CSK vs GT Qualifier 1 Live Score, IPL 2023 Highlights: ગુજરાત ટાઈટન્સ 157 રનમાં સમેટાયુ, ચેન્નાઈ પહોંચ્યુ ફાઈનલમાં

અંતિમ વિકેટ પણ ગુજરાતે અંતિમ સમયે ગુમાવી દેતા આખરે ગુજરાતનો દાવ સમેટાઈ ગયો છે. આ સાથે જ ચેન્નાઈ સુપર કિંગ્સે ફાઈનલમાં એન્ટ્રી કરી લીધી છે. ગુજરાત સામે 173 રનનુ લક્ષ્ય હતુ અને 157 રનમાં જ ટીમ ધરાશાયી થઈ ગઈ હતી.

ગુજરાત ટાઈટન્સ પર હારનો ખતરો તોળાઈ ગયો છે. ગુજરાતે 9મી વિકેટ ગુમાવી દીધી છે. રાશિદ ખાનના રુપમાં નવમી વિકેટ ગુમાવતા હવે અંતિમ વિકેટની રમત રહી છે. રાશિદે 30 રન નોંધાવ્યા હતા.

ચેન્નાઈ હોમ ગ્રાઉન્ડ પર ફાઈનલની ટિકિટ મેળવી લેવાની સંભાવના વધારે જોવા મળી છે. વધુ એક વિકેટ હાથ લાગતા જ ચેપોકમાં યલો જર્સીના ચાહકો ખુશીઓથી ઝૂમવા લાગ્યા છે. દર્શન નાલકંડે રન આઉટ થઈને પરત ફર્યો છે.

શંકર વિજય ગુજરાત ટાઈટન્સ માટે આશા રુપ હતો. પરંતુ તે ઋતુરાજ ગાયકવાડના શાનદાર કેચ ઝડપાતા પરત ફર્યો હતો. તેને પથિરાણાએ પોતાની જાળમાં ફસાવ્યો હતો. વિજયે 14 રન નોંધાવ્યા હતા.

15મી ઓવરમાં ગુજરાત ટાઈટન્સે રાહુલ તેવટિયાની વિકેટ ગુમાવી હતી. ગુજરાતની આ છઠ્ઠી વિકેટ હતી. આ સાથે જ હવે ગુજરાત સામે મુશ્કેલીના વાદળો વધારે ઘેરાઈ ગયા હતા. તેવટિયા 3 રન નોંધાવીને પરત ફર્યો હતો.

દીપક ચાહરે મોટી વિકેટ પોતાને નામ કરી છે. ગુજરાતનો ઓપનર શુભમન ગિલ ચેન્નાઈ માટે ખતરા રુપ હતો અને તે મોટી ઈનીંગ તરફ આગળ વધી રહ્યો હતો ત્યાં જ ચહરે તેને ડેવોન કોનવેના હાથમાં કેચ ઝડપાવતા 42 રન નોંધાવી પરત ફર્યો છે.

ડેવિડ મિલરને સસ્તામાં જ રવિન્દ્ર જાડેજાએ પેવેલિયન પરત મોકલ્યો છે. મિલર માત્ર 4 જ રન નોંધાવીને પરત ફર્યો હતો. લેગ સાઈડ રમવાના પ્રયાસમાં ટર્ન બોલ પર બીટ થતા પેડને અથડાઈને બોલ સ્ટંપમાં વાગ્યો હતો અને તે બોલ્ડ થયો હતો.

11મી ઓવરના ત્રીજા બોલ પર રવિન્દ્ર જાડેજાએ દાસુન શનાકાને આઉટ કરીને પેવેલિયન પરત મોકલ્યો હતો. જાડેજાએ તેને થિક્ષનાના હાથમાં કેચ ઝડપાવ્યો હતો. રિવર્સ શોટ રમવાના પ્રયાસમાં તે વિકેટ ગુમાવી બેઠો હતો.

પાવર પ્લે સમાપ્ત થઈ ચુક્યો છે. ગુજરાતે આ દરમિયાન 2 વિકેટ ગુમાવી દીધી છે. રિદ્ધમાન સાહા અને હાર્દિક પંડ્યાની વિકેટ ગુમાવીને 41 રન ગુજરાતે 6 ઓવરમાં નોંધાવ્યા છે.

પાવર પ્લેમાં જ ગુજરાતે બીજી વિકેટ ગુમાવી દીધી છે. આ વખતે મોટી વિકેટ ગુમાવી છે. હાર્દિક પંડ્યા ડબલ ડિઝિટમાં પહોંચે એ પહેલા જ વિકેટ ગુમાવીને પરત ફર્યો છે. 8 રન નોંધાવીને મહિષ તિક્ષનાનો શિકાર થયો છે. કેચ રવિન્દ્ર જાડેજાએ ઝડપ્યો હતો.

