Vastu Tips: ભાગ્યના દરવાજા ખુલશે! ઘરની આસપાસ આ વસ્તુઓ જોઈ લીધી તો સમજો કે તમારી ‘જીવનનૈયા પાર’
એવું માનવામાં આવે છે કે, જો ઘરમાં વાસ્તુ નિયમોનું પાલન કરવામાં આવે તો ઘરમાં સુખ અને સમૃદ્ધિનું વાતાવરણ બને છે. એવામાં જો તમે સવારે આટલી વસ્તુઓ જોઈ લો છો, તો તમારી કિસ્મત ચમકી ઉઠે છે.
વાસ્તુશાસ્ત્ર મુજબ, જ્યારે કોઈ વ્યક્તિના જીવનમાં કંઈક સારું થવાનું હોય છે, ત્યારે તેને શુભ સંકેતો દેખાવા લાગે છે. એવું માનવામાં આવે છે કે, આ વસ્તુઓ જોવાથી જીવનમાં આર્થિક સમૃદ્ધિ અને ખુશીઓ આવે છે. કામમાં આવતા અવરોધો દૂર થાય છે અને જીવનમાં સકારાત્મક ઉર્જાનો પ્રવાહ વહે છે.
ઘંટ કે શંખનો અવાજ: વાસ્તુશાસ્ત્રમાં એવું માનવામાં આવે છે કે, સવારે મંદિરના ઘંટનો કે શંખનો અવાજ સાંભળવો ખૂબ જ શુભ માનવામાં આવે છે. આ સાથે, જો તમારા ઘરમાં અચાનક કોઈ આકર્ષક સુગંધ આવવા લાગે, તો પણ તેને શુભ સંકેત તરીકે જોવામાં આવે છે. આનો અર્થ એ છે કે, તમે જે કાર્ય માટે પ્રયત્ન કરી રહ્યા છો તે પૂર્ણ થઈ શકે છે.
પોપટ કે ઘુવડ જોવું: વાસ્તુશાસ્ત્રમાં એવું માનવામાં આવે છે કે, જો તમને તમારી આસપાસ પોપટ કે ઘુવડ જેવા પક્ષીઓ દેખાય છે, તો તેને એક ખાસ સંકેત તરીકે જોવામાં આવે છે. વાસ્તુશાસ્ત્ર અનુસાર, આ પક્ષીઓ જોવાથી તમને નાણાકીય લાભ થઈ શકે છે અને તમને કોઈ સારા સમાચાર મળી શકે છે.
પક્ષીનો માળો: જો કોઈ પક્ષીએ તમારા ઘરમાં માળો બનાવ્યો હોય, તો તે પણ એક શુભ સંકેત છે. આનો અર્થ એ છે કે, તમારા જીવનમાં ટૂંક સમયમાં ખુશી આવવાની છે. આ સાથે પક્ષીનો માળો બનાવવો એ પણ એક શુભ સંકેત તરીકે જોવામાં આવે છે કે, તમારા પર આવતી કોઈપણ અવરોધ ટળી ગઈ છે.
ગાયનું વાછરડું કે મંદિરમાં પૂજા: જો તમે કોઈ કામ માટે ઘરની બહાર જઈ રહ્યા છો અને તમે વાછરડાને ગાયનું દૂધ પીતા જુઓ છો, તો તેને શુભ સંકેત તરીકે જોવામાં આવે છે. વધુમાં જો તમે ઘરની બહાર નીકળતી વખતે મંદિરમાં પૂજા થતી જુઓ છો, તો તેને પણ પવિત્ર સંકેત માનવામાં આવે છે. આનો અર્થ એ છે કે, તમે જે કાર્ય કરવા જઈ રહ્યા છો તેમાં તમને સફળતા મળશે.
