Breaking News : વરસાદને કારણે આજની મેચ રદ્દ, 29મેના રિઝર્વ ડેના દિવસે રમાશે IPLની ફાઈનલ મેચ

આજે 28 મેના રોજ અમદાવાદના નરેન્દ્ર મોદી સ્ટેડિયમમાં ગુજરાત ટાઈટન્સ અને ચેન્નાઈ સુપર કિંગ્સ વચ્ચે આઈપીએલની ફાઈનલ મેચ રમાવાની હતી. પણ હવે વરસાદના કારણે ફાઈનલ મેચ આવતી કાલે 29 મેના દિવસે રમાશે. આજની મેચ માટેની ટિકિટ આવતીકાલ માટે માન્ય ગણાશે. આઈપીએલ ઈતિહાસમાં પહેલીવાર આઈપીએલની ફાઈનલ મેચ રિઝર્વ ડેના દિવસે રમાશે.

વરસાદને કારણે ઘણા ફેન્સ પહેલાથી જ સ્ટેડિયમ છોડીને પરત ફરી રહ્યા હતા. સાંજે 7 કલાકથી શરુ થયેલી વરસાદ રાત્ર 11 વાગ્યે પણ બંધ ન થતા. આજની મેચ રદ્દ કરવામાં આવી હતી. હવે આઈપીએલ 2023ની ફાઈનલ મેચ આવતી કાલે 29 મેના દિવસે રમાશે. દર્શકોની ફિઝિકલ ટિકિટ કાલની મેચ માટે માન્ય રહેશે. આજે 11 વાગ્યે અમ્પાયર દ્વારા આ નિર્ણય લેવામાં આવ્યો હતો.

29 મેના દિવસે થશે આઈપીએલ 2023ની ફાઈનલ મેચ

આવી હતી વરસાદ પછીની ફાઈનલ મેચની શક્યતાઓ

• મેચ રાત્રે 9:40 વાગ્યા સુધી શરૂ થશે તો 20-20 ઓવરની જ મેચ રમાશે. ઓવર્સમાં કોઈપણ ઘટાડો થશે નહીં.
• જો મેચ રાત્રે 11.46 કલાકે શરુ થશે તો 5-5 ઓવરની મેચ રમાશે.
• મળતી માહિતી અનુસાર, મોડી રાત્રે સુપર ઓવર રમાડીને પણ ચેમ્પિયન ટીમ નક્કી થઈ શકે છે.
• આજે રાત્રે મેચ રદ્દ થાય તો આવતીકાલે રિઝર્વ ડે હોવાથી ફાઇનલ મેચ કાલે 29મી મેના રોજ રમાશે.

વરસાદ પહેલા Nucleyaની ધૂન પર ઝૂમ્યા દર્શકો

નહેરાજી એ માણ્યો વરસાદનો આનંદ

શુભમન ગિલ અને શમી એ કરા સાથે કરી કેચિંગ પ્રેક્ટિસ

GMRCએ સ્પેશિયલ પેપર ટિકિટ બહાર પાડી હતી

ગુજરાત મેટ્રો રેલ કોર્પોરેશન GMRC દ્વારા સત્તાવાર નિવેદનમાં જણાવાયું હતું કે આ મેચને ધ્યાનમાં રાખીને જીએમઆરસી GMRCએ સ્પેશિયલ પેપર ટિકિટ બહાર પાડી છે. જેમાં રુપિયા 25ના ફિક્સ દર પર કોઈ પણ મેટ્રો સ્ટેશનથી મોટેરા સ્ટેડિયમ સુધી મુસાફરી કરી શકાશે.

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો