PHOTOS : TV9 ફેસ્ટિવલનો બીજો દિવસ રહ્યો હસ્તીઓને નામ, પૂજા કરી લીધા મા દુર્ગાના આશીર્વાદ
TV9 ફેસ્ટિવલ ઓફ ઈન્ડિયાના બીજા દિવસે ઘણી મોટી હસ્તીઓએ ભાગ લીધો હતો. આ કાર્યક્રમમાં રક્ષા મંત્રી રાજનાથ સિંહ ઉપરાંત દિલ્હી સરકારના મંત્રી ગોપાલ રાય, બીજેપી નેતા તરુણ ચુગ તેમજ દિલ્હી બીજેપી સાંસદ ગૌતમ ગંભીર પણ હાજર હતા. આ સાથે જ કોંગ્રેસના નેતા પવન ખેડા પણ ઉત્સવમાં પહોંચ્યા હતા અને મા દુર્ગાના આશીર્વાદ લીધા હતા.
કાર્યક્રમમાં TV9 ગ્રુપના હોલ ટાઈમ ડાયરેક્ટર હેમંત શર્મા પણ હાજર હતા. ઉત્સવના બીજા દિવસે પણ લોકોએ મા દુર્ગાના દર્શન તો કર્યા જ પરંતુ ઘણી ખરીદી પણ કરી હતી અને વિવિધ પ્રકારની વાનગીઓનો આનંદ માણ્યો હતો.
BJP નેતા તરુણ ચુગે પણ ઉત્સવમાં પહોંચીને મા દુર્ગાના દર્શન કર્યા અને આશીર્વાદ લીધા. તેમજ તહેવારમાં જુદા જુદા સ્ટોલની મુલાકાત લઇ ખરીદી કરી હતી.
કોંગ્રેસ નેતા પવન ખેડાએ પણ 'TV9 ફેસ્ટિવલ ઓફ ઈન્ડિયા'માં ભાગ લીધો હતો. આ દરમિયાન તેમણે દેવી દુર્ગાની પૂજા કરી અને આશીર્વાદ લીધા.
તહેવારના બીજા દિવસે શનિવારે મોટી સંખ્યામાં લોકો મેજર ધ્યાનચંદ સ્ટેડિયમ પહોંચ્યા હતા. આ દરમિયાન ગીત-સંગીતની સાથે વિવિધ કાર્યક્રમોનું પણ આયોજન કરવામાં આવ્યું હતું.
TV9 ફેસ્ટિવલ ઓફ ઈન્ડિયાના બીજા દિવસે સ્ટેજ પરથી વિવિધ કાર્યક્રમો રજૂ કરવામાં આવ્યા હતા. આ દરમિયાન લોકોની ભારે ભીડ ઉમટી હતી.
