વોટસ્એપમાં માત્ર એક ક્લિકથી બીજા ફોનમાં ટ્રાન્સફર થઈ જશે તમામ Chat, જાણો આ જબરદસ્ત ફીચર વિશે
ઇન્સ્ટન્ટ મેસેજિંગ એપ્લિકેશન WhatsApp સેટિંગ્સ ટેબમાં એક નવા વિકલ્પ પર કામ કરી રહી છે જે વપરાશકર્તાઓને ક્લાઉડનો ઉપયોગ કર્યા વિના જૂના એન્ડ્રોઇડ ફોનથી નવામાં ચેટ ટ્રાન્સફર કરવાની મંજૂરી આપશે.
વોટ્સએપ હાલમાં Google Drive પર ચેટ્સ બેકઅપ લેવાની અથવા Move to iOS એપ્લિકેશન દ્વારા Android થી iPhone પર ટ્રાન્સફર કરવાની મંજૂરી આપે છે. WABetaInfo માં નવું ફીચર WhatsApp બીટા વર્ઝન 2.23.1.26 પર જોવા મળ્યું છે. (ફોટોઃ WABetaInfo)
નવા અપડેટ વર્ઝનને સેટિંગ્સ વિભાગમાં નવા ચેટ ટ્રાન્સફર ટુ એન્ડ્રોઇડ વિકલ્પ સાથે જોવામાં આવ્યું છે. આનાથી ચેટ્સ ટ્રાન્સફર કરવાની પ્રક્રિયા સરળ બનશે, કારણ કે વપરાશકર્તાઓએ તેમના નવા ફોન પર WhatsApp સેટ કર્યા પછી તેના પર ક્લિક કરવાની અને તેમના જૂના ફોન પર QR કોડ સ્કેન કરવું પડશે છે.
રિપોર્ટ પરથી જાણવા મળ્યું છે કે આ ફીચર હજુ ડેવલપમેન્ટ સ્ટેજ પર છે અને તેને ક્યારે રોલઆઉટ કરવામાં આવશે, અત્યારે તેના વિશે કોઈ માહિતી નથી. જો કે, એકવાર તે રોલઆઉટ થઈ જાય પછી, નવા એન્ડ્રોઇડ ફોન પર સ્વિચ કરવું વધુ ઝડપી બની શકે છે કારણ કે વપરાશકર્તાઓને Google ડ્રાઇવ પર આધાર રાખવો પડશે નહીં.
જો કે, વપરાશકર્તાઓ ક્લાઉડ બેકઅપનો ઉપયોગ કરીને નવા ફોન પર તેમના ચેટ હિસ્ટ્રીને ફક્ત ત્યારે જ ઍક્સેસ કરી શકે છે જ્યારે તેમનું જૂનું ડિવાઈસ ખોવાઈ ગયો હોય અથવા કામ કરવાનું બંધ કરી દીધું હોય.