના બીજા બોલ પર બેકફુટ રહીને જેમિમાએ થર્ડ મેન તરફ ચોગ્ગો જમાવ્યો હતો. 17 બોલ બાદ દિલ્હી તરફથી ચોગ્ગો આવ્યો હતો.

10મી ઓવરના બીજા બોલ પર કેપ્પે ચોગ્ગો ફટકાર્યો હતો.બેકફુટ પર જઈને પંચ કરીને પોઈન્ટ પાસે ચોગ્ગો મેળવ્યો હતો. ઓવરમાં 9 રન મેળવ્યા હતા.

આશાએ ઓવરના ચોથા બોલ પર મોટી વિકેટ મેળવી હતી. ઓવરના અંતિમ બોલ પર મેરિઝાને ચોગ્ગો જમાવીને પોતાનુ ખાતુ ખોલ્યુ હતુ.

શોભના આશાએ મોટી સફળતા મેળવી છે. આશાએ મેગ લેનિંગની વિકેટ ઝડપી છે. બેંગ્લોરને માટે આ મોટી રાહત છે. આગળ આવીને ઓવર પિચ બોલ બનાવીને રમવા જતા સીધી જ હેથર નાઈટના હાથમાં લોંગ ઓન પર કેચ આપી દીધો હતો. 15 રન નોંધાવીને પરત ફરી હતી.

8મી ઓવર લઈને શ્રેયંકા પાટિલ આવી હતી. ઓવરના ત્રીજા બોલ પર લેનિંગે ચોગ્ગો ફટકાર્યો હતો. પુલ કરીને ડીપ સ્ક્વેર લેગ પર બાઉન્ડરી ફટકારી હતી.

આશા 7મી ઓવર લઈને આવી હતી. ઓવરના ત્રીજા બોલ પર જેમિમા રોડ્રિગ્ઝે ચોગ્ગો ફટકાર્યો હતો. બેક ફુટ પર જઈને શોર્ટ બોલને ડીપ બેકવર્ડ પર ફટકાર્યો હતો.

પ્રીતિ બોઝે પાંચમી ઓવરમાં મહત્વની સફળતા મેળવી છે. ચોગ્ગા વાળી રમત રમી રહેલી એલિસ કેપ્સીને બોઝે સ્લોગ સ્વીપ રમવાના પ્રયાસમાં પેરીના હાથમાં કેટ ઝડપાઈ છે.

એલિસ કેપ્સી રંગમાં જોવા મળી રહી છે. તેણે પાંચમી ઓવરના પ્રથમ બંને બોલ પર ચોગ્ગા જમાવ્યા છે. ઓવરના ચોથા બોલે પણ ચોગ્ગો જમાવ્યો હચોય. ઓવર લઇને પ્રીતિ ઘોષ આવી હતી.

ત્રીજી ઓવરમાં ચાર રન આવ્યા હતા. પરંતુ ચોથી ઓવરમાં 13 રન દિલ્હીના ખાતામાં આવ્યા હતા. કેપ્સીએ રેણુકા સિંહ લઈને આવેલી આ ઓવરના બીજા, ત્રીજા અને પાંચંમાં બોલ પર ચોગ્ગો ફટકાર્યો હતો.

બીજી ઓવર લઈને રેણુકા સિંહ આવી હતી. ઓવરના પાંચમા બોલ પર મિડઓન પર કેપ્સીએ બાઉન્ડરી ફટકારી હતી. ઓવરમાં 6 રન દિલ્હીના ખાતામાં આવ્યા હતા.

બેંગ્લોર તરફથી પ્રથમ ઓવર લઈને મેગન શુટ આવી હતી. તેણે ઓવરના બીજો બોલ મોટી વિકેટ હાંસલ કરી હતી. શેફાલી વર્મા શૂન્ય રને ક્લીન બોલ્ડ થઈને પરત ફરી છે.

અંતિમ ઓવરના પ્રથમ બોલ પર એલિસ પેરીએ છગ્ગો જમાવ્યો હતો. બેંગ્લોરે 150 રનનો સ્કોર નિર્ધારીત ઓવરમાં નોંધાવ્યો હતો.

16 બોલનો સામનો કરીને રીચા ઘોષે 37 રન ફટકાર્યા હતા. તેની રમતે ટીમના સ્કોર બોર્ડને ઝડપથી ફેરવ્યુ હતુ અને રાહત સર્જાઈ હતી. જોકે શિખાએ આરસીબીની રાહત દીલ્હીના પક્ષમાં કરી દીધી હતી.