ત્રીજી ઓવરના અંતિમ બોલ પર ગુજરાતને ઝટકો લાગ્યો છે. ઓપનર રિદ્ધીમાન સાહા પથિરાનાના હાથમાં કેચ ઝડપાયો છે. સાહાએ બેકવર્ડ સ્ક્વેર લેગ તરફ શોર્ટ બોલને પુલ કર્યો હતો અને તે કેચ ઝડપાતા 12 રન નોંધાવી પરત ફર્યો હતો.

ગુજરાત ટાઈટન્સના ઓપનર શુભન ગિલ અને રિદ્ધીમાન સાહા મેદાનમાં ઉતર્યા છે. ચેન્નાઈ તરફથી પ્રથમ ઓવર લઈને દીપક ચાહર આવ્યો છે. 173 રનનુ લક્ષ્ય પાર કરીને ફાઈનલમાં પહોંચવા માટે બેટિંગથી દમ બતાવશે.

ચેન્નાઈની ટીમ પ્રથમ બેટિંગ કરવા માટે ટોસ હારીને મેદાને ઉતરી હતી. ચેન્નાઈ માટે ઓપનર ઋતુરાજ ગાયકવાડ અને ડેવોન કોનવેએ સારી શરુઆત કરાવી હતી. ચેન્નાઈએ નિર્ધારીત 20 ઓવરના અંતે 7 વિકેટ ગુમાવીને 172 રનનો સ્કોર નોંધાવ્યો હતો.

ચેન્નાઈની બેટિંગ ઈનીંગના અંતિમ બોલ પર રવિન્દ્ર જાડેજા ક્લીન બોલ્ડ થયો હતો. શમીએ આ સાથે જ બીજી વિકેટ ઈનીંગમાં મેળવી હતી. જાડેજાએ 16 બોલનો સામનો કરીને 22 રન નોંધાવ્યા હતા.

ધોનીની ખૂબ રાહ ચેપોકમાં બેટિંગ કરતો જોવાની જોવાઈ રહી હતી. પરંતુ નિરાશા વ્યાપી ગઈ ચેપોકમાં પીન ડ્રોપ શાંતી છવાઈ ગઈ. કારણ કે ધોનીનો કેચ હાર્દિક પંડ્યાના હાથમાં ઝડપાયો છે. એક્સ્ટ્રા કવર પર હાર્દિકે કેચ ઝડપ્યો હતો. મોહિત શર્માએ વિકેટની સફળતા મેળવી હતી ધોની માત્ર 1 જ રન નોંધાવીને પરત ફર્યો છે.

જેની રાહ જોવાઈ રહી હતી. એ મહેન્દ્રસિંહ ધોની મેદાને બેટિંગ કરવા માટે ઉતર્યો છે. અંબાતી રાયડૂની વિકેટ બાદ ધોની મેદાનમાં આવ્યો છે અને હવે ચેન્નાઈ માટે બેટિંગ માટે 2 ઓવરની રમત બાકી રહી છે. તો રાશિદ ખાનનો સ્પેલ પણ સમાપ્ત થઈ ચુક્યો છે.

રાશિદ ખાને મેચમાં પોતાની અંતિમ ઓવરમાં અંતિમ બોલ પર વિકેટ ઝડપી છે. અંબાતી રાયડૂએ છગ્ગો ફટકાર્યા બાદ આગળના બોલ પર ડીપ મિડ વિકેટ પર દાશુન શનાકાના હાથમાં કેચ ઝડપાયો હતો. તે 17 રન નોંધાવીને પરત ફર્યો હતો.

ડેવોન કોનવે પરત ફર્યો છે. મોહમ્મદ શમીએ તેનો પોતાનો શિકાર બનાવ્યો છે. ડેવોન કોનવે ગાયકવાડ સાથે મળીને સારી શરુઆત કરાવી હતી. કોનવે 40 રન નોંધાવીને રાશિદન ખાનના હાથમાં ડીપ મિડ વિકેટ પર કેચ ઝડપાયો હતો.

દર્શન નાલકંડે ઈનીંગમાં પોતાની અંતિમ ઓવર લઈને આવ્યો હતો અને આ વખતે તેણે શિકાર પોતાને નામ કરી લીધો છે. દર્શને અજિંક્ય રહાણેને શુભમન ગિલના હાથમાં બેકવર્ડ પોઈન્ટ પર કેચ ઝડપાવ્યો હતો. રહાણેએ 17 રન નોંધાવ્યા હતા.

નૂર અહેમદે ગુગલી બોલ પર શિવમ દુબેને બીટ કરાવીને ક્લીન બોલ્ડ કરી દીધો છે. માત્ર 1 જ રન 3 બોલનો સામનો કરીને દુબે પેવેલિયન પરત ફર્યો છે. ચેન્નાઈને બીજો ઝટકો લાગ્યો છે.

