અહીં છોકરીઓ ‘પેટવાળા’ મર્દો પર જ ફિદા થાય છે! જાણો દુનિયા ના આ દેશ વિશે
શું તમે ક્યારેય એવી જગ્યા વિશે સાંભળ્યું છે જ્યાં ફાંદ વધારવા માટે લોહી પીવું પડે? ઈથોપિયાની ઓમી ઘાટીમાં એક એવી જનજાતિ રહે છે જ્યાં ફિટનેસ નહીં પણ મેદસ્વીપણું સુંદરતાની નિશાની છે. લગ્ન કરવા માટે અહીં છોકરાઓએ 6 મહિના સુધી મહેનત કરીને પેટ ફુલાવવું પડે છે
આજના સમયમાં જ્યાં દુનિયા સિક્સ-પેક એબ્સ માટે જીમમાં પરસેવો પાડે છે, ત્યાં ઈથોપિયાની 'બોડી જનજાતિ' (Bodi Tribe) માં સુંદરતાની વ્યાખ્યા સાવ અલગ છે. અહીં જે પુરુષનું પેટ સૌથી વધુ બહાર હોય, તેને જ સૌથી હેન્ડસમ અને શક્તિશાળી માનવામાં આવે છે.
આ જનજાતિના પુરુષો પોતાનું પેટ ફુલાવવા માટે એક હેરાન કરી દેનારી ડાયટ ફોલો કરે છે. તેઓ ગાયના દૂધમાં તેનું તાજું લોહી ભેળવીને પીવે છે. આ 'એનર્જી ડ્રિંક' તેમને ઝડપથી વજન વધારવામાં મદદ કરે છે, જેનાથી તેમની ફાંદ મોટી થઈ જાય છે.
આ કોઈ સામાન્ય સ્પર્ધા નથી. 'કાએલ ઉત્સવ' માં ભાગ લેવા માટે પુરુષોએ 6 મહિના સુધી ઝૂંપડીમાં કેદ રહેવું પડે છે. આ સમય દરમિયાન તેમને કોઈપણ શારીરિક કામ કરવાની મનાઈ હોય છે; બસ ખાવું, સૂવું અને વજન વધારવું એ જ તેમનો એકમાત્ર ટાર્ગેટ હોય છે.
ઉત્સવના દિવસે આ મર્દો પોતાના શરીર પર રાખ અને માટી લગાવીને ડાન્સ કરે છે. જેનું પેટ સૌથી મોટું અને ફૂલેલું હોય તેને કબીલાનો 'હીરો' અને 'સુપરમોડેલ' જાહેર કરવામાં આવે છે. વિજેતાને સમાજમાં અત્યંત માનભર્યું સ્થાન મળે છે.
બોડી જનજાતિની યુવતીઓ આ મોટા પેટવાળા મર્દો સાથે લગ્ન કરવા માટે પાગલ હોય છે. અહીં પેટની સાઈઝ જ મર્દાનગીની ઓળખ છે. વિજેતા મર્દને પોતાનો જીવનસાથી બનાવવા માટે યુવતીઓ પડાપડી કરે છે.
