સૂર્યોદય અને સૂર્યાસ્ત સમયે તાજમહેલનો રંગ કેમ બદલાઈ જાય છે ? જાણો શું છે હકીકત
તાજમહેલમાં ઘણા રહસ્યો છે જે તેને અનોખો બનાવે છે. આવું જ એક રહસ્ય છે તાજમહેલનો બદલાતો રંગ. એવું કહેવાય છે કે તાજમહેલનો રંગ સૂર્યોદય અને સૂર્યાસ્ત સાથે બદલાઈ જાય છે. ત્યારે આ લેખમાં જાણીશું કે, રંગ બદલાવા પાછળ શું હકીકત છે.
તાજમહેલમાં ઘણા રહસ્યો છે જે તેને અનોખો બનાવે છે. આવું જ એક રહસ્ય છે તાજમહેલનો બદલાતો રંગ. એવું કહેવાય છે કે તાજમહેલનો રંગ સૂર્યોદય અને સૂર્યાસ્ત સાથે બદલાઈ જાય છે.
તાજમહેલનો મુખ્ય ભાગ સંગેમરમરનો બનેલો છે. સંગેમરમર એક પારદર્શક પથ્થર છે જે પ્રકાશને શોષી લે છે અને તેને પાછું પ્રતિબિંબિત કરે છે.
સૂર્યોદય અને સૂર્યાસ્ત સમયે સૂર્યપ્રકાશ સીધો તાજમહેલ પર પડે છે. આ સમયે સૂર્યપ્રકાશ ઓછો હોય છે અને તેમાં લાલ, નારંગી અને ગુલાબી રંગના કિરણો વધુ હોય છે.
સૂર્યપ્રકાશના આ કિરણો સંગેમરમર પર પડે છે અને તે વિવિધ રંગોમાં પ્રતિબિંબિત થાય છે. આ કિરણો સંગેમરમર સાથે અથડાઈને તાજમહેલને ગુલાબી, સોનેરી કે જાંબલી બનાવે છે.
તાજમહેલનો રંગ બદલાવો એ પણ અમુક અંશે જોનારની દ્રષ્ટિ પર આધાર રાખે છે. તાજમહેલનો રંગ અલગ-અલગ એંગલથી અલગ અલગ જોવા મળે છે. આ સિવાય વાતાવરણમાં રહેલી ધૂળ, ધુમાડો અને ભેજ પણ તાજમહેલના રંગને પ્રભાવિત કરે છે.
હકીકતમાં તાજમહેલનો રંગ બદલાય છે, પરંતુ તે કાયમી માટે બદલાતો નથી. તાજમહેલનો રંગ સૂર્યપ્રકાશની સ્થિતિ અનુસાર બદલાતો રહે છે. (Image - Pexels)