Kuortane Games 2022: નીરજ ચોપરાનું શાનદાર ફોર્મ યથાવત, ફિનલેન્ડમાં વર્લ્ડ ચેમ્પિયનને હરાવી ગોલ્ડ જીત્યો

ટોક્યો ઓલિમ્પિક સુવર્ણ ચંદ્રક વિજેતા અને ભારતના સ્ટાર એથ્લેટ નીરજ ચોપરા (Neeraj Chopra) એક પછી એક પરાક્રમ કરી રહ્યા છે. ઓલિમ્પિક પછી તેની પ્રથમ ટુર્નામેન્ટમાં તેમણે રાષ્ટ્રીય રેકોર્ડ યથાવત રાખ્યો છે આ સાથે તેમણે બીજી ટુર્નામેન્ટમાં ગોલ્ડ મેડલ જીત્યો. નીરજે ફિનલેન્ડમાં કુઓર્ટેન ગેમ્સમાં સુવર્ણ ચંદ્રક જીતીને તેનું શાનદાર ફોર્મ યથાવત રાખ્યું. તેમણે અહીં 86.89 મીટરનો થ્રો કરીને ગોલ્ડ જીત્યો. ચાહકોને આશા હતી કે તે અહીં 90 મીટરનો માર્ક હાંસલ કરશે પરંતુ એવું થયું નહીં. ચોપરાએ અગાઉ ગત સપ્તાહે તુર્કુમાં 89.30 મીટરનો થ્રો કર્યો હતો. પાવો નુર્મીએ ગેમ્સમાં સિલ્વર મેડલ જીત્યો હતો. તે માત્ર 90 મીટરથી માત્ર 70 સેન્ટીમીટરથી ચૂંકી ગયો. ફિનલેન્ડના ઓલિવિયર હેલેન્ડર 89. 83 મીટરના થ્રો સાથે ગોલ્ડ મેડલ જીત્યો.

નીરજને પ્રથમ પ્રયાસમાં જ ગોલ્ડ મળ્યો હતો

નીરજે તેના પહેલા જ પ્રયાસમાં 86.89 મીટરનો થ્રો કર્યો હતો. આ પછી, તેનો આગલો પ્રયાસ ફાઉલ હતો અને ત્રીજા પ્રયાસમાં તે બરછી ફેંકતી વખતે લપસી ગયો હતો. તે પછી તેણે વધુ જોખમ ન લીધું. તેના સિવાય 2012 ઓલિમ્પિક ટોબેગોના કેશોર્ન વોલકોટે 86.64 મીટર સાથે સિલ્વર મેડલ જીત્યો હતો. તે જ સમયે, વર્તમાન વિશ્વ ચેમ્પિયન એન્ડરસન પીટર્સ માત્ર 84.75 મીટર સાથે બ્રોન્ઝ મેડલ જીતી શક્યો. ઓલિમ્પિક સિલ્વર મેડલ વિજેતા ચેક રિપબ્લિકના જાકુબ વાલેશ અને પાંચમા સ્થાને રહેલા જુલિયન વેબર રમી રહ્યા નહોતા. જર્મનીના જોહાન્સ વેટરે પણ ભાગ લીધો ન હતો, જેણે ગયા વર્ષે અહીં 93.59 મીટરના થ્રો સાથે ગોલ્ડ જીત્યો હતો.

નીરજનું લક્ષ્ય વર્લ્ડ ચેમ્પિયનશિપમાં મેડલ મેળવવાનું છે

ચોપરા આ વર્ષે યોજાનારી વર્લ્ડ એથ્લેટિક્સ ચેમ્પિયનશિપમાં સુવર્ણ ચંદ્રક જીતવાનું લક્ષ્ય ધરાવે છે, જો કે તે તેનું દબાણ લેશે નહીં. તેણે થોડા દિવસ પહેલા ટ્રેનિંગમાં કહ્યું હતું કે, હું વર્લ્ડ ચેમ્પિયનશિપ દરમિયાન પણ આવું જ કરીશ, જોઈશ કે મને પરિણામ મળે છે કે નહીં, હું મેડલ જીતીશ કે નહીં. એવું નથી કે મેં ગયા વર્ષે ઓલિમ્પિકમાં ગોલ્ડ મેડલ જીત્યો હતો, તેથી મારે આ વર્ષે પણ વર્લ્ડ ચેમ્પિયનશિપમાં મેડલ જીતવો જ પડશે. હું જોઈશ કે ભવિષ્ય માટે હું અન્ય કયા સુધારાઓ કરી શકું. તેણે કહ્યું, થોડું દબાણ છે, તે સ્વાભાવિક છે. પરંતુ હું હંમેશા હળવા રહેવાનો પ્રયત્ન કરું છું અને પરિણામ વિશે વધુ વિચારતો નથી. મોટી ટુર્નામેન્ટમાં જતા પહેલા હું શક્ય તેટલો સામાન્ય રહું છું.