વિશ્વનો એકમાત્ર દેશ જે 4 કે 5 નહીં, પરંતુ 14 દેશો સાથે ધરાવે છે સરહદ, ભારત પણ છે તેનો પાડોશી દેશ
ભારતની સરહદ 7 દેશો સાથે જોડાયેલી છે. દરેક દેશની સરહદ કોઈને કોઈ દેશ સાથે જોડાયેલી હોય છે, પરંતુ શું તમે એવા દેશ વિશે જાણો છો જેની સરહદો 4 કે 5 સાથે નહીં, પરંતુ 14 દેશો સાથે જોડાયેલી હોય ? આ દેશ પણ ભારતનો પડોશી દેશ છે. ત્યારે આ લેખમાં અમે તેના વિશે જણાવીશું.
ભારતની સરહદ 7 દેશો સાથે જોડાયેલી છે. દરેક દેશની સરહદ કોઈને કોઈ દેશ સાથે જોડાયેલી હોય છે, પરંતુ શું તમે એવા દેશ વિશે જાણો છો જેની સરહદો 4 કે 5 સાથે નહીં, પરંતુ 14 દેશો સાથે જોડાયેલી હોય ? આ દેશ પણ ભારતનો પડોશી દેશ છે.
અમે વાત કરી રહ્યા છીએ ભારતના પાડોશી દેશ ચીનની. ચીન વિશ્વનો એકમાત્ર એવો દેશ છે જેની આંતરરાષ્ટ્રીય સરહદ વિશ્વના મોટાભાગના દેશો સાથે જોડાયેલી છે.
આ દેશની સરહદો અફઘાનિસ્તાન, ભૂતાન, ભારત, કઝાકિસ્તાન, કિર્ગિસ્તાન, લાઓસ, મંગોલિયા, મ્યાનમાર, નેપાળ, ઉત્તર કોરિયા, પાકિસ્તાન, રશિયા, તાજિકિસ્તાન અને વિયેતનામ સાથે છે. જો કે, ચીનના બહુ ઓછા દેશો સાથે સારા સંબંધો છે.
ભારતની વાત કરીએ તો આપણો દેશ 7 દેશો સાથે સરહદ ધરાવે છે. જેમાં અફઘાનિસ્તાન, પાકિસ્તાન, ચીન, નેપાળ, ભૂતાન, બાંગ્લાદેશ, મ્યાનમારનો સમાવેશ થાય છે. આ ઉપરાંત આપણા દેશની દરિયાઈ સરહદ શ્રીલંકા અને માલદીવને પણ મળે છે.
ભારતનો કુલ વિસ્તાર 32,87,263 ચોરસ કિલોમીટર છે, જે તેને વિશ્વનો સાતમો સૌથી મોટો દેશ બનાવે છે, પરંતુ ભારત તેના પાડોશી અને ઇસ્લામિક દેશ અફઘાનિસ્તાન સાથે સૌથી ઓછી સરહદ ધરાવે છે. ભારત અફઘાનિસ્તાન સાથે માત્ર 106 કિલોમીટરની સરહદ ધરાવે છે.