શું તમે જાણો છો T-Shirt માં ‘T’ નો મતલબ શું થાય છે? 99% લોકો નથી જાણતા આ રહસ્ય!
રોજ સવાર-સાંજ આપણે જે ટી-શર્ટ પહેરીએ છીએ, તેનો ઈતિહાસ ભારે રસપ્રદ છે! મજૂરોની જરૂરિયાતથી લઈને નેવીના યુનિફોર્મ અને હોલીવુડના ક્રેઝ સુધી... જાણો ટી-શર્ટ નામ કેવી રીતે પડ્યું અને તેની સાથે જોડાયેલા કેટલાક આશ્ચર્યજનક વર્લ્ડ રેકોર્ડ્સ!
આપણે બધા રોજ ટી-શર્ટ પહેરીએ છીએ, પણ ક્યારેય વિચાર્યું છે કે આમાં 'T' નો અર્થ શું થાય? વાસ્તવમાં, આ નામ તેના આકાર (Shape) પરથી પડ્યું છે. જ્યારે તમે ટી-શર્ટને ક્યાંય સીધી ફેલાવીને જુઓ છો, ત્યારે તેનો આકાર અંગ્રેજીના 'T' અક્ષર જેવો દેખાય છે. બસ, આ જ કારણસર તેને 'ટી-શર્ટ' (T-Shirt) નામ આપવામાં આવ્યું છે.
આજે જે ટી-શર્ટ ફેશન આઇકોન બની ગઈ છે, તે 19મી સદીના અંતમાં માત્ર એક અંડરગાર્મેન્ટ એટલે કે કપડાંની અંદર પહેરવાના વસ્ત્ર તરીકે બનાવવામાં આવી હતી. અમેરિકાની ખાણોમાં કામ કરતા મજૂરો ભારે ગરમીથી બચવા માટે પોતાના વન-પીસ કપડાંને વચ્ચેથી કાપી નાખતા હતા, જેથી ઉપરનો ભાગ અલગ થઈ જતો. અહીંથી જ ટી-શર્ટનો જન્મ થયો.
વર્ષ 1913માં યુએસ નેવી (US Navy) એ પોતાના સૈનિકોના યુનિફોર્મ માટે ટી-શર્ટની પસંદગી કરી હતી. સૈનિકો તેને પોતાના મુખ્ય યુનિફોર્મની નીચે પહેરતા હતા. કોટન મટીરિયલ હોવાને કારણે તે પરસેવો ઝડપથી સૂકવી દેતું હતું, જે સૈનિકો માટે ખૂબ આરામદાયક સાબિત થયું. તે સમયે માત્ર સફેદ રંગની જ ટી-શર્ટ મળતી હતી.
ટી-શર્ટને અંડરગાર્મેન્ટમાંથી બહાર કાઢીને ફેશન સ્ટેટમેન્ટ બનાવવાનો શ્રેય હોલીવુડ કલાકારોને જાય છે. 1951માં પ્રખ્યાત અભિનેતા માર્લોન બ્રાન્ડોએ પહેલીવાર કેમેરા સામે ટાઈટ વ્હાઇટ ટી-શર્ટ પહેરી હતી. ત્યારબાદ 1955માં જેમ્સ ડીને પણ એક ફિલ્મમાં ટી-શર્ટ પહેરીને યુવાનોમાં આનો જોરદાર ક્રેઝ જગાવ્યો હતો.
ટી-શર્ટની લોકપ્રિયતા એટલી વધી ગઈ કે વર્ષ 1920માં 'T-Shirt' શબ્દને સત્તાવાર રીતે અંગ્રેજી ડિક્શનરીમાં સામેલ કરવામાં આવ્યો હતો. આજે ગ્લોબલ માર્કેટની વાત કરીએ તો, સમગ્ર વિશ્વમાં દર વર્ષે આશરે 2 અબજ (2 Billion) થી વધુ ટી-શર્ટ વેચાય છે.
ટી-શર્ટ સાથે ઘણા અનોખા વર્લ્ડ રેકોર્ડ પણ જોડાયેલા છે. સનત બંડારા નામના વ્યક્તિએ એકની ઉપર એક એમ કુલ 257 ટી-શર્ટ પહેરીને વર્લ્ડ રેકોર્ડ બનાવ્યો હતો. જ્યારે અમેરિકાના ડેવિડ અને જેનિફર રશે માત્ર 1 મિનિટમાં 35 ટી-શર્ટ પહેરવાનો અદભુત રેકોર્ડ પોતાના નામે કર્યો છે.
શું તમે ક્યારેય વિચારી શકો કે એક ટી-શર્ટની કિંમત કરોડોમાં હોઈ શકે? જી હા, દુનિયાની સૌથી મોંઘી ટી-શર્ટની કિંમત 4,00,000 ડોલર (ભારતીય રૂપિયામાં અંદાજે 3.30 કરોડ રૂપિયાથી વધુ) છે. આ કોઈ સામાન્ય ટી-શર્ટ નથી, પરંતુ તેમાં અસલી કિંમતી હીરા જડવામાં આવ્યા છે.
