TV9 GUJARATI | Edited By: Ashvin Patel
Sep 29, 2022 | 12:32 PM
કઠોળ આપણા શરીર માટે ખૂબ જ ફાયદાકારક છે. તેમાં સારી માત્રામાં પ્રોