આજથી Gmail એકાઉન્ટ, સીમકાર્ડ, યુપીઆઈ આઈડી સહિત આ 8 નિયમો બદલાયા, તમારા ખિસ્સા પર થશે અસર
2024નું વર્ષ આજથી શરૂ થયું છે. આવી સ્થિતિમાં, આજથી, ઘણા મોટા ફેરફારો થવાના છે, જેની સીધી અસર સામાન્ય લોકોના ખિસ્સા પર થશે. ગેસ સિલિન્ડરના ભાવથી લઈને આવકવેરા ફાઇલના નિયમો સુધી, આજથી નિયમોમાં ફેરફાર થઈ રહ્યો છે. ચાલો તમને ડિટેલમાં તેમના વિશેની માહિતી આપીએ.
માર્કેટ રેગ્યુલેટર સેબીએ મ્યુચ્યુઅલ ફંડ્સ અને ડીમેટ એકાઉન્ટ્સમાં નોમિનેશનની છેલ્લી તારીખ લંબાવી છે. પ્રથમ નોમિનીને બતાવવાની છેલ્લી તારીખ 31 ડિસેમ્બર હતી. હવે 6 મહિના વધુ સમય આપવામાં આવ્યો છે. હવે નોમિની માટેની છેલ્લી તારીખ 30 જૂન, 2024 કરવામાં આવી છે.
જો તમે 1-2 વર્ષથી તમારા જીમેઈલ એકાઉન્ટનો ઉપયોગ કર્યો નથી, તો તમારું ગુગલ જીમેઈલ એકાઉન્ટ બંધ થઈ શકે છે. ગૂગલનો આ નિયમ ફક્ત પર્સનલ અકાઉન્ટ પર રહેશે. આ નિયમ બિઝનેસ એકાઉન્ટ્સ પર લાગુ થશે નહીં.
આકારણી વર્ષ 2022-23 માટે આઇટીઆર ફાઇલ કરવાની છેલ્લી તારીખ 31 ડિસેમ્બરના રોજ સમાપ્ત થઈ છે. આ પછી, તમને આ વર્ષ માટે આઇટીઆર ફાઇલ કરવાની તક મળશે નહીં.
આજે બેંકના નવા લોકર કરાર પર હસ્તાક્ષર કરવાની અંતિમ તારીખ સમાપ્ત થઈ રહી છે. આ પછી, જ્યાં સુધી તમે નવા લોકર કરાર પર હસ્તાક્ષર ન કરો ત્યાં સુધી તમને લોકર ઓપરેટ કરવાની સુવિધા મળશે નહીં.
આજે એટલે કે 1 જાન્યુઆરીથી, મારુતિ સુઝુકી, મહિન્દ્રા અને ઓડી જેવી ઘણી કંપનીઓની કાર મોંઘી થઈ રહી છે. વાહનોના ભાવમાં 2-3 ટકાનો વધારો થઈ રહ્યો છે.
