Upcoming IPO: પૈસા રાખજો તૈયાર! આ અઠવાડિયે આવી રહ્યા 9 IPO, Jioનું થશે લિસ્ટિંગ
મેઈનબોર્ડ સેગમેન્ટના 5 IPO અને SME (લઘુ અને મધ્યમ ઉદ્યોગ) સેગમેન્ટના 4 IPOનો સમાવેશ થાય છે. મેઈનબોર્ડ સેગમેન્ટમાં, EAAA ઈન્ડિયા અલ્ટરનેટિવ્સ (EAAA India Alternatives), SFC એન્વાયર્નમેન્ટલ ટેક્નોલોજીસ અને MK સન્સ ફાઈન જ્વેલ્સ સહિતની પાંચ કંપનીઓ આવતા અઠવાડિયે તેમના IPO લાવી રહી છે.
આવતીકાલ, 26 ઓક્ટોબરથી શરૂ થતા આગામી સપ્તાહમાં નવ કંપનીઓ તેમના IPO (ઇનિશિયલ પબ્લિક ઓફરિંગ) લાવી રહી છે. જેમાં મેઈનબોર્ડ સેગમેન્ટના 5 IPO અને SME (લઘુ અને મધ્યમ ઉદ્યોગ) સેગમેન્ટના 4 IPOનો સમાવેશ થાય છે. મેઈનબોર્ડ સેગમેન્ટમાં, EAAA ઈન્ડિયા અલ્ટરનેટિવ્સ (EAAA India Alternatives), SFC એન્વાયર્નમેન્ટલ ટેક્નોલોજીસ (SFC Environmental Technologies) અને MK સન્સ ફાઈન જ્વેલ્સ (MK Sons Fine Jewels) સહિતની પાંચ કંપનીઓ આવતા અઠવાડિયે તેમના IPO લાવી રહી છે. આ કંપનીઓ પ્રાથમિક બજાર (પ્રાઈમરી માર્કેટ)માંથી અંદાજે ₹2,600 કરોડ એકત્ર કરવાનું લક્ષ્ય ધરાવે છે.
EAAA ઈન્ડિયા અલ્ટરનેટિવ્સ IPO : આ કંપની સોમવાર, 26 ઓક્ટોબરના રોજ પોતાનો IPO લાવી રહી છે. રોકાણકારો બુધવાર, 28 ઓક્ટોબર સુધી બિડ (બોલી) લગાવી શકશે. શેર દીઠ પ્રાઇસ બેન્ડ ₹1,585 થી ₹1,665 નક્કી કરવામાં આવી છે. તેનો વર્તમાન GMP (ગ્રે માર્કેટ પ્રીમિયમ) શેર દીઠ ₹45 છે.
SFC એન્વાયર્નમેન્ટલ ટેક્નોલોજીસ IPO : વેસ્ટ મેનેજમેન્ટ (કચરા વ્યવસ્થાપન) ક્ષેત્રની આ કંપની મંગળવાર, 27 ઓક્ટોબરના રોજ પોતાનો IPO લાવી રહી છે, જે ગુરુવાર, 29 ઓક્ટોબર સુધી ખુલ્લો રહેશે. કંપનીએ શેર દીઠ ₹13 થી ₹330 ની પ્રાઇસ બેન્ડ નક્કી કરી છે. તેનો વર્તમાન GMP શેર દીઠ ₹32 છે.
BLS પોલિમર્સ IPO : પોલિમર અને પ્લાસ્ટિકના ઘટકોનું ઉત્પાદન કરતી આ કંપનીનો IPO પણ મંગળવાર, 27 ઓક્ટોબરના રોજ ખુલશે. બિડિંગ પ્રક્રિયા ગુરુવાર, 29 ઓક્ટોબર સુધી ચાલુ રહેશે. આ IPO માટે પ્રાઇસ બેન્ડ શેર દીઠ ₹142 થી ₹150 નક્કી કરવામાં આવી છે.
બોમ્બે કોટેડ એન્ડ સ્પેશિયલ સ્ટીલ્સ (Bombay Coated & Special Steels) IPO : સ્ટીલ ક્ષેત્રે કાર્યરત આ કંપની ગુરુવાર, 29 ઓક્ટોબરના રોજ પોતાનો IPO લાવી રહી છે. આ ઇશ્યૂ સોમવાર, 2 નવેમ્બરના રોજ બંધ થશે. શેર દીઠ પ્રાઇસ બેન્ડ ₹78 થી ₹82 નક્કી કરવામાં આવી છે અને હાલનો GMP (ગ્રે માર્કેટ પ્રીમિયમ) શેર દીઠ ₹8 છે.
M.K. સન્સ ફાઈન જ્વેલ્સ IPO : જ્વેલરી રિટેલ ક્ષેત્રે કાર્યરત આ કંપની બુધવાર, 28 ઓક્ટોબરના રોજ પોતાનો IPO લાવી રહી છે, જે શુક્રવાર, 30 ઓક્ટોબર સુધી ખુલ્લો રહેશે. આ IPO માટે પ્રાઇસ બેન્ડ શેર દીઠ ₹153 થી ₹162 છે અને હાલનો GMP (ગ્રે માર્કેટ પ્રીમિયમ) શેર દીઠ ₹7 છે.
SME સેગમેન્ટના IPO : SME (લઘુ અને મધ્યમ ઉદ્યોગો) સેગમેન્ટના ચાર IPO પણ 26 ઓક્ટોબરથી 30 ઓક્ટોબર, 2026ની વચ્ચે આવવા જઈ રહ્યા છે: વિસ્કોન ઇન્ડસ્ટ્રીઝ (Wiscon Industries) IPO, અજવા પ્રોજેક્ટ્સ (Ajwa Projects) IPO, કાર્વર રોબોવેલ્ડ (Carver Roboweld) IPO, અંતાલા ઇન્ડસ્ટ્રીઝ (Antala Industries) IPO છે.
