Travel Tips : બેચલર પાર્ટી માટે પરફેક્ટ છે ગુજરાતના આ સ્થળો, મિત્રો સાથે મનભરીને મસ્તી કરી લો
લગ્ન પહેલા બેચરલ પાર્ટી ફ્રેન્ડ સાથે મનાવે છે. હવે તો લોકો લગ્નના થોડા દિવસ પહેલા આ ટ્રિપનો પ્લાન કરતા હોય છે, મિત્રો સાથે બેચલર પાર્ટી એન્જોય કરે છે. તો ચાલો જાણીએ બેચલર પાર્ટી માટે ગુજરાતના બેસ્ટ સ્થળ ક્યા ક્યા છે.
બેચલર પાર્ટી લગ્ન પહેલા ફ્રેન્ડ સાથે સેલિબ્રેટ કરવામાં આવે છે. હવે લોકો આ પાર્ટી માટે ફેવરિટ ડેસ્ટિનેશન પર જાય છે, ત્યાં જઈને મિત્રો સાથે મોજ મસ્તી કરે છે. જો તમે પણ બેચલર પાર્ટી માટે કોઈ સ્થળ શોધી રહ્યા છે. અને તમારે પાસે બેચલર પાર્ટી સેલિબ્રેશન માટે સમય પણ ઓછો છે, તો આજે તમને ગુજરાતમાં બેચલર પાર્ટી માટે આવેલા બેસ્ટ સ્થળો વિશે જણાવીશું,
જો તમારે બેચલર પાર્ટી માટે કોઈ બીચ પર જવાનો પ્લાન છે. તો ભાઈ આપણા ગુજરાતમાં અનેક બીચ આવેલા છે. જ્યાં તમને કેટલીક વોટર એક્ટિવિટી પણ કરવાનો આનંદ મળશે.ગુજરાતમાં શિવરાજ પુર બીચ, તિથલ, માધવપુર, દાંડી, માંડવી સહિત એવા બીચ આવેલા છે, જેની સામે ગોવા ,બાલી , કેરળ અને થાઈલેન્ડના બીચ પણ ટુંકા પડશે.
બરડો ડુંગર આમતો ચોમાસાની ઋતુમાં હરિયાળી ખીલી ઉઠે છે પરંતુ હવે તમે પોરબંદરના બરડા વાઈલ્ડ લાઈફ સેન્ચુરીનો આનંદ માણી શકો છો. ગુજરાતમાં સાસણ ગીર બાદ એશિયાઈ સિંહના નવા રેહઠાણની મુલાકાત લઈ શકો છે. અહિ બંન્ને સ્થળે તમે જંગલ સફારીનો પણ આનંદ માણી શકો છો.
તમારે મિત્રો બેચલર પાર્ટીનું આયોજન હિલ સ્ટેશન પર કરવાનો પ્લાન કરી રહ્યા છે. આ સાથે તમારી પાસે સમય પણ ઓછો છે, તો તમે સાપુતારા હિલ સ્ટેશન,ડોન હિલ સ્ટેશન, વિલ્સન હિલ સ્ટેશન પર જવાનો પ્લાન બનાવી શકો છો. આ હિલ સ્ટેશન સામે મસુરીના હિલ સ્ટેશનને પણ ભૂલ જશો.
જો તમારી પાસે એક દિવસનો સમય છે, તમારે બેચલર પાર્ટી કરવી છે, તો તમે પોલો ફોરેસ્ટ જવાનો પ્લાન બનાવી શકો છો. પહાડીમાં તમને મંદિરો અને ઝરણા જોવા મળશે. પોળો ફોરેસ્ટ અરવલ્લી ગિરિમાળાનું ખુબ જ મજાનું રમણીય સ્થળ છે.
તમારા મિત્રોને કોઈ એડવેન્ચર ટ્રીપ જોઈએ છે. તો ગિરનાર સિવાય બીજું કાંઈ જ ન હોય શકે, ગિરનારના પગઢિયા ચઢવા માટે થોડા મુશ્કેલ લાગશે, પરંતુ આ બેચરલ ટ્રિપ તમને જિંદગીભર યાદ રહેશે. મિત્રો સાથે અહિ રોપ વે નહિ પરંતુ ગિરનારના પગઠિયા ચઢી જવાનો પ્લાન બનાવો. મોજ-મસ્તી અને વાતો કરતા કરતા ક્યારે ગુરુદાતાત્રેય પહોંચી જશો ખબર પણ નહિ પડે, આ ટ્રિપ તમારા તમામ ફ્રેન્ડને યાદગાર રહેશે.