યુરોપ-અમેરિકા જવું હવે થશે મોંઘું ! પાકિસ્તાનના કારણે ફ્લાઇટનું ભાડું થશે મોંઘું જાણો કેમ?
જો તમે નજીકના ભવિષ્યમાં અમેરિકા-યુરોપ અથવા પશ્ચિમી દેશોમાં જવાના છો અને ફ્લાઈટનો ઉપયોગ કરવાના છો તો પાકિસ્તાના કારણે હવે આ ફ્લાઈટના ભાડામાં વધારો થશે, તેમજ ત્યાં પહોંચવાના સમયમાં પણ વધારો થશે
પાકિસ્તાની એરસ્પેસ બંધ થવાને કારણે, ભારતીય એરલાઇન્સને વૈકલ્પિક રૂટનો ઉપયોગ કરવો પડી રહ્યો છે, જેના કારણે ફ્લાઇટ્સનો સમયગાળો 70 થી 80 મિનિટ સુધી વધી ગયો છે. ઉદાહરણ તરીકે, એર ઇન્ડિયાની દિલ્હીથી શિકાગો જતી ફ્લાઇટ્સને હવે ઇંધણ ભરવા માટે યુરોપમાં રોકવી પડે છે, જેના કારણે મુસાફરીનો સમય અને ખર્ચ બંનેમાં વધારો થાય છે.
આ પહેલી વાર નથી જ્યારે પાકિસ્તાને ભારત માટે પોતાનું એરસ્પેસ બંધ કર્યું હોય. ફેબ્રુઆરી 2019 માં, પુલવામા હુમલા પછી, પાકિસ્તાને બાલાકોટ હવાઈ હુમલાના જવાબમાં ચાર મહિના માટે પોતાનું એરસ્પેસ બંધ કરી દીધું હતું. તે સમયે, નાગરિક ઉડ્ડયન મંત્રી હરદીપ સિંહ પુરીએ કહ્યું હતું કે ભારતીય એરલાઇન્સને લગભગ ₹540 કરોડનું નુકસાન થયું હતું. એકલા એર ઇન્ડિયાને ₹491 કરોડ, સ્પાઇસજેટને ₹30.73 કરોડ, ઇન્ડિગોને ₹25.1 કરોડ અને ગોએરને ₹2.1 કરોડનું નુકસાન થયું હતું.
અમેરિકા, યુરોપ, યુકે, મધ્ય પૂર્વ જેવી ભારતની લગભગ બધી મોટી આંતરરાષ્ટ્રીય ફ્લાઇટ્સ પાકિસ્તાન ઉપરથી પસાર થાય છે કારણ કે તે સૌથી ટૂંકો અને ઓછો સમય લેતો રૂટ છે. એર ઇન્ડિયા અને ઇન્ડિગો ફ્લાઇટ્સ મુખ્યત્વે મધ્ય પૂર્વ, તુર્કી, કાકેશસ અને મધ્ય એશિયા માટે આ રૂટનો ઉપયોગ કરે છે.
નિષ્ણાતો માને છે કે જો આ પરિસ્થિતિ લાંબા સમય સુધી ચાલુ રહેશે, તો 2019 જેવી જ અસર જોવા મળશે. ફ્લાઇટનો સમય 70-80 મિનિટ સુધી વધી શકે છે. ઉપરાંત, ભાડામાં મોટો વધારો થઈ શકે છે, જેમ કે ગયા વખતે જોવા મળ્યું હતું, જ્યારે કેટલાક રૂટ પર ભાડું પાંચ ગણું વધ્યું હતું.
Published On - 11:00 am, Fri, 25 April 25
