Cricket: વિશ્વ ચેમ્પિયન ઈગ્લેન્ડ જોતુ રહ્યુ ને બાંગ્લાદેશ સુપર લીગમાં બાજી મારી નંબર વન ટીમ બની ગઇ
બાંગ્લાદેશ અને શ્રીલંકા (Bangladesh vs Sri Lanka) વચ્ચે હાલમાં વન ડે શ્રેણી રમાઇ રહી છે. ત્રણ મેચોની વન ડે શ્રેણીમાં પ્રથમ બે મેચમાં જીત દર્જ કરાવીને બાંગ્લાદેશે સિરીઝ પર કબ્જો જમાવી લીધો છે.
બાંગ્લાદેશ અને શ્રીલંકા (Bangladesh vs Sri Lanka) વચ્ચે હાલમાં વન ડે શ્રેણી રમાઇ રહી છે. ત્રણ મેચોની વન ડે શ્રેણીમાં પ્રથમ બે મેચમાં જીત દર્જ કરાવીને બાંગ્લાદેશે સિરીઝ પર કબ્જો જમાવી લીધો છે. 25 મે બીજી મેચમાં બાંગ્લાદેશ એ ડક વર્થ લુઇશ ના નિયમ મુજબ 103 રન થી જીત મેળવી હતી. આ મેચ સાથે બાંગ્લાદેશ એ તમામ ટીમોને પછાડીને સૌથી વધારે પોઇન્ટ હાંસલ કરી લીધા છે. બાંગ્લાદેશ 8 મેચમાં 5 જીત બાદ 50 પોઇન્ટ ધરાવે છે.
આ સુપર લીગ 2023 માં રમાનારી વિશ્વકપ (World Cup) ના માટે ક્વોલીફાયર છે. ભારતમાં રમાનારા આ વિશ્વકપ માટે, આ સુપર લીગ દ્રારા ટીમોને સ્થાન મળશે. બાંગ્લાદેશ બાદ વર્તમાન ચેમ્પિયન ટીમ ઇંગ્લેંડ બીજા સ્થાન પર છે. જેણે 9 મેચમાંથી 4 મેચ જીતીને 40 પોઇન્ટ મેળવ્યા છે.
લીગ ના પોઇન્ટ ટેબલમાં ત્રીજા સ્થાન પર પાકિસ્તાનની ટીમ છે. બાબર આઝમ (Babar Azam) ની કેપ્ટનશીપ ધરાવતી ટીમ 6 મેચ રમી ને 40 પોઇન્ટ મેળવ્યા છે. જોકે તેનો રન રેટ ઇંગ્લેંડ ના પ્રમાણમાં ઓછો છે.
ચોથા સ્થાન પર ઓસ્ટ્રેલીયાના ટીમ પોઇન્ટના મામલામાં ઇંગ્લેંડ અને પાકિસ્તાન ના બરાબરી પર છે. ઓસ્ટ્રેલીયા એ 6 મેચ રમીને 40 પોઇન્ટ હાંસલ કર્યા છે. જોકે નેટ રન રેટમાં તે પાછળ છે.
પાછળના વિશ્વકપની ઉપ વિજેતા ટીમ ન્યુઝીલેન્ડ પાંચમાં સ્થાન પર છે. ટીમ માત્ર 3 મેચ રમ્યુ છે અને જેમાં તેણે ત્રણેય મેચ જીતી લીધી છે. ટીમનો રન રેટ પણ સારો છે, તેની પાસે 30 પોઇન્ટ છે.
વાત ટીમ ઇન્ડીયાની. 29 પોઇન્ટ સાથે આઠમા સ્થાન પર છે. ભારત એ 6 મેચ માંથી 3 મેચ જીતી છે. જોકે સ્લો ઓવર રેટની પેનલ્ટી ને લઇને ટીમનો એક પોઇન્ટ કાપી લેવાયો છે. જોકે ભારત માટે આ લીગની વધારે અસર નહી પડે. કારણ કે 2023 વિશ્વકપમાં યજમાન હોવાને નાતે ટીમ ઇન્ડીયા (Team India) ને સીધી એન્ટ્રી મળશે.