BCCIએ ભીડથી દૂર રહેવા ક્રિકેટરોને Euro 2020 અને Wimbledonથી દૂર રહેવા પત્ર લખ્યો, છતાં મજા માણી
ભારતીય ટીમ અને સપોર્ટ સ્ટાફને WTC Final બાદ ત્રણ સપ્તાહની રજાઓ આપી હતી. જે દરમ્યાન તેઓ દરેક દિવસ અને પળને માણવાનું ચુક્યા નહીં. આ દરમ્યાન ઈંગ્લેંડમાં કોરોના હાહાકાર મચાવી રહ્યો છે.
પંત ઉપરાંત ટીમના અન્ય સ્ટાર પેસર જસપ્રીત બુમરાહ પણ ઈટાલ અને બેલ્જીયમની સેમિફાઈનલ મેચ જોવા માટે વેમ્બલી સ્ટેડિયમમાં ગયો હતો. બુમરાહ સાથે તેની સ્પોર્ટસ એંકર પત્ની સંજના ગણેશન પણ હતી. આ દરમ્યાન સ્ટેડિયમમાં ખૂબ ભીડ હતી.
ટીમના મિડલ ઓર્ડરના બેટ્સમેન હનુમા વિહારી (Hanuma Vihari) ખુદ પણ યુરોના મોહથી બચી શક્યો નહોતો. તે ઈંગ્લેન્ડ અને ડેન્માર્કની સેમિફાઈનલ મેચને જોવા માટે પહોંચ્યો હતો. જે 7 જૂલાઈએ વેમ્બિલીમાં મેચ રમાઈ હતી.
અનુભવી અને સ્ટાર સ્પિનર રવિચંદ્રન અશ્વિને યુરોના સ્થાને વિમ્બલ્ડન જોવાનું પસંદ કર્યુ હતુ. તે ટીમના ફિલ્ડીંગ કોચ આર શ્રીધર સાથે વિમ્બલ્ડનનો આનંદ માણવા માટે ગયા હતા. અશ્વિન હાલમાં કાઉન્ટી ક્રિકેટની એક મેચ પણ રમ્યો હતો. જેમાં તેના પ્રદર્શનને લઈ તે ચર્ચામાં છવાયો હતો.
ખેલાડીઓ તો ઠીક ટીમના મુખ્ય કોચ રવિ શાસ્ત્રી પણ ખુદને રોકી શક્યા નહોતા. તે વિમ્બલ્ડન ફાઈનલ મેચ જોવા માટે પહોંચ્યા હતા. શાસ્ત્રીએ વિમ્બલ્ડનથી પોતાની એક તસ્વીર પણ શેર કરી હતી. જ્યાંથી તેમણે મેન્સ સિંગલ્સમાં નોવાક જોકોવિચ અને માતેયો બેરેટિની વચ્ચેની ફાઈનલ જોઈ રહ્યા હતા.
ભારતીય ખેલાડીઓમાં કેટલાક ખેલાડીઓ પરિવાર સાથે ઈંગ્લેન્ડ પ્રવાસે ગયા છે. તેઓ પરીવાર સાથે ઈંગ્લેન્ડમાં ત્રણ સપ્તાહની રજાઓનો આનંદ ઉઠાવ્યો હતો. જેમાંથી કેટલાક પાર્કમાં પહોંચ્યા હતા.
