ત્રણ મેચોની ટી-20 સીરીઝ કેપ્ટન વિરાટ કોહલી ક્યારેય હાર્યો નથી, ઓસ્ટ્રેલીયામાં રેકોર્ડ કાયમ રહી શકશે ?

વિરાટ કોહલી તેની કેપ્ટનશીપમાં ત્રણ કે તેનાથી વધારે મેચોવાળી ટી-20 સીરીઝનો રેકોર્ડ ખૂબ સારો ધરાવે છે. ઓસ્ટ્રેલીયાની સીરીઝ પહેલાના 11 મોકાઓ પર ત્રણ કે તેથી વધુ મેચોની સીરીઝમાં કોહલીએ આગેવાની નિભાવી છે. જેમાં તેણે આજ સુધી હાર સ્વીકારી નથી, મતલબ ક્યારેય હારનો સામનો કર્યો નથી. ઓસ્ટ્રેલિયા સામેની ટી-20 સીરીઝમાં પણ ભારતે શ્રેણી 1-0થી આગળ કરી છે. 2017માં કોહલીએ ત્રણ મેચની ટી-20 સીરીઝની ભારતની આગેવાની કરી હતી. જેમાં ઇંગ્લેન્ડને ભારતે 2-1થી હાર આપી હતી. ત્યારબાદ ઓસ્ટ્રેલીયા સામેની સીરીઝ 1-1થી બરાબર રહી હતી.

ભારતે આખરી વાર ત્રણ કે તેનાથી વધારે મેચની સીરીઝ ન્યૂઝીલેન્ડ સામે રમી હતી. જેમાં ભારતીય ટીમ 4-0થી જીતવામાં સફળ રહી હતી. એકપણ વાર આઈપીએલ ટાઈટલ નહીં જીતનારા વિરાટ કોહલીની કેપ્ટનશીપ પર અનેક વાર સવાલો કરવામાં આવ્યા છે. દિગ્ગજ બેટ્સમેન રોહિત શર્માના શાનદાર પ્રદર્શન અને કરિશ્માઈ કેપ્ટનશીપને લઈને કોહલી પર સતત દબાણ વધી રહ્યુ છે. આવામાં સીરીઝ પોતાના દમ પર જીતીને આલોચકોનું મોં પણ બંધ કરવા ઈચ્છશે.

2-1 ઇંગ્લેન્ડ વિરુદ્ધ, વર્ષ 2017,

1-1 ઓસ્ટ્રેલિયા વિરુદ્ધ, વર્ષ 2017,

2-1 ન્યુઝિલેન્ડ વિરુદ્ધ, વર્ષ 2017,

2-1 દક્ષિણ આફ્રિકા વિરુદ્ધ, વર્ષ 2018 [રોહિત શર્મા છેલ્લી મેચમાં કેપ્ટન હતો],

2-1 ઇંગ્લેન્ડ વિરુદ્ધ, વર્ષ 2018 ,

1-1 ઓસ્ટ્રેલિયા વિરુદ્ધ, વર્ષ 2018,

3-0 વેસ્ટ ઇન્ડીઝ વિરુદ્ધ, વર્ષ 2019,

1-1 દક્ષિણ આફ્રિકા વિરુદ્ધ, વર્ષ 2019,

2-1 વેસ્ટ ઇન્ડીઝ વિરુદ્ધ, વર્ષ 2019,

2-0 શ્રીલંકા વિરુદ્ધ, વર્ષ 2020,

4-0 ન્યૂઝીલેન્ડ વિરુદ્ધ, વર્ષ 2020

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો