ટીવી સિરિયલોને ડેઈલી સોપ શા માટે કહેવામાં આવે છે ? જાણો તેની પાછળનું રસપ્રદ કારણ
ટીવી પર આવતી સિરિયલોને(TV Serial) ડેઈલી સોપ કહેવામાં આવે છે. શું તમે ક્યારેય વિચાર્યું છે કે તેને આવું કેમ કહેવામાં આવે છે ?
ટીવી પર આવતી સિરિયલોને ડેઈલી સોપ (Daily Soap)કહેવામાં આવે છે. શું તમે ક્યારેય વિચાર્યું છે કે તેને આવું કેમ કહેવામાં આવે છે ? તમને જણાવી દઈએ કે, આ કનેક્શન યુરોપથી (Europe) છે. 19મી સદીના અંતમાં યુરોપિયનો કામની શોધમાં અમેરિકા પહોંચ્યા હતા. યુરોપની આબોહવા સૌથી ઠંડી ગણાય છે, તેથી અમેરિકા પહોંચેલા વિદેશી યુરોપિયનોમાં નહાવાની ટેવ ઓછી હતી. આ અમેરિકન લોકોને પસંદ નહોતું. અહીંથી 'ડેઈલી સોપ' શબ્દનો પાયો નાખવામાં આવ્યો હતો.
યુરોપના લોકોને સ્વચ્છતાનો પાઠ ભણાવવા માટે અમેરિકાના લોકોએ ઘણી મહેનત કરવી પડી. તેઓ પોતાની જાતને સ્વચ્છ રાખે તે માટે દેશમાં તેમના માટે સ્વચ્છતા અભિયાન ચલાવવામાં આવ્યું હતું. ન્યુ યોર્ક સિટીમાં જાહેર સ્નાનાગાર બનાવવામાં આવ્યા હતા. આ અભિયાન ઘણી કંપનીઓના સહયોગથી ચલાવવામાં આવ્યું હતું. ઉપરાંત આ માટે રેડિયોનો આશરો લેવામાં આવ્યો.
20મી સદીમાં રેડિયોની લોકપ્રિયતાના વધતા જતા યુગમાં આવી સિરીઝ બહાર પાડવામાં આવી હતી જેમાં સ્વચ્છતા રાખવાના નિયમો શીખવવામાં આવ્યા હતા. આ કાર્યક્રમોમાં સાબુના ઉપયોગ પર ભાર મૂકવામાં આવ્યો હતો. તેમનો ફાયદો જોઈને, ધીમે ધીમે સાબુ ઉત્પાદકોએ આવા અભિયાન માટે ભંડોળ આપવાનું શરૂ કર્યું. તેમાં પ્રોક્ટર એન્ડ ગેમ્બલ (P&G) જેવી કંપનીઓનો સમાવેશ થાય છે. ધીરે ધીરે આવા કાર્યક્રમોને લોકો ડેઈલી સોપ (Daily Soap) કહેવા લાગ્યા.
ટીવીના શરૂઆતના દિવસોમાં પણ વિદેશી યુરોપિયનોમાં સ્વચ્છતાની જાગૃતિ વધે તે માટે આવા કાર્યક્રમો દરરોજ બતાવવામાં આવતા હતા. બાદમાં તેમની જગ્યાએ સિરિયલો આવી, પરંતુ તેઓ ડેઈલી સોપ્સ તરીકે પણ ઓળખાવા લાગ્યા. ધીરે ધીરે આ શબ્દ આખી દુનિયામાં પ્રખ્યાત થયો. આ રીતે સિરિયલોનું નામ ડેઈલી સોપ રાખવામાં આવ્યું.
ભારતમાં પણ ડેઈલી સોપ શબ્દ ખૂબ જ લોકપ્રિય છે. ભારતીય ટેલિવિઝનની સિરિયલોને નવી દિશા આપનાર બાલાજી ટેલિફિલ્મ્સના મેનેજિંગ ડિરેક્ટર એકતા કપૂરને ડેઇલી સોપ ક્વીન પણ કહેવામાં આવે છે. તેની સિરિયલો પાકિસ્તાનમાં પણ ઘણી લોકપ્રિય રહી છે.