Cricket: ઋતુરાજ ગાયકવાડ અને અભિનેત્રી સયાલી વચ્ચે ડેટીંગની ખબરો, ઋતુરાજે આપ્યો આવો કમાલનો જવાબ
ચેન્નાઈ સુપર કિંગ્સ (Chennai Super Kings)ના સ્ટાર બેટ્સમેન ઋતુરાજ ગાયકવાડ (Rituraj Gaikwad)એ IPLમાં પોતાની બેટીંગ વડે અનેક લોકોને પ્રભાવિત કર્યા હતા.
ચેન્નાઇ સુપર કિંગ્સ (Chennai Super Kings)ના સ્ટાર બેટ્સમેન ઋતુરાજ ગાયકવાડે (Rituraj Gaikwad) IPLમાં પોતાની બેટીંગ વડે અનેક લોકોને પ્રભાવિત કર્યા હતા. ગાયકવાડના ફેન્સે મરાઠી અભિનેત્રી સયાલી સંજીવ (Sayali Sanjeev)નું નામ પણ ખૂબ ચર્ચામાં છે.
ઋતુરાજ ગાયકવાડ ખૂબ જ ઓછા સમયમાં મહેન્દ્રસિંહ ધોની (Mahendra Singh Dhoni)ની આગેવાની ધરાવતી ચેન્નાઈની ટીમનો અભિન્ન સભ્ય બની ચુક્યો છે. તેણે હાલમાં જ સ્થગીત થયેલી આઈપીએલ 2021માં શાનદાર બેટીંગ કરી હતી. તેણે ફાફ ડુ પ્લેસિસ (Faf du Plessis) સાથે મળીને કેટલીક મેચોમાં શાનદાર ઓપનીંગ ભાગીદારી નોંધાવી હતી.
પાછળના કેટલાક દિવસોથી ગાયકવાડ અને અભિનેત્રી સયાલીને ડેટ કરી રહ્યા હોવાના સમચારો આવી રહ્યા છે. આ સમાચારો પણ ત્યારે શરુ થયા, જ્યારે ઋતુરાજે અભિનેત્રી સયાલીની તસ્વીર પર કોમેન્ટ કરી હતી, વાહ. જેના જવાબમાં સયાલીએ દિલની ઈમોજી પણ પોસ્ટ કરી હતી.
જોકે ગાયકવાડે હવે આ સમાચારોને ખોટા ગણાવ્યા છે. તે પણ અલગ જ અંદાજમાં તેણે એક તસ્વીર શેર કરી હતી. તે તસ્વીરની સાથે લખ્યુ હતુ કે, માત્ર બોલર જ મારી વિકેટ લઈ શકે છે, તે પણ ક્લીન બોલ્ડ, તેના સિવાય અન્ય કોઈ નહીં. જેઓ સમજવા માંગતા હોય એ સમજી જાય.
ત્યારે સયાલી પણ ખૂબ જ મશહૂર મરાઠી અભિનેત્રી છે. તે અનેક સિરીયલોમાં નજર આવી ચુકી છે. સયાલીનો જન્મ મહારાષ્ટ્રના ધુળેમાં થયો હતો. સયાલીની સ્કૂલીંગ ધૂળેમાં જ થઈ હતી. તેણે આગળનો અભ્યાસ નાસિકથી કર્યો હતો. 2016માં શ્રેષ્ઠ એકટ્રેસનો એવોર્ડ પણ મળ્યો હતો.