ચેન્નાઈ સુપર કિંગ્સે પોતાની પ્રથમ વિકેટ ગુમાવી છે. ઓપનર જોડાની 87 રનની ભાગીદારી રમતનો અંત આવ્યો હતો. મોહિત શર્માએ ગુજરાતને પ્રથમ સફળતા અપાવતા ઓપનર જોડીને તોડી દીધી હતી. સ્લોઅર બોલ પર બીટ થતા ગાયકવાડ પુલ કરવા જતા લોંગ ઓનમાં ડેવિડ મિલરના હાથમાં કેચ ઝડપાયો હતો. ગાયકવાડે 60 રન નોંધાવ્યા હતા.

ચાલુ નાણાકીય વર્ષ 2023 – 24 માં એસ. ટી નિગમ દ્વારા ડ્રાઈવરની કક્ષા માટે અંદાજિત 2100, કંડક્ટર કક્ષા માટે અંદાજિત 1300 તથા મિકેનિકની કક્ષા માટે ઉમેદવારોની ભરતી કરવા જઈ રહેલ છે. જેની જાહેરાત ટૂંક સમયમાં બહાર પાડવામાં આવનાર છે. ગૃહ તથા ટ્રાન્સપોર્ટ મંત્રી હર્ષ સંઘવી એ ટ્વીટ કરીને આ માહિતી આપી છે.

ઉમરગામ મામલતદાર અમિત ઝડફિયાને રૂપિયા 5 લાખની લાંચ લેતા સુરત ACB એ ઝડપ્યા છે. સુરત ACB એ મામલતદાર ઓફિસમાં જ છટકું ગોઠવી મામલતદારને લાંચ લેતા રંગે હાથ ઝડપ્યા છે. જમીનના દાવાની કેસમાં, તરફેણમાં ઓર્ડર કરવા માટે રૂપિયા 7.50 લાખ માંગ કરી હતી.

9મી ઓવર લઈને મોહિત શર્મા આવ્યો હતો. મોહિતના બોલ પર ગાયકવાડે પોઈન્ટની દિશામાં શોટ જમાવ્યો હતો અને તે બાઉન્ડરી માટેનો શોટ હતો. આ સાથે જ ગાયકવાડે પોતાની અડધી સદી પુરી કરી હતી.

પાવર પ્લે સમાપ્ત થઈ ચુક્યો છે અને તેની અંતિમ ઓવરમાં ગુજરાત ટાઈટન્સને 2 ચોગ્ગા મળ્યા હતા. ગાયકવાડ અને કોનવેએ નૂર અહેમદ પર બાઉન્ડરી જમાવી હતી. પાવર પ્લેના અંત સાથે ગુજરાતનો સ્કોર 49 રન નોંધાયો હતો. આ દરમિયાન એક પણ વિકેટ ગુજરાતે ગુમાવી નથી.

દર્શન નાલકંડે બીજી ઓવર લઈને આવ્યો હતો. ઓવરના ત્રીજા બોલે ચેન્નાઈના ઓપનર ઋતુરાજ ગાયકવાડને મિડ વિકેટ પર શુભમન ગિલના હાથમાં કેચ ઝડપાવ્યો હતો. ગુજરાતના ખેલાડીઓમાં જશ્ન શરુ થઈ ગયો હતો. પરંતુ નો-બોલ જાહેર થતા જ ઉત્સાહ નિરાશામાં ફેરવાઈ ગયો હતો. ગાયકવાડને જીવતદાન મળ્યુ હતુ.

ચેન્નાઈના ઓપનર્સના રુપમાં ઋતુરાજ ગાયકવાડ અને ડેવોન કોનવે મેદાનમાં આવ્યા છે. આ સાથે જ રમતની શરુઆત થઈ ચુકી છે. ગુજરાત તરફથી પ્રથમ ઓવર લઈને મોહમ્મદ શમી આવ્યો છે.

ગુજરાતમાં ગરમીનું પ્રમાણ યથાવત રહ્યું છે. આજે મંગળવારે સૌથી વઘુ ગરમી અમદાવાદમાં નોંધાઈ છે. અમદાવાદમાં ગરમીનો પારો 42 ડીગ્રીને પાર થઈ ગયો છે. અમદાવાદમાં 42.3 ડીગ્રી જ્યારે અમદાવાદ એરપોર્ટ ખાતે 42.8 ડીગ્રી તાપમાન નોંધાયું છે. જ્યારે અમરેલીમાં 40.6 ડીગ્રી, વડોદરામાં 39.6 ડીગ્રી, ભાવનગરમાં 37.6 ડીગ્રી, ડીસામાં 40.1 ડીગ્રી ગરમી નોંધાઈ છે. જુનાગઢમાં 37.5 ડીગ્રી, પાટણમાં 41.3 ડીગ્રી, રાજકોટમાં 41 ડીગ્રી, ,સુરતમાં 34 ડીગ્રી ગરમી નોંધાઈ છે.