18મી ઓવરમાં વધુ બે છગ્ગા આવ્યા હતા. ઓવરના બીજા બોલ પર પેરીએ છગ્ગો ફટકાર્યો હતો. બાદમાં ચોથા બોલ પર ઘોષે ચોગ્ગો ફટકાર્યો હતો. પાંચમાં બોલે રિચાએ લોંગ ઓન પર છગ્ગો ફટકાર્યો હતો. ઓવર લઈને રાધા યાદવ આવી હતી.

17મી ઓવર તારા નોરિસ લઈને આવી હતી. રિચા ઘોષે રમતનો ગીયર બદલ્યો છે. બેંગ્લોરનુ ધીમી સ્કોર બોર્ડ ઝડપથી ફરવા લાગ્યુ છે. રિચાએ ઓવરના પ્રથમ, ત્રીજા બોલે બે છગ્ગા ફટકાર્યા હતા.અંતિમ બોલ પર પેરીએ છગ્ગો ફટકાર્યો હતો. ઓવરમાં 20 રન આવ્યા હતા.

16મી ઓવર લઈને કેપ્સી આવી હતી. ઓવરના પ્રથમ બોલ પર ઘોષે ચોગ્ગો ફટકાર્યો હતો.ઓવરના ચોથા બોલ પર રિચાએ છગ્ગો જમાવ્ચો હતો. આ બોલ ફુલર હતો. જેની પર લોંગ ઓનમાં છગ્ગો જમાવ્યો હતો. ઓવરના અંતિમ બોલ પર ચોગ્ગો આવતા બેંગ્લોર માટે સારી ઓવર નિવડી હતી.

શિખા પાંડે 15મી ઓવર લઈને આવી હતી. ઓવરના પ્રથમ બોલ પર જ એલિસ પેરીએ ચોગ્ગો ફટકાર્યો હતો. પાંડેના બોલ પર સ્ટેપ આઉટ કરી મિડલ વિકેટ પર પુલ કરી દઈ બાઉન્ડરી મેળવી હતી. ઓવરના અંતિમ બોલ પર છગ્ગો પેરીએ જમાવ્યો હતો.

તારા નોરીસે 13 મીઓવરમાં મહત્વની વિકેટ ઝડપી છે. હિથર નાઈટને શિખા પાંડેના હાથમાં કેચ ઝડપાવી હતી. નાઈટ 11 રન નોંધાવીને પરત ફરી હતી.

રાધા યાદવની ઓવરમાં હેથર નાઈટે શાનદાર ચોગ્ગો ફટકાર્યો હતો. તેમે રિવર્સ સ્વીપ કરીને થર્ડમેનની દીશામાં ચોગ્ગો ફટકાર્યો હતો.

10મી ઓવર લઈને જોનાસન આવી હતી. ઓવરના પાંચમાં બોલે ચોગ્ગો ફટકાર્યો હતો. ગેપ શોધીને પેરીએ ચોગ્ગો બેકફુટ પર શોટ રમીને મેળવ્યો હતો.

8મી ઓવરમાં માત્ર 2 રન નિકળ્યા બાદ બેંગ્લોર પર દબાણની સ્થિતી વધતી જઈ રહી હતી. આ દરમિયાન 9મી ઓવરમાં શિખા પાંડેએ ઓપનર સોફી ડિવાઈનની વિકેટ ઝડપી હતી.શિખાએ બોલ્ડ કરી દીધી હતી. સોફીએ 21 રન નોંધાવ્યા હતા.

7મી ઓવર લઈને રાધા યાદવ આવી હતી. ઓવરના ત્રીજા બોલ પર એલિસ પેરીએ ચોગ્ગો ફટકાર્યો હતો. બેકફુટ પર જઈને શોર્ટ બોલને કવર તરફ ફટકારીને ચાર રન મેળવ્યા હતા.

મંધાનાની વિકેટ બાદ બેંગ્લોરની રનની ગતિ વધુ ધીમી પડી છે. જોકે આમ પણ રમત ધીમી જ હતી પરંતુ હવે વધુ ધીમી થઈ રહી છે. પાવર પ્લેમાં બેંગ્લોરની ટીમે 1 વિકેટ ગુમાવીને 29 રન નોંધાવ્યા હતા. મંધાનાની વિકેટ સસ્તામાં ગુમાવી હતી.

