Ashes 2021 : ઇંગ્લેન્ડ અને ઓસ્ટ્રેલિયા વચ્ચે ‘મડદાં’ ની રાખ ભરેલી ટ્રોફી માટે કેમ જામે છે ‘નાક’ ની લડાઇ, શુ છે એશિઝ સિરીઝ નો ઇતિહાસ? જાણો
એશિઝ શ્રેણી (Ashes Series) માત્ર ક્રિકેટ જ નહીં પરંતુ રમતગમતના ઈતિહાસની સૌથી જૂની સ્પર્ધા છે અને તેનો ઈતિહાસ પણ ઘણો રસપ્રદ છે.
છેલ્લી વખત એશિઝ સિરીઝ વર્ષ 2019માં ઈંગ્લેન્ડમાં યોજાઈ હતી. ત્યારે શ્રેણી 2-2 થી બરાબર થઈ હતી. 1972 પછી તે પહેલી વખત હતુ, જ્યારે શ્રેણી ટાઈ થઈ હતી. પરંતુ એશિઝ શ્રેણી ઓસ્ટ્રેલિયા પાસે રહી કારણ કે તેણે 2017માં આ ટ્રોફી જીતી હતી. ઇંગ્લેન્ડે છેલ્લી વખત 2015માં એશિઝ જીતી હતી. અત્યાર સુધીમાં 71 એશિઝ શ્રેણી રમાઈ છે. જેમાંથી ઓસ્ટ્રેલિયા 33 વખત અને ઈંગ્લેન્ડ 32 વખત જીત્યું છે. છ શ્રેણી ડ્રો રહી છે. તેથી, વર્ષ 2021 ની શ્રેણી ઘણી મહત્વપૂર્ણ રહેશે.
ઓસ્ટ્રેલિયાએ તાજેતરના વર્ષોમાં એશિઝમાં પ્રભુત્વ જમાવ્યું છે. આ ટીમે 2013-14માં શ્રેણી 5-0 થી જીતી હતી. અગાઉ 2006-07માં તેને 4-0 થી સફળતા મળી હતી. આ શ્રેણી પહેલા, તે 20 વર્ષ પહેલા સુધી પ્રભાવશાળી હતો. ત્યારબાદ 10 માંથી 9 વખત ઓસ્ટ્રેલિયાને સફળતા મળી. 2005 માં જ્યારે ઈંગ્લેન્ડે એશિઝ જીતી ત્યારે ભારે હોબાળો થયો હતો. કારણ કે આનાથી ઓસ્ટ્રેલિયાનું વર્ચસ્વ ખતમ થઈ ગયું હતું.
એશિઝ સિરીઝ 2021 ની શરુઆત ઇંગ્લેન્ડ માટે ખરાબ રહી છે. ટોસ જીતીને પ્રથમ દાવ લેતા ઇંગ્લેન્ડનો પ્રથમ દાવ માત્ર 147 રન ના સ્કોર પર જ સમેટાઇ ગયો હતો. રોરી બર્ન્સ, કેપ્ટન જો રૂટ શૂન્ય પર વિકેટ ગુમાવી બેસતા 29 રનમાંજ ઇંગ્લીશ ટીમે 4 વિકેટ ગુમાવી દીધી હતી. મેચમાં વરસાદે વિક્ષેપ સર્જ્યો છે.
