Vedanta Dividend New : વેદાંતાના કરોડો શેરહોલ્ડરને મળશે મોટી ભેટ ! વર્ષનું ચોથું વચગાળાનું ડિવિડન્ડ આજે કરશે જાહેર
વેદાંતાએ હવે જાહેરાત કરી છે કે કંપનીનું બોર્ડ 16 ડિસેમ્બર, 2024ના રોજ યોજાનારી તેની બેઠકમાં ચોથા વચગાળાના ડિવિડન્ડ પર વિચારણા કરશે અને તેને મંજૂરી આપશે. આ ડિવિડન્ડની ઘોષણા પછી, કંપનીના શેરધારકો તેના માટે પાત્ર ગણવામાં આવશે. કંપનીએ એ પણ જણાવ્યું કે ડિવિડન્ડ માટેની રેકોર્ડ તારીખ 24 ડિસેમ્બર, 2024 નક્કી કરવામાં આવી છે.
અનિલ અગ્રવાલની કંપની વેદાંત આજે બોર્ડ મીટિંગ કરશે, જેમાં શેરધારકો માટે ફરી એકવાર મોટી ભેટની જાહેરાત કરવામાં આવી શકે છે. કંપની આજે આ બોર્ડ મીટિંગમાં બિઝનેસ વર્ષ 2024-25 માટે ચોથા વચગાળાના ડિવિડન્ડની જાહેરાત કરશે. વર્તમાન નાણાકીય વર્ષમાં, વેદાંતા એ અત્યાર સુધીમાં 3 વખત પ્રતિ શેર ₹35નું કુલ ડિવિડન્ડ આપ્યું છે. કંપનીએ આ માટે સ્ટોક એક્સચેન્જોને પહેલાથી જ જાણ કરી દીધી છે.
ચાલુ નાણાકીય વર્ષ માટે આ ચોથા વચગાળાના ડિવિડન્ડની રેકોર્ડ ડેટ પણ નક્કી કરવામાં આવી છે. તેની રેકોર્ડ ડેટ 24 ડિસેમ્બર 2024 છે. મતલબ કે જો બોર્ડ આજે વચગાળાના ડિવિડન્ડના નિર્ણયને મંજૂરી આપે છે, તો 24 ડિસેમ્બર સુધી શેર રાખનારા શેરધારકોને આ ડિવિડન્ડનો લાભ મળી શકશે.
વેદાંતના તાજેતરના ડિવિડન્ડ : વેદાંતાએ આપેલા ડિવિડન્ડની વાત કરીએ તો છેલ્લુ ડિવિડન્ડ 10 સપ્ટેમ્બર 2024 આપ્યું હતુ જે ₹20 હતુ. જે પહેલા 2 ઓગસ્ટ 2024 એ 4 રુ. જે પહેલા 24 મે 2024એ 11 રુ અને 27 ડિસેમ્બર 2023એ ₹11 ડિવિડન્ડ આપ્યું હતુ.
વેદાંતમાં સૌથી મોટો હિસ્સો ધરાવતા પ્રમોટર જૂથે જુલાઈ-સપ્ટેમ્બર ક્વાર્ટર દરમિયાન કંપનીમાં તેનો હિસ્સો 59.32% થી ઘટાડીને 56.38% કર્યો છે. પ્રમોટરના 99.99% શેર ગીરવે મુકવામાં આવ્યા છે. દરમિયાન, વિદેશી સંસ્થાકીય રોકાણકારો (FII) અને મ્યુચ્યુઅલ ફંડોએ વેદાંતામાં હિસ્સો વધાર્યો છે. FIIએ વેદાંતામાં હિસ્સો 10.23% થી વધારીને 11.45% કર્યો છે. જ્યારે, મ્યુચ્યુઅલ ફંડ્સે હિસ્સો 5.34% થી વધારીને 7.62% કર્યો છે.
શેરની કામગીરીની વાત કરીએ તો છેલ્લા એક વર્ષમાં આ સ્ટોક લગભગ બમણો થઈ ગયો છે. તેની સરખામણીમાં નિફ્ટી50માં માત્ર 16%નો વધારો જોવા મળ્યો છે. શેરોમાં થયેલા આ વધારા વચ્ચે, વેદાંતની કુલ માર્કેટ મૂડી હવે ₹19 લાખ કરોડને વટાવી ગઈ છે.
કંપનીના તાજેતરના પરિણામો બાદ શેરમાં આ વધારો જોવા મળી રહ્યો છે. સપ્ટેમ્બર ક્વાર્ટરમાં વેદાંતનો નફો ₹4,352 કરોડ હતો. લગભગ એક વર્ષ અગાઉના સમાન સમયગાળામાં કંપનીને ₹1,783 કરોડનું નુકસાન થયું હતું. વાર્ષિક ધોરણે આવક 3.6% ઘટીને ₹37,171 કરોડ થઈ છે. EBITDA એટલે કે કાર્યકારી નફો પણ 44% વધીને ₹10,364 કરોડ થયો છે. કોમોડિટીના ભાવમાં સ્થિરતા, બચતની પહેલ અને બિઝનેસ સેગમેન્ટમાં ઊંચા પ્રીમિયમથી કંપનીને ફાયદો થયો.