UPSC Success Story: લગ્ન બાદ શરૂ કરી સિવિલ સર્વિસની તૈયારી, પ્રથમ પ્રયત્નમાં જ શહનાઝ બની IPS ઓફિસર
શહનાઝ ઈલ્યાસે બે વર્ષ સુધી ઘણી મહેનત કરીને યૂપીએસીની તૈયારી કરી અને વર્ષ 2020માં પ્રથમ પ્રયત્નમાં જ સિવિલ સર્વિસ પરીક્ષા ક્રેક કરી લીધી.
સિવિલ સર્વિસ જેવી પરીક્ષાને ક્રેક કરનારી દરેક મહિલા સમાજ માટે પ્રેરણાદાયક કહાની બનાવે છે. તેમાં જ એક નામ છે આઈપીએસ ઓફિસર શહનાઝ ઈલ્યાસ (Shahnaz Illyas)નું તમિલનાડુમાં રહેતી શહનાઝ ઈલ્યાસે લગ્ન બાદ સિવિલ સર્વિસ પરીક્ષા ક્રેક કરી બધા માટે મોટુ ઉદાહરણ બની સામે આવી છે.
કહેવાય છે કે લગ્ન બાદ મહિલાઓના જીવનમાં ઘણા ફેરફાર આવે છે અને બાળકોના જન્મ બાદ તો તેમને ઘણા પડકારોનો સામનો કરવો પડે છે. શહનાઝ ઈલ્યાસે લગ્ન બાદ બે વર્ષ સુધી તનતોડ મહેનત કરી યૂપીએસસી પરીક્ષાની તૈયારી કરી અને વર્ષ 2020માં પ્રથમ પ્રયત્નમાં જ સિવિલ સર્વિસ પરીક્ષાને પાસ કરી લીધી.
શહનાઝ ઈલ્યાસે કોલેજ બાદ આઈટી ફર્મ જોઈન કર્યુ અને લગભગ 5 વર્ષ સુધી નોકરી કરી. એક ઈન્ટરવ્યુમાં તેમને જણાવ્યું હતું કે તેમને આઈટીની નોકરી પસંદ ના આવી અને તે કંઈક એવું કરવા ઈચ્છતી હતી, જેનાથી તે સમાજમાં થોડુ યોગદાન આપી શકે. તેમને સિવિલ સર્વન્ટ બનવાનો નિર્ણય કર્યો. ત્યારબાદ તેમને તૈયારી પણ શરૂ કરી દીધી.
શહનાઝ ઈલ્યાસે ગર્ભાવસ્થાના 9માં મહિનામાં તમિલનાડુ લોકસેવા આયોગ (TNPSC)ની પ્રિલિમ પરીક્ષા આપી અને માત્ર બે મહિનાની તૈયારી બાદ પોતાના પ્રથમ પ્રયત્નમાં જ પ્રિલિમિનરી પરીક્ષા પાસ કરી.
TNPSCની પ્રિલિમનરી પરીક્ષા પાસ કર્યા બાદ શહનાઝ ઈલ્યાસને સમજાયું કે તેની પાસે UPSC સિવિલ સર્વિસ પરીક્ષા પાસ કરવાની ક્ષમતા પણ છે, પરંતુ તેમની સામે સૌથી મોટો પડકાર સમયનો હતો. બાળકની જવાબદારી સંભાળવાની સાથે પરીક્ષાની તૈયારી માટે દરરોજ 8થી 10 કલાકનો સમય કાઢવો મુશ્કેલ હતો.
શહનાઝ ઈલ્યાસે જ્યારે યુપીએસસી પરીક્ષાની તૈયારી શરૂ કરી ત્યારે તેમના માતા-પિતાએ સપોર્ટ કર્યો. તેમને જણાવ્યું કે તે આખા મહિનાનું ટાઈમટેબલ બનાવી લેતી હતી અને પછી તે ટાઈમટેબલને નિયમો મુજબ ફોલો કરતી હતી.