ગુજરાત ટાઇટન્સ: હાર્દિક પંડ્યા (કેપ્ટન), રિદ્ધિમાન સાહા (વિકેટકીપર), દાસુન શનાકા, ડેવિડ મિલર, રાહુલ તેવટિયા, રાશિદ ખાન, દર્શન નલકંડે, મોહિત શર્મા, નૂર અહેમદ, મોહમ્મદ શમી.

ચેન્નાઈ સુપર કિંગ્સ: એમએસ ધોની (કેપ્ટન-વિકેટકીપર), ઋતુરાજ ગાયકવાડ, ડેવોન કોનવે, અજિંક્ય રહાણે, અંબાતી રાયડુ, શિવમ દુબે, મોઈન અલી, રવિન્દ્ર જાડેજા, દીપક ચહર, તુષાર દેશપાંડે, મહિષ તીક્ષાના

ગુજરાત ટાઈટન્સ ટીમમાં એક ફેરફાર કરવામાં આવ્યો છે. યશ દયાળ બહાર થયો છે અને દર્શન નાલકંડેને અંતિમ 11માં સ્થાન આપવામાં આવ્યુ છે. હાર્દિક પંડ્યાએ ટોસ વેળા આ જાણકારી આપી હતી. ચેન્નાઈની ટીમમાં કોઈ જ ફેરફાર રહ્યો નથી.

ગુજરાત ટાઈટન્સના કેપ્ટન હાર્દિક પંડ્યાએ ટોસ જીતીને પ્રથમ ફિલ્ડીંગ પસંદ કરી છે.  આમ ચેન્નાઈ સુપર કિંગ્સ પ્રથમ  બેટિંગ કરવા માટે હોમ ગ્રાઉન્ડ પર ઉતરશે. ચેન્નાઈના ચેપોક સ્ટેડિયમમાં રમાઈ રહેલી મેચ પીચ નંબર-5 પર રમાઈ રહી છે. આ પીચ બેટર્સ માટે ખૂબ જ અનુકૂળ છે.

ચેન્નાઈ અને ગુજરાત વચ્ચે રમાનારી ક્વોલિફાયર-1 મેચ માટે થોડી વારમાં ટોસ થશે. વર્તમાન ચેમ્પિયન અને ચાર વારની આઈપીએલ ચેમ્પિયન ટીમ વચ્ચે ટક્કર ફાઈનલમાં સીધી એન્ટ્રી માટે થઈ રહી છે. બંને ટીમની પ્લેઈંગ 11 કેવી હશે તે પણ મહત્વનુ હશે. આજે ચેપોકમાં પીચ નંબર-5 પર મેચ રમાશે, બેટરો માટે સ્વર્ગ સમાન માનવામાં આવે છે.

IPL 2023 ક્વોલિફાયર-1 મેચ ચેન્નાઈના ચેપોક સ્ટેડિયમમાં રમાઈ રહી છે. ગુજરાત ટાઈટન્સ અને ચેન્નાઈ સુપર કિંગ્સ વચ્ચે ટક્કર થઈ રહી છે. આજે ચેપોકમાં જીત મેળવનારી ટીમ સીધી જ ફાઈનલમાં એન્ટ્રી કરી લેશે. જ્યારે હારનારી ટીમે ક્વોલિફાયર-2 મેચ રમવી પડશે.

મંગળવારે, પોલીસે માહિતી આપી હતી કે ટોલીવુડ અભિનેત્રી ડિમ્પલ હયાથી અને તેના પાર્ટનર વિરુદ્ધ એક IPS અધિકારીના વાહનને ઈરાદાપૂર્વક નુકસાન પહોંચાડવા બદલ કેસ નોંધવામાં આવ્યો છે. ડીસીપીના ડ્રાઈવરે પોલીસ ફરિયાદ નોંધાવી છે.

તેલંગાણાની ભદ્રડી કોટ્ટાગુડેમ પોલીસે છત્તીસગઢ-તેલંગાણા બોર્ડર પર 10 માઓવાદીઓની ધરપકડ કરી છે. જેમાંથી 5 નક્સલવાદી બીજાપુર જિલ્લાના રહેવાસી છે. પોલીસે માઓવાદીઓ પાસેથી એક ટ્રેક્ટર કાર્ડેક્સ વાયર અને લગભગ 500 ડિટોનેટર કબજે કર્યા છે. એવું કહેવામાં આવી રહ્યું છે કે આટલી મોટી માત્રામાં વિસ્ફોટક મોટા નક્સલવાદી નેતાઓ માટે લઈ જવામાં આવી રહ્યા હતા.