મૃત્યુ પછી 13 દિવસ સુધી આત્મા પોતાના જ ઘરમાં ભટકે છે ? ગરુડ પુરાણનો આ ખુલાસો જાણો……..
શું તમે ક્યારેય તમારા ઘરમાં કોઈની હાજરી અનુભવી છે? ગરુડ પુરાણ અનુસાર, મૃત્યુના ૧૩ દિવસ સુધી આત્મા ક્યાંય નથી જતી. શા માટે તેરમુ કરવું અનિવાર્ય છે અને કેવી રીતે આત્માને મળે છે મુક્તિ?
ગરુડ પુરાણ મુજબ, જ્યારે કોઈ વ્યક્તિનો શ્વાસ થંભી જાય છે, ત્યારે તેનો આત્મા તરત જ યમલોક નથી જતો. તે પૂરા 13 દિવસ સુધી પોતાના જ પરિવારની વચ્ચે, પોતાના જ ઘરમાં ભટકે છે. તેને પોતાના સ્વજનો પ્રત્યેનો મોહ અને પૃથ્વી પરના અધૂરા કાર્યો યાદ આવે છે.
શું તમે જાણો છો કે મૃત્યુના થોડા સમય પછી યમદૂતો આત્માને લઈ તો જાય છે, પણ ફરીથી તેને ઘરમાં જ કેમ છોડી જાય છે? આ પાછળનું કારણ એ છે કે આત્મા તેના અંતિમ સંસ્કાર અને પરિવાર દ્વારા અપાતા પિંડદાનને જોઈ શકે અને તેનો સ્વીકાર કરી શકે.
આ 13 દિવસો દરમિયાન પરિવાર દ્વારા કરવામાં આવતા 'પિંડદાન'ને 'પાથેય' કહેવામાં આવે છે. જો પિંડદાન ન કરવામાં આવે, તો આત્મા ભૂખી-તરસી ભટકે છે. યમલોકની જોખમી અને લાંબી મુસાફરી માટે આત્માને આ પિંડદાનથી જ શક્તિ મળે છે.
શા માટે 13મા દિવસે જ બધી વિધિઓ પૂર્ણ થાય છે? ગરુડ પુરાણ કહે છે કે આ વિધિ પછી જ આત્માને યમલોક જવાની પરવાનગી મળે છે. ત્યાં સુધી તે મોહના બંધનમાં જકડાયેલી રહે છે. તેરમુ ન કરવામાં આવે તો આત્મા ક્યારેય મોક્ષ પ્રાપ્ત કરી શકતી નથી.
માનવામાં આવે છે કે આત્મા ઘરમાં જ હાજર હોવાથી આ 13 દિવસમાં ગરુડ પુરાણનો પાઠ કરવો જોઈએ. તે સાંભળીને આત્માને સંસારના મોહમાંથી મુક્તિ મળે છે અને તેને આગળની સફર માટે સાચો માર્ગ દેખાય છે.
