અરવલ્લી જિલ્લાના બાયડના ધારાસભ્યએ હજુ ગઈકાલે તો વિરોધ પ્રદર્શન કર્યુ હતુ અને હવે બીજા દીવસે તેમના જીવને જોખમ સર્જાયુ હોવાનો પત્ર લખતા જ સ્થાનિક રાજકીય મામલો ગરમાયો છે. એક તરફ ભાજપના પ્રદેશ અધ્યક્ષ અરવલ્લી આવવાના છે. ત્યાં હવે રાજકીય વિવાદ સર્જાવા લાગતા સ્થાનિક રાજકારણ પણ ચર્ચામાં ગરમાયુ છે. બુધવારે બપોર બાદ જિલ્લા કલેકટર કચેરી સમક્ષ બાયડના કોંગ્રેસી ધારાસભ્ય જશુભાઈ પટેલ દ્વારા ધારાસભ્ય ક્ષેત્રમાં સરકારી ગ્રાન્ટમાંથી થતાં વિકાસના કાર્યોમાં જિલ્લા આયોજન મંડળ દ્વારા ગેરરીતિઓ આચરાતી હોવાની રજુઆત કરી હતી.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
આ રજુઆત દરમ્યાન તેમના મનમાં જાણે કે અસંતોષ વર્તાયો હોય એમ તેઓએ કલેકટરની ચેમ્બર સમક્ષ જ પોતાના શર્ટને ઉતારીને બેસી જઈ રામધુન શરુ કરી હતી. જેમાં જિલ્લા કોંગ્રેસના પ્રમુખ સહિત કોંગ્રેસી કાર્યકરો પણ જોડાયા હતા. જો કે આ ઘટનાક્રમ બાદ ગુરુવારે ધારાસભ્ય જશુભાઈ પટેલે પોતાના જીવને જોખમ હોવાની શંકા લાગતા જ રાજ્યના મુખ્યપ્રધાનને પોતાની સલામતી માટે જાણ કરતો પત્ર લખી મોકલ્યો હતો. આ માટેની જાણ સ્થાનિક કલેકટર અને એસપીને પણ કરવામાં આવી હતી.
કોંગ્રેસના જિલ્લા પ્રમુખ કમલેન્દ્રસિંહ પુવારે જણાવ્યું હતુ કે બાયડના તેમના પક્ષના ધારાસભ્ય તેઓ પોતાના મત વિસ્તારને લઈને વિકાસના કાર્યો બાબતે અવાર નવાર રજુઆતો કરતા હોય છે. પરંતુ ગઈકાલની ઘટનામાં રજુઆત બાદ તેમને પોતાને અને તેમના પરીવાર માટે અસલામતી હોવાનું લાગ્યુ હતુ. જેથી અમે આ અંગે રાજ્યના મુખ્યપ્રધાન અને સ્થાનિક તંત્રના અધિધકારીઓને જાણ કરવી હિતાવહ માની હતી. જે અંગે પત્ર લખી સલામતી અંગે અમે રજુઆત કરી છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Published On - 6:06 pm, Thu, 3 September 20