Knowledge : દવાની શીશીઓનો રંગ નારંગી કે ભૂરો કેમ હોય છે, લાલ કે બ્લૂ કેમ નહીં ? જાણો તેનું રહસ્ય
Why Medicine Bottles Are Orange Or Brown: દવાઓનો સંગ્રહ કરવા માટે વપરાતી શીશીનો રંગ સામાન્ય રીતે નારંગી અથવા ભૂરો હોય છે. જાણો શા માટે આવું કરવામાં આવે છે.
દવાઓનો સંગ્રહ કરવા માટે વપરાતી દવાની બોટલોનો (Medicine Bottles) રંગ સામાન્ય રીતે નારંગી (Orange) અથવા ભુરો (Brown) હોય છે. શું તમે ક્યારેય વિચાર્યું છે કે આવું શા માટે કરવામાં આવે છે? ટેબ્લેટ પણ વાદળી અથવા લીલા શીશીમાં રાખી શકાય છે, તો પછી આ રંગીન શીશીઓનો ઉપયોગ કેમ કરવામાં આવતો નથી. વિજ્ઞાનના દૃષ્ટિકોણથી, નારંગી અને ભૂરા રંગ તેમના માટે યોગ્ય રંગો છે. જાણો કેમ થાય છે આવું...
મોટાભાગના લોકો સમજે છે કે દવાની ઓળખ માટે શીશીનો રંગ બ્રાઉન અથવા ઓરેન્જ તરીકે ફિક્સ કરવામાં આવ્યો છે, જ્યારે આવું બિલકુલ નથી. દવાની શીશીના રંગની પસંદગી પાછળ પણ એક વિજ્ઞાન છે. જેનો સીધો સંબંધ દવાઓની સલામતી સાથે છે.
હવે સમજીએ કે દવાની શીશીઓ સાથે કેસરી અને ભૂરા રંગનો શું સંબંધ છે. વિજ્ઞાન કહે છે કે, નારંગી અને બ્રાઉન, આ બંને રંગો એવા છે જે સૂર્યના અલ્ટ્રાવાયોલેટ કિરણોને અવરોધવાની સૌથી વધુ ક્ષમતા ધરાવે છે. તેથી, જ્યારે સૂર્યપ્રકાશના કિરણો આ રંગોની શીશીઓ પર પડે છે, ત્યારે તે તેની અસર રોકે છે.
શીશીના આવા રંગને કારણે, સૂર્યપ્રકાશના અલ્ટ્રાવાયોલેટ કિરણોની અસર ઓછી થાય છે અને દવાઓ તેમની સાથે કોઈપણ રીતે પ્રતિક્રિયા કરી શકતી નથી. પરિણામે દવાઓની ખરાબ અસર થતી નથી. તેથી, ઘણી વખત દવાઓની શીશી પર તેને ઠંડી જગ્યાએ રાખવા અને તેને સૂર્યના તીવ્ર કિરણોથી બચાવવા માટે લખવામાં આવે છે.
આ જ નિયમ બીયરની બોટલ પર પણ લાગુ પડે છે. મોટાભાગની બિયરની બોટલો ભૂરા રંગની હોય છે. કારણ કે તેમાં રહેલું પ્રવાહી સૂર્યના તીવ્ર કિરણો સાથે પ્રતિક્રિયા આપી શકે છે. તેથી જ તેનો રંગ આવો રાખવામાં આવ્યો છે.
Published On - 12:47 pm, Tue, 24 May 22