Upcoming IPO : આ અઠવાડિયે આવી રહ્યા એકસાથે 15 નવા IPO, જાણો કઈ કંપનીમાં પૈસા લગાવવાથી થશે ફાયદો
સપ્તાહ દરમિયાન IPO બજારમાં તીવ્ર ગતિવિધિ જોવા મળશે, કારણ કે 15 નવા પબ્લિક ઇશ્યૂ ખુલવાના છે. આમાંથી 11 મેઇનબોર્ડ સેગમેન્ટના છે. નોંધનીય છે કે, 9 IPO ફક્ત 9 સપ્ટેમ્બરના રોજ ખુલવાના છે.
7 સપ્ટેમ્બરથી શરૂ થતા સપ્તાહ દરમિયાન IPO બજારમાં તીવ્ર ગતિવિધિ જોવા મળશે, કારણ કે 15 નવા પબ્લિક ઇશ્યૂ ખુલવાના છે. આમાંથી 11 મેઇનબોર્ડ સેગમેન્ટના છે. નોંધનીય છે કે, 9 IPO ફક્ત 9 સપ્ટેમ્બરના રોજ ખુલવાના છે. વધુમાં, રોકાણકારોને પહેલાથી જ ખુલ્લા રહેલા IPOમાં રોકાણ કરવાની તક મળશે. નવી શેરબજાર લિસ્ટિંગ અંગે, આ અઠવાડિયે 9 કંપનીઓના શેર તેમની શરૂઆત કરે તેવી અપેક્ષા છે; આમાંથી 3 મેઇનબોર્ડ સેગમેન્ટના છે. અહીં વિગતો છે.
Pranav Constructions IPO: આ ₹351.03 કરોડનો ઇશ્યૂ 7 સપ્ટેમ્બરના રોજ ખુલશે અને 9 સપ્ટેમ્બરના રોજ બંધ થશે. બિડિંગ ₹118–₹124 પ્રતિ શેરના પ્રાઇસ બેન્ડમાં ઉપલબ્ધ છે, જેમાં 120 શેરનો લોટ સાઈઝ છે. કંપનીના શેર 15 સપ્ટેમ્બરે NSE અને BSE પર લિસ્ટ થવાની શક્યતા છે.
Kanohar Electricals IPO: કંપનીનો ઉદ્દેશ્ય ₹1,055.74 કરોડ એકત્ર કરવાનો છે. IPO 8 સપ્ટેમ્બરે ખુલશે અને 10 સપ્ટેમ્બરે બંધ થશે. રોકાણકારો 23 શેરના લોટ સાઈઝ સાથે, પ્રતિ શેર ₹601–₹632 ના પ્રાઇસ બેન્ડમાં બોલી લગાવી શકે છે. શેર 16 સપ્ટેમ્બરે NSE અને BSE પર લિસ્ટ થવાની અપેક્ષા છે.
ખાસ વાત એ છે કે બેંક ઓફ બરોડા, જનરલ ઈન્સ્યોરન્સ કોર્પોરેશન સહિત અનેક મોટા સંસ્થાઓએ વેચવામાં આવનારા શેરોની સંખ્યા ઘટાડી છે. નેશનલ ઈન્સ્યોરન્સ કંપનીએ પોતાને OFSમાંથી સંપૂર્ણપણે બહાર કરી લીધી છે. જોકે, કંપનીએ પોતાના કર્મચારીઓ માટે ₹70 કરોડના શેર રિઝર્વ રાખ્યા છે. કર્મચારીઓને ફાઇનલ ઇશ્યૂ પ્રાઇસ પર પ્રતિ શેર ₹170ની છૂટ આપવામાં આવશે.
Glass Wall Systems IPO: આ ₹429.78 કરોડનો ઇશ્યૂ પણ 8 સપ્ટેમ્બરે ખુલશે, જેની અંતિમ તારીખ 10 સપ્ટેમ્બર નક્કી કરવામાં આવી છે. 82 શેરના લોટમાં પ્રતિ શેર ₹172–₹182ની કિંમત શ્રેણીમાં રોકાણ કરી શકાય છે. કંપની 16 સપ્ટેમ્બરે NSE અને BSE પર લિસ્ટ થવાની અપેક્ષા છે.
Rentomojo IPO: આ ₹1,255.57 કરોડનો પબ્લિક ઇશ્યૂ ૯ સપ્ટેમ્બરે ખુલશે અને ૧૧ સપ્ટેમ્બરે બંધ થશે. પ્રાઇસ બેન્ડ પ્રતિ શેર ₹384–₹404 છે, જેમાં 37 શેરનો લોટ સાઈઝ છે. કંપની 17 સપ્ટેમ્બરે NSE અને BSE પર લિસ્ટ થવાનું છે.
Asset Reconstruction Company IPO: આ 9 સપ્ટેમ્બરે ખુલશે. પ્રાઇસ બેન્ડ પ્રતિ શેર ₹132–₹139 છે, અને લોટ સાઈઝ 107 શેર છે. આ ઇશ્યૂ 11 સપ્ટેમ્બરના રોજ બંધ થશે. કંપનીનો ધ્યેય ₹732.97 કરોડ એકત્ર કરવાનો છે. શેર 17 સપ્ટેમ્બરના રોજ NSE અને BSE પર લિસ્ટ થવાની ધારણા છે.
Manipal Payment & Identity Solutions IPO: કંપનીનો ઉદ્દેશ ₹805 કરોડ એકત્ર કરવાનો છે. આ ઇશ્યૂ પણ 9 સપ્ટેમ્બરના રોજ ખુલશે અને 11 સપ્ટેમ્બરના રોજ બંધ થશે. 44 શેરના લોટમાં પ્રતિ શેર ₹322–339ની કિંમત શ્રેણીમાં બોલી લગાવી શકાય છે. કંપનીના શેર 17 સપ્ટેમ્બરના રોજ NSE અને BSE પર ડેબ્યૂ થવાની ધારણા છે. આ સિવાય પણ અન્ય 4 BSE મેનબોર્ડના અને બીજા SME IPO પણ આ જ અઠવાડિયામાં ખુલવા જઈ રહ્યા છે.
