ટૂંક સમયમાં અંતરીક્ષમાં Film અને Entertainment સ્ટુડિયો લોન્ચ કરશે બ્રિટેનની સ્પેસ કંપની
International Space Station: 'સ્પેસ એન્ટરટેઈનમેન્ટ એન્ટરપ્રાઈઝ' (SEE) નામની બ્રિટિશ કંપની ISS માટે ફિલ્મ સ્ટુડિયો અને સ્પોર્ટ્સ એરેના તૈયાર કરી રહી છે.
ઇન્ટરનેશનલ સ્પેસ સ્ટેશન (ISS)માં 2024 સુધીમાં એક નવો ફિલ્મ સ્ટુડિયો અને સ્પોર્ટ્સ એરેના હશે. યુકેની એક કંપની તેની તૈયારીમાં વ્યસ્ત છે. લંડનની સ્પેસ એન્ટરટેઈનમેન્ટ એન્ટરપ્રાઈઝ (Space Entertainment Enterprise- SEE) ISS માટે ફિલ્મ, ટીવી સ્પોર્ટ્સ અને મનોરંજન પ્રસારણ મોડ્યુલ બનાવવાની યોજના ધરાવે છે. (Image-SEE)
ISS(International Space Station) માટે આ મોડ્યુલ તૈયાર કરવાની જવાબદારી Axiom Spaceને આપવામાં આવી છે. SEE પાસે પહેલેથી જ સ્પેસ મનોરંજન માટેની યોજનાઓ છે. કંપની ટોમ ક્રૂઝ સાથે ફિલ્મ બનાવવા માટે કામ કરી રહી છે, જેનું આંશિક શૂટિંગ અંતરીક્ષમાં કરવામાં આવશે. (Image-SEE)
આ નવા Entertainment સેન્ટર સાથેનું મોડ્યુલ SEE-1 તરીકે ઓળખાશે, જે થોડા સમય બાદ ISSથી અલગ થઈ જશે અને Axiom મોડ્યુલ સાથે જોડવામાં આવશે. Axiom Space પણ પોતાનું સ્પેસ સ્ટેશન બનાવી રહ્યું છે. (Image-SEE)
અત્યાર સુધી, આ મોડ્યુલ તૈયાર કરવા માટે કોઈ ખર્ચ અને બજેટની જાહેરાત કરવામાં આવી નથી. પરંતુ જાણવા મળ્યું છે કે આ મોડ્યુલ થર્ડ પાર્ટીને મૂવીઝ અને ટીવી શોના શૂટિંગ માટે પણ ઉપલબ્ધ કરાવવામાં આવશે. (Image-નાસા)
યુએસ સ્પેસ એજન્સી NASA એ 2030 સુધી વૃદ્ધ ISS માટે ફન્ડિંગ શરૂ રાખવા માટે પ્રતિબદ્ધતા દર્શાવી છે. રશિયાએ નવા પ્રયોગશાળા મોડ્યુલના લોન્ચ સાથે તેની પ્રતિબદ્ધતા પણ દર્શાવી છે. એવું માનવામાં આવે છે કે ટૂંક સમયમાં ISS સિવાય પણ ઘણા સ્પેસ સ્ટેશન અવકાશમાં જોવા મળશે. (Image-નાસા)
SEE કહે છે કે તેમનું મોડ્યુલ કલાકારો, નિર્માતાઓ અને ક્રિએટિવ્સને સ્પેસ સ્ટેશનના વાતાવરણમાં રેકોર્ડ અને Live Stream કરવાની મંજૂરી આપશે. આ સિવાય અહીં ફિલ્મોનું શૂટિંગ, ટેલિવિઝન શો, મ્યુઝિક આલ્બમ અને સ્પોર્ટ્સ ઈવેન્ટ્સનું પણ આયોજન થઈ શકશે છે.(Image-નાસા)