Travel Special: લગ્ન પહેલા મિત્રો સાથે કરવા માગો છો બેચરલ પાર્ટી ? આ સ્થળો છે બેસ્ટ
જો તમારી પાસે લગ્નના થોડા દિવસો બાકી છે અને તે પહેલા તમે તમારા મિત્રો સાથે થોડો સમય માણવા માગો છો. તો તમારે આવા કંટાળીને ઘરે બેસી રહેવાની જરૂર નથી, તમે ભારતના આ સ્થળોએ બેચલર પાર્ટી કરી શકો છો.
આજકાલ દરેક વ્યક્તિ લગ્ન પહેલા પોતાના મિત્રો સાથે પાર્ટી કરવા માગે છે. આ પાર્ટીને બેચલર પાર્ટી કહેવામાં આવે છે. આ બેચલર લાઇફ વર અને કન્યા બંને માટે ખૂબ જ મહત્વપૂર્ણ છે. આ જ કારણ છે કે આજકાલ લોકો પોતાના ઘર અને શહેરથી દૂર કોઈ ખાસ જગ્યાએ પાર્ટી કરવાનું પસંદ કરે છે, તેથી આજે અમે તમને કેટલીક એવી જગ્યાઓ વિશે જણાવીશું જ્યાં તમે તમારા મિત્રો સાથે બેચલર પાર્ટી કરી શકો છો.
મુંબઇ બેચલર્સ માટે શ્રેષ્ઠ સ્થળ છે. ક્યારેય ઊંઘ ન લેતું આ શહેર મનોરંજન માટે ખૂબ જ ખાસ છે. અહીં તમે તમારા મિત્રો સાથે પાર્ટીની કેટલીક યાદગાર પળો આરામથી વિતાવી શકો છો. આટલું જ નહીં, આખી રાત બેચલર પાર્ટી કરવા માટે તમે આ શહેરમાં કોઈપણ કેફે પસંદ કરી શકો છો.
હિમાચલ પ્રદેશમાં આવેલુ કસોલ એક પાર્ટી ડેસ્ટિનેશન પણ છે, જ્યાં તમે તમારા મિત્રો સાથે ખૂબ મજા માણી શકો છો. છોકરીઓ પણ આરામથી તેમના મિત્રો સાથે બેચલર પાર્ટી માણી શકે છે.
ગોવામાં ફરવાનું દરેકને ગમે છે. પ્રકૃતિના સૌંદર્યની સાથે સાથે અહીંની મસ્તીથી ભરપૂર સ્ટાઇલ બેચલર્સ પાર્ટી માટે બેસ્ટ છે. અહીંના દરિયાકિનારા, નાઇટલાઇફ દરેકના દિલને ખુશ કરે છે. અહીં તમે મિત્રો સાથે આરામથી પાર્ટીને માણી શકો છો.
જો તમે ઠંડી જગ્યાએ બેચલર પાર્ટી કરવા માગતા હોવ તો લદ્દાખ બેસ્ટ ઓપ્શન છે. આ સ્થળની સુંદરતા માટે, તમે લગ્ન પહેલા બેચલર પાર્ટીની ઉજવણી કરવા માટે પર્વતો પર જઈ શકો છો.
ઋષિકેશ એ લોકો માટે એક પરફેક્ટ સ્થળ છે જેમને એક જ સમયે એડવેન્ચર અને આધ્યાત્મિક સ્થળો બંને જોઈએ છે.અહીં તમે મિત્રો સાથે વિવિધ પ્રકારની એડવેન્ચર પ્રવૃત્તિઓ કરી શકો છો.