આખા જીવનમાં એક જ વાર ન્હાય છે આ મહિલાઓ, પ્રાણીની ચરબીમાંથી બનાવે છે લેપ!
Viral news: દુનિયામાં અનેક પ્રજાતિના લોકો રહે છે. દુનિયાના કેટલાક વિસ્તારમાં આજે પણ આદિવાસી પ્રજાતિઓ રહે છે અને તેમની કેટલીક આદતો પણ વિચિત્ર હોય છે.
આપણી દુનિયામાં એક એવી જગ્યા છે જ્યાં મહિલાઓ તેના આખા જીવનમાં માત્ર એક જ વાર ન્હાય છે. એક જનજાતિ એવી છે જ્યાં મહિલાઓને જીવનમાં માત્ર એક જ વાર સ્નાન કરવાની પરંપરા છે. આ પરંપરા આજે પણ અકબંધ છે.
હિમ્બા આદિજાતિ, ઉત્તરી નામીબિયામાં વસતા સ્થાનિક લોકો છે જેની અંદાજિત વસ્તી આશરે 50,000 લોકોની છે. આ કુનેન પ્રદેશ, જે હવે કાકોલેન્ડ તરીકે ઓળખાય છે. તે અંગોલામાં કુનેન નદીની બીજી બાજુ આવેલો છે.
હિમ્બા આદિજાતિની મહિલાઓ સ્નાન કરવાને બદલે ખાસ ઔષધિઓનો ઉપયોગ કરે છે અને તેના ધુમાડાથી પોતાના શરીરને તાજી રાખે છે. આ ઔષધિની ગંધ તેમના શરીરમાંથી સારી સુગંધ આપે છે અને આ ધુમાડો તેમના શરીરમાં તાજગી આપે છે અને કીટાણુઓનો પણ નાશ કરે છે.
આ જાતિની મહિલાઓ પ્રાણીઓની ચરબી અને હેમેટાઈટના દ્રાવણમાંથી બનેલા લોશનનો સૂર્યથી તેમના શરીરને બચાવવા માટે ઉપયોગ કરે છે. હેમેટાઈટના કારણે તેમની ત્વચાનો રંગ લાલ થઈ જાય છે. આ ખાસ લોશન તેમને જંતુના કરડવાથી પણ બચાવે છે.
આ આદિજાતિની મહિલાઓ લગ્ન દરમિયાન માત્ર એક જ વાર સ્નાન કરે છે. આ મહિલાઓને પાણીને સ્પર્શ કરવાની પણ મનાઈ છે, તેથી તેઓ કપડાં પણ ધોતી નથી. આ પરંપરા ઘણા વર્ષોથી અનુસરવામાં આવે છે.