350 kmphની ટોપ સ્પીડ, 630 kmની રેન્જ…લોન્ચ થઈ Xiaomiની આ ઇલેક્ટ્રિક કાર
Xiaomi એ ટેસ્લા સાથે સ્પર્ધા કરવા ગ્રાહકો માટે નવી ઇલેક્ટ્રિક સેડાન લોન્ચ કરી છે. કંપનીએ જુલાઈમાં Xiaomi SU7 Ultraના પ્રોટોટાઈપનું અનાવરણ કર્યું હતું અને હવે આ ઇલેક્ટ્રિક કારને શાનદાર ફીચર્સ સાથે લોન્ચ કરવામાં આવી છે. ત્યારે આ લેખમાં તેની કિંમત અને ફીચર્સ વિશે જાણીશું.
Xiaomi એ ટેસ્લા સાથે સ્પર્ધા કરવા ગ્રાહકો માટે નવી ઇલેક્ટ્રિક સેડાન લોન્ચ કરી છે. કંપનીએ જુલાઈમાં Xiaomi SU7 Ultraના પ્રોટોટાઈપનું અનાવરણ કર્યું હતું અને હવે આ ઇલેક્ટ્રિક કારને શાનદાર ફીચર્સ સાથે લોન્ચ કરવામાં આવી છે.
આ Xiaomi ઇલેક્ટ્રિક કારની ડિઝાઇન સ્પોર્ટ્સ કાર જેવી છે, એટલું જ નહીં, કંપનીએ આ કારમાં ઘણા શાનદાર ફીચર્સ સામેલ કર્યા છે.
Xiaomiની આ ઇલેક્ટ્રિક સેડાનને 350 kmphની ટોપ સ્પીડ સાથે લોન્ચ કરવામાં આવી છે, આ કારને 0 થી 100ની ઝડપ પકડવામાં માત્ર 1.98 સેકન્ડનો સમય લાગે છે.
આ કારમાં ટ્રિપલ મોટર સિસ્ટમ છે, બે V8s અને એક V6s મોટર આપવામાં આવી છે, આ કારમાં વપરાતી V8s મોટર ખૂબ જ પાવરફુલ છે. આ કારમાં ત્રણ નવા ઇલેક્ટ્રિક સ્પોર્ટ સાઉન્ડ પ્રોફાઇલ જેવા કે અલ્ટ્રા ઇલેક્ટ્રિક, અલ્ટ્રા સોનિક અને અલ્ટ્રા પલ્સ આપવામાં આવ્યા છે. આ સાથે 40 વોટનું સ્પીકર પણ છે જે સારી સાઉન્ડ ક્વોલિટી આપે છે.
Xiaomiની આ ઈલેક્ટ્રિક સેડાન સિંગલ ચાર્જમાં 630 કિલોમીટર સુધીની ડ્રાઈવિંગ રેન્જ આપે છે. આ પ્રાઇસ રેન્જમાં શાઓમીની આ કાર ટેસ્લા કંપનીના ટેસ્લા મોડલ એસ પ્લેઇડને ટક્કર આપશે.
ચીનના બજારમાં આ ઇલેક્ટ્રિક સેડાનનું પ્રી-બુકિંગ શરૂ થઈ ગયું છે, કંપનીએ આ કારની કિંમત 8,14,900 ચીની યુઆન (અંદાજે 96,00,035 રૂપિયા) રાખી છે. આ કારની ડિલિવરી આવતા વર્ષે 2025 સુધીમાં શરૂ થવાની આશા છે.