Wife on Rent : અહીં ભાડે મળે છે પત્ની, પૈસા ચૂકવો.. સાથે રહો અને પ્રેમ થાય તો લગ્ન પણ શક્ય, જાણો
'વાઇફ ઓન રેન્ટ' જેવી પ્રથા અનેક વિસ્તારોમાં ઝડપથી વધી રહી છે. જે વિશ્વભરમાં ચર્ચાનો વિષય બન્યું છે. ત્યારે આજે અહીં આપણે જણાવીશું કે આ પ્રથા આખરે કઈ રીતે ચાલી રહી છે.
દક્ષિણ-પૂર્વ એશિયાના એક દેશમાં ઝડપથી બદલાતી જીવનશૈલીને કારણે લોકો કાયમી સંબંધોની બદલે તાત્કાલિક સંબંધોને વધુ પસંદ કરી રહ્યા છે. સમાજનું ખુલ્લું વલણ આ પ્રકારની વ્યવસ્થાને વધુ વેગ આપે છે. તાજેતરમાં આ અનોખી સામાજિક પ્રવૃત્તિએ વૈશ્વિક સ્તરે ખાસ ધ્યાન ખેંચ્યું છે.
પ્રાકૃતિક સૌંદર્ય અને પ્રવાસન માટે જાણીતા Thailand નું નામ હવે ‘વાઇફ ઑન રેન્ટ’ જેવી પ્રથાને કારણે ચર્ચામાં આવ્યું છે. વિશ્વભરમાં તેના સુંદર દરિયાકાંઠા અને નાઇટલાઇફ માટે જાણીતા આ દેશ વિશે એક પુસ્તકમાં કરવામાં આવેલા ખુલાસાઓ બાદ આ વિષય પર વ્યાપક ચર્ચા શરૂ થઈ છે.
આ પ્રથામાં મહિલાઓ નિશ્ચિત સમયગાળા માટે પ્રવાસીઓ સાથે પત્ની તરીકે રહે છે. આ દરમિયાન સાથે રહેવું, ફરવા જવું, ઘરેલું કામકાજ જેવી જવાબદારીઓ નિભાવવામાં આવે છે. જો બંને વચ્ચે લાગણી ઊભી થાય, તો લગ્ન કરવાનો વિકલ્પ પણ રહે છે. જોકે આ સંબંધ કાયદેસર લગ્ન માનવામાં આવતો નથી અને સંપૂર્ણપણે કરાર આધારિત હોય છે.
આ ટ્રેન્ડ ખાસ કરીને Pattaya માં લોકપ્રિય છે. અહીં તેને ‘વાઇફ ઑન હાયર’ અથવા ‘બ્લેક પર્લ’ તરીકે પણ ઓળખવામાં આવે છે. સમય જતાં આ વ્યવસ્થા એક વ્યવસાયરૂપે વિકસી છે અને ઘણી મહિલાઓ પોતાની સંમતિથી તેમાં જોડાય છે.
આ સમગ્ર પ્રથા વિશે વિગતવાર માહિતી Thai Taboo - The Rise of Wife Rental in Modern Society નામના પુસ્તકમાં આપવામાં આવી છે, જેના લેખક Lavert A Emmanuel છે. પુસ્તક અનુસાર, ગરીબ પરિવારોમાંથી આવેલી ઘણી મહિલાઓ પોતાના પરિવારને સહારો આપવા માટે આ કામ પસંદ કરે છે. ઘણી વખત તેઓ બાર કે નાઇટક્લબમાં કામ કરતી હોય છે, જ્યાં વિદેશી પ્રવાસીઓ સાથે તેમની ઓળખ થાય છે.
રેન્ટની રકમ મહિલાની ઉંમર, દેખાવ, શિક્ષણ અને કરારના સમયગાળાને આધારે નક્કી થાય છે. કેટલાક કરારો થોડા દિવસોના હોય છે, જ્યારે કેટલાક મહિનાઓ સુધી ચાલે છે. અહેવાલો મુજબ આ રકમ અંદાજે 1,600 ડોલરથી લઈને 1,16,000 ડોલર સુધી હોઈ શકે છે.
થાઇલેન્ડમાં આ પ્રથા માટે ખાસ કોઈ કાયદો નથી, એટલે આ વ્યવસ્થા ખાનગી કરાર પર ચાલે છે. બદલાતી જીવનશૈલી અને વધતી એકલતા કારણે આ ટ્રેન્ડ ઝડપથી વધી રહ્યો છે. થાઇ સમાજનું ખુલ્લું વલણ પણ તેને પ્રોત્સાહન આપે છે. જાપાન અને કોરિયામાં પહેલેથી લોકપ્રિય ‘ગર્લફ્રેન્ડ ફોર હાયર’ જેવી સેવાઓથી પ્રેરણા લઈને થાઇલેન્ડે આ વિચારને પોતાના પ્રવાસન ક્ષેત્ર સાથે જોડ્યો છે.
થાઇ સરકાર પણ સ્વીકારે છે કે આ પ્રવૃત્તિ ઝડપથી વધી રહી છે. તેથી સરકાર મહિલાઓની સુરક્ષા અને અધિકારો સુનિશ્ચિત કરવા માટે તેને નિયમિત કરવા માટે કાયદા લાવવાની વિચારણા કરી રહી છે.
