વિશ્વના આ 10 શહેર તાપમાનની દ્રષ્ટિએ આગની ભઠ્ઠી સમાન, જાણો કેવો હોય છે અહિયાં ગરમીનો પ્રકોપ
ભારત, કેનેડા સહિત વિશ્વના ઘણા દેશોમાં આ વર્ષે તાપમાનમાં વધારો થઈ રહ્યો છે. આવી સ્થિતિમાં, વિશ્વના કેટલાક એવા શહેરો છે જ્યાં તાપમાન 40 ડિગ્રી ની ઉપર રહે છે.
બેંગકોક: થાઇલેન્ડની રાજધાની એક પ્રખ્યાત પર્યટન સ્થળ છે. પરંતુ વર્લ્ડ મીટિઓરોલોજિકલ ઓર્ગેનાઇઝેશન અનુસાર તે વિશ્વનું સૌથી ગરમ શહેર પણ છે. બેંગકોકમાં લોકોને આખા વર્ષ દરમ્યાન ગરમી સહન કરવી પડે છે. શહેરનું સરેરાશ તાપમાન 29 ડિગ્રી સેલ્સિયસ છે. જ્યારે અમુક સમયે તાપમાન 40 ડિગ્રીની સપાટીએ પણ પહોંચી જાય છે.
જેકોકાબાદ: પાકિસ્તાનમાં સ્થિત જેકોકાબાદમાં ખૂબ જ ગરમ શહેર છે. પાકિસ્તાનના ઘણા શહેરોમાં ગરમીનો કહેર જોવા મળી રહ્યો છે. પરંતુ જેકોકાબાદમાં ખૂબ જ ગરમી પડે છે. અહીં ઉનાળાની ઋતુમાં તાપમાન 52 ડિગ્રી સુધી પહોંચે છે. વર્ષ2017 માં અહીં તાપમાન 53 ડિગ્રી સેલ્શિયસ નોંધાયું હતું.
કેબીલી: ઉત્તર આફ્રિકાના દેશ ટ્યુનિશિયામાં કેબીલી નામનું એક શહેર છે. આ રણ વિસ્તારના શહેરમાં તાપમાન 44 ડિગ્રી સુધી પહોંચે છે. વર્ષ 1931 માં કેબિલીમાં 55 ડિગ્રી તાપમાન નોંધાયું હતું. નોંધનીય બાબત એ છે કે ઉનાળામાં તીવ્ર ગરમીનો ભોગ બનેલા આ શહેરમાં શિયાળો પણ ખૂબ જ ઠંડી અનુભવાય છે.
કુવૈત: કુવૈતનું પાટનગર કુવૈત શહેર પણ વિશ્વના સૌથી ગરમ શહેરોમાં ગણાય છે. અહીં જૂન માસમાં તાપમાન 42 ડિગ્રી સેલ્સિયસ સુધી પહોંચે છે. સુકા વિસ્તારને કારણે લોકોને રાત્રે ગરમીથી થોડી રાહત મળે છે. કુવૈત શહેરમાં 54 ડિગ્રી સુધી તાપમાન નોંધાયું છે.
ફલોદી: ભારતના રાજસ્થાન રાજ્યમાં ચુરુ દેશનું સૌથી ગરમ શહેર માનવામાં આવે છે. પરંતુ આ વર્ષે જોધપુરના ફલોદીએ ઉનાળામાં તમામ રેકોર્ડ તોડી નાખ્યા છે. ગરમીની દ્રષ્ટિએ પણ ચુરુને પાછળ છોડી દીધું છે. ફલોદીમાં તાપમાન 51 ડિગ્રી સુધી નોંધાયું હતું, જ્યારે ચુરુમાં તાપમાન 50 ડિગ્રી સુધી પહોંચ્યું હતું.
ટિમ્બક્ટુ: માલીનું ટિમ્બક્ટુ શહેર સહારા રણના દક્ષિણ છેડે આવેલું છે. તેને વિશ્વના સૌથી ગરમ શહેરોમાં ગણવામાં આવે છે. ટિમ્બક્ટુના શુષ્ક અને રણના વાતાવરણને કારણે, અહીંનું તાપમાન 54.5 સેલ્શિયસ નોંધાયું છે.
ફોનિક્સ: અમેરિકાના એરિઝોના રાજ્યમાં સ્થિત ફોનિક્સ પણ ખૂબ જ ગરમ શહેર છે. 1981 અને 2010 ની વચ્ચે અહીં દર વર્ષે 107 દિવસ તાપમાન 38 ડિગ્રી સેલ્શિયસ સે નોંધાયું હતું. ફોનિક્સમાં મહત્તમ તાપમાન 50 ડિગ્રી સેલ્સિયસ નોંધાયું હતું.
મોરોક્કો: મોરોક્કોમાં સ્થિત મોરોક્કોમાં મહત્તમ તાપમાન 49 ડિગ્રી સેલ્સિયસ નોંધાયું છે. જુલાઇ અને ઓગસ્ટ મહિનામાં અહીં રહેતા લોકો માટે કોઈ મુશ્કેલીથી ઓછી નથી. આ મહિનાઓમાં અહીં સરેરાશ તાપમાન 36 ડિગ્રી સુધી હોય છે.
Published On - 6:01 pm, Sun, 4 July 21