કમાલ કરી દીધો શિખા પાંડેએ. મેચમાં પોતાના પ્રથમ બોલ પર બેંગ્લોરની કેપ્ટનની ઈનીંગનો અંતિમ બોલ બનાવી દીધો. મંધાનાએ ખરાબ ટાઈમીંગ સાથે શોટ લગાવતા જેમિમાના હાથમાં કેચ ઝડપાઈ હતી. માત્ર 8 રન નોંધાવી મંધાના પરત ફરી

ચોથી ઓવર લઈને કેપ્સી આવી હતી. ઓવરના ત્રીજા બોલ પર શક્તિશાળી શોટ વાઈડ મિડ ઓફ તરફ ફટકાર્યો હતો. ઓવરમાં 7 રન બેંગ્લોરના ખાતામા આવ્યા હતા.

ત્રીજી ઓવર લઈને મેરિઝાન કેપ્પ આવી હતી. જેની ઓવરમાં બેંગ્લોરે 10 રન મેળવ્યા હતા. સ્મૃતિ મંધાના એ ઓવરના ચોથા બોલ પર ચોગ્ગો જમાવ્યો હતો. એક્સ્ટ્રા કવર તરફ શાનદાર ડ્રાઈવ મંધાનાએ જમાવી હતી. મંધાનાની આ પ્રથમ બાઉન્ડરી ઈનીંગમાં હતીય ઓવરના બીજા બોલે ડિવાઈને જોરથી કટ લગાવીને કવર પોઈન્ટમાં બાઉન્ડરી મેળવી હતી.

બીજી ઓવર લઈને કેપ્સી આવી હતી. ઓવરના પ્રથમ બોલ પર સોફી ડિવાઈને ચોગ્ગો ફટકાર્યો હતો. બેકફુટ પર જઈને પોઈન્ટની પાસેથી ચોગ્ગો ફટકાર્યો હતો. આ સાથે જ બેંગ્લોરની ટીમનુ ખાતુ ખુલ્યુ હતુ.

રોયલ ચેલેન્જર્સ બેંગ્લોરની સ્મૃતિ મંધાના અને સોફી ડિવાઈનની ઓપનીંગ જોડી ક્રિઝ પર આવી પહોંચી છે. મેચની પ્રથમ ઓવર મેરિઝાન કેપ્પ લઈને આવી છે. પ્રથમ ઓવરમાં એક પણ રન મેરિઝાને આપ્યો નહોતો. આમ મેડન ઓવર કરી હતી.

આરસીબીની ખેલાડી કણિકા બિમાર છે. કસાટ, મેગન શુટ અને પ્રીતિ ટીમમાં પરત ફરી છે.

રોયલ ચેલેન્જર્સ બેંગ્લોરઃ સ્મૃતિ મંધાના (કેપ્ટન), સોફી ડિવાઇન, એલિસ પેરી, હીથર નાઈટ, રિચા ઘોષ (વિકેટકીપર), શ્રેયંકા પાટિલ, દિશા કસાટ, મેગન શુટ, આશા શોબાના, રેણુકા ઠાકુર સિંહ, પ્રીતિ બોઝ

દિલ્હી કેપિટલ્સની ટીમમાં આજે બે ફેરફાર કરવામાં આવ્યા છે. એલિસ કેપ્સી અને અરુંધતી રેડ્ડી ટીમમાં પરત ફરી છે. લૌરા હેરીસ અને મીનુ મણી આજે બેન્ચ પર બેસશે.

દિલ્હી કેપિટલ્સ: મેગ લેનિંગ (કેપ્ટન), શફાલી વર્મા, મેરિઝાન કેપ, જેમિમાહ રોડ્રિગ્સ, એલિસ કેપ્સી, જેસ જોન્સન, તાનિયા ભાટિયા, અરુંધતી રેડ્ડી, શિખા પાંડે, રાધા યાદવ, તારા નોરિસ

દિલ્હી કેપિટલ્સની કેપ્ટન મેગ લેનિંગે ટોસ જીતીને પ્રથમ ફિલ્ડીંગ પસંદ કરી છે. આમ બેંગ્લોરની ટીમ પ્રથમ બેટિંગ કરશે. બેંગ્લોર માટે હવે કરો યા મરોની સ્થિતીએ રમત દર્શાવવી જરુરી છે.