Health Tips : દિવસમાં ચાલો આટલા સ્ટેપ્સ, આસપાસ નહીં આવે કોઈ રોગ, વજન વધારાની સાથે ખરાબ કોલેસ્ટ્રોલ પણ આવશે કંટ્રોલમાં
જો તમે પણ જીમમાં જવાની આળસ કરો છો, તો દરરોજ આટલા સ્ટેપ્સ ચાલવાથી તમારું શરીર સ્વસ્થ રહેશે અને સ્થૂળતાની સાથે ખરાબ કોલેસ્ટ્રોલથી પણ છુટકારો મળશે. જો તમે પણ જીમમાં જવાની આળસ કરો છો, તો દરરોજ આટલા સ્ટેપ્સ ચાલવાથી તમારું શરીર સ્વસ્થ રહેશે અને સ્થૂળતાની સાથે ખરાબ કોલેસ્ટ્રોલથી પણ છુટકારો મળશે.
ઘણીવાર આપણે રાત્રે એ વિચારીને સૂઈ જઈએ છીએ કે કાલે જીમ જઈશું અને કસરત કરીશું. પણ બીજા દિવસે સવાર પડતાં જ આપણે ભૂલી જઈએ છીએ કે આપણે શું કરવાનું છે.
મોટાભાગના લોકો કસરત કરવાનું પસંદ કરતા નથી. ઘણા લોકો જીમની મેમ્બરશીપ લે છે પરંતુ આળસને કારણે ક્યારેય જીમ જતા નથી. આવી સ્થિતિમાં કસરતના અભાવે ધીમે ધીમે આપણું શરીર અનેક ગંભીર રોગોનું ઘર બની જાય છે.
તમને જણાવી દઈએ કે, આપણું શરીર ત્યારે જ સ્વસ્થ રહેશે જ્યારે આપણે સારા આહારની સાથે સાથે દરરોજ કસરત કરીશું. હવે એ જરૂરી નથી કે તમે કસરત માટે જિમ જાવ.
માત્ર ચાલવાથી જ આપણે સ્વસ્થ રહી શકીએ છીએ. આવું અમે નહીં પરંતુ નિષ્ણાતો કહે છે. દરરોજ માત્ર અડધો કલાક ચાલવાથી તમે અનેક ગંભીર બીમારીઓથી દૂર રહી શકો છો.
નિષ્ણાતોના મતે, વ્યક્તિએ દરરોજ ઓછામાં ઓછા 10 હજાર પગલાં ચાલવા જોઈએ. ઓછામાં ઓછા તમે 8 હજારથી વધુ પગલાં ભર્યા હશે. એટલે કે, જો તમે દરરોજ 30 થી 40 મિનિટ ચાલશો તો તમે સ્વસ્થ રહેશો. દરરોજ ચાલવાથી તમે હળવાશ અનુભવી શકો છો. જો તમે દિવસની શરૂઆત વૉકિંગથી કરો છો, તો તમે દિવસભર ઉર્જાવાન રહેશો.
જો તમને હમેશા લિફ્ટ લેવાની આદત હોય તો આજથી જ આ આદત બંધ કરી દો. તમારે લિફ્ટને બદલે સીડીનો ઉપયોગ કરવો જોઈએ. તમારે ઓફિસમાં દર અડધા કલાકે ચાલવું જ જોઈએ.
લંચ અને ડિનર પછી પણ ફરવા જાવ. તમને ચાલવામાં આળસ લાગશે અથવા તો શરૂઆતમાં તમારા પગ દુખવા લાગે છે, પરંતુ ધીમે ધીમે તમને તેની આદત પડી જશે.
ચાલવું તમારા હૃદયના સ્વાસ્થ્ય માટે સારું છે જે લોકો નિયમિતપણે ચાલે છે તેમનામાં ખરાબ કોલેસ્ટ્રોલ ઓછું હોય છે, જે હૃદય સંબંધિત રોગોને ઘટાડે છે. ચાલવાથી મેટાબોલિઝમ મજબૂત બને છે જે મેદસ્વીતા ઘટાડે છે.
ચાલવાથી તણાવ ઓછો થાય છે જેનાથી સારી ઊંઘ આવે છે. દરરોજ ચાલવાથી શરીરને સારી રીતે ઓક્સિજન મળે છે. ઓક્સિજનના સારા પ્રવાહને કારણે ફેફસાં સ્વસ્થ બને છે. દરરોજ ચાલવાથી પાચનતંત્ર પણ સુધરે છે, જેનાથી તમારું પેટ સાફ રહે છે.
નોંધ : આ લેખ માત્ર જાણકારી માટે છે. તેનો ઉપયોગ પુર્વે આપ આપના તબીબ અથવા તજજ્ઞોની સલાહ ખાસ લેવી જરૂરી છે.