તમારા TVના સ્પીકરમાંથી અવાજ ઓછો આવે છે ? ગભરાશો નહીં, બસ આટલું કરી લો
તમારા ટીવીમાંથી અવાજ આવતો બંધ થઈ ગયો છે કે TVમાંથી આવતો અવાજ ખરાબ એટલે કે કર્કશ આવી રહ્યો છે? શક્ય છે કે તમારા ટીવીના સ્પીકર્સ ધૂળ અને ગંદકી ભરાઈ ગઈ હોય અને તેના કારણે સ્પિકરમાંથી અવાજ ખરાબ આવી રહ્યો હોય છે.
હેર ડ્રાયરનો ઉપયોગ કરો: હાઈ-પ્રેશર હવા પણ ટીવીના વેન્ટ્સને ઘણી હદ સુધી સાફ કરી શકે છે. ટેકનિશિયન પાસે આ માટે યોગ્ય સાધનો છે, પરંતુ ઘરે, તમે આ માટે હેર ડ્રાયરનો ઉપયોગ કરી શકો છો. હેર ડ્રાયરનો ઉપયોગ કરતી વખતે, તેને ટીવી સ્પીકર વેન્ટ્સની ખૂબ નજીક ન રાખવાનું. ઉપરાંત, જો તમે હેર ડ્રાયરમાં ગરમ હવા બંધ કરી શકો છો, તો ગરમ હવા બંધ કરીને તેનો ઉપયોગ કરવો વધુ સારું રહેશે.
લિક્વીડનો ઉપયોગ ના કરો: સ્પીકર વેન્ટ્સ સાફ કરતી વખતે કોઈપણ લિક્વીડ અથવા સ્પ્રેનો ઉપયોગ ના કરવો. આ તમારા ટીવીના સ્પીકર્સને નુકસાન પહોંચાડી શકે છે અથવા અન્ય સમસ્યાઓનું કારણ બની શકે છે. જોકે, સ્પીકરના વેન્ટ્સમાંથી ધૂળ દૂર કરવા માટે થિનર જેવા પ્રવાહીનો ઉપયોગ કરી શકાય છે, કારણ કે તે હવાના સંપર્કમાં આવે ત્યારે ઝડપથી સુકાઈ જાય છે. જો તમારી પાસે થિનર હોય, તો તમે થિનરમાં ટૂથબ્રશ ડુબાડી શકો છો અને સ્પીકરના વેન્ટ્સને હળવા હાથે સાફ કરી શકો છો.
ટેકનિશિયનની મદદ લો: 90% કિસ્સાઓમાં, તમારા ટીવીના સ્પીકર્સને આ રીતે સાફ કરવાથી તેમનો અવાજ પાછો આવશે. જો કે, ઘણા કિસ્સાઓમાં, ટીવીના સ્પીકર્સ અંદરથી ધૂળ અને ગંદકીથી ભરાઈ શકે છે. આ કિસ્સામાં, તમારે ટીવીની અંદરથી સ્પીકર્સ સાફ કરવા માટે ટેકનિશિયનની જરૂર પડી શકે છે.
