IPL 2021: ફાઇનલ મેચમાં સૌથી વધારે રન ફટકારનારા બેટ્સમેનો, કોલકાતાને ધાકમાં રાખે એવો ચેન્નાઇનો છે આ મામલે દબદબો
IPL 2021 ની અંતિમ મેચ એમએસ ધોનીની કેપ્ટનશિપ ધરાવતી ચેન્નાઈ સુપર કિંગ્સ (MS Dhoni) અને ઇયોન મોર્ગન (Eoin Morgan) ની આગેવાની વાળી કોલકાતા નાઈટ રાઈડર્સ વચ્ચે રમાશે.
મહેન્દ્ર સિંહ ધોની (MS Dhoni) ના નેતૃત્વમાં ચેન્નાઈ સુપર કિંગ્સ (Chennai Super Kings) 9 મી વખત IPL ની ફાઇનલમાં પહોંચી છે. સૌથી વધુ ફાઇનલ રમનાર ટીમ ચેન્નાઇ છે. આ જ કારણ છે કે ફાઇનલમાં સૌથી વધુ રન બનાવવાની બાબતમાં પણ તે જ ટીમના ખેલાડીઓ આગળ જોવા મળે છે.
અંતિમ મેચોમાં સૌથી વધુ રન બનાવવાનો રેકોર્ડ સુરેશ રૈના (Suresh Raina) ના નામે છે. તે અત્યાર સુધીમાં કુલ 8 ફાઈનલ રમી ચૂક્યો છે. તેણે ચેન્નાઈ સુપર કિંગ્સ માટે આઠ અંતિમ મેચ રમી છે. તેણે આ 8 મેચોમાં 31.125 ની સરેરાશથી 249 રન બનાવ્યા છે. જોકે આ વખતે રૈના માટે અંતિમ મેચ રમવી ખૂબ જ મુશ્કેલ છે કારણ કે તે સારા ફોર્મમાં નથી.
શેન વોટસન બીજા સ્થાને છે. ઓસ્ટ્રેલિયાના આ સ્ટાર ખેલાડીએ ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર માટે અંતિમ મેચ રમી છે. આ દરમિયાન તેણે 236 રન બનાવ્યા છે.
મુંબઈ ઈન્ડીયન્સને પાંચ વખત ચેમ્પિયન બનાવનાર સ્ટાર ખેલાડી રોહિત શર્મા (Rohit Sharma) આ યાદીમાં ત્રીજા સ્થાને છે. તેણે કુલ 6 IPL ની ફાઈનલ મેચ રમી છે. જેમાં તેણે ડેક્કન ચાર્જર્સનું એક વખત અને મુંબઈ ઈન્ડીયન્સનું પાંચ વખત પ્રતિનિધિત્વ કર્યું હતું. 6 મેચમાં રોહિતના બેટે 183 રન બનાવ્યા છે.
મુરલી વિજય (Murli Vijay) આ યાદીમાં ચોથા સ્થાને છે. તેણે ચેન્નાઈ સુપર કિંગ્સ માટે ફાઇનલ મેચ રમી છે. જેમાં તેના બેટમાંથી 181 રન થયા છે. ચેન્નાઇ ઉપરાંત મુરલીએ દિલ્હી કેપિટલ્સ અને કિંગ્સ ઇલેવન પંજાબનું પ્રતિનિધિત્વ કર્યું છે. પરંતુ ક્યારેય તેમના માટે ફાઇનલ રમી નથી.
ચેન્નાઈ સુપર કિંગ્સનો કેપ્ટન એમએસ ધોની સૌથી વધુ ફાઇનલ રમનાર ખેલાડી છે. તેણે અત્યાર સુધી 9 ફાઇનલ મેચ રમી છે. આમાંથી આઠ ચેન્નાઈ સુપર કિંગ્સ માટે ફાઇનલ મેચ રમ્યા છે. આ દરમિયાન વર્ષ 2017 માં, રાઇઝિંગ પુણે સુપર જાયન્ટ્સ માટે ફાઇનલ રમ્યો હતો. નવ મેચમાં ધોનીના બેટે 20 ની સરેરાશથી 180 રન બનાવ્યા છે. ધોની જેવા જ સ્તર પર, મુંબઈ ઈન્ડીયન્સના કિયરોન પોલાર્ડ પણ છે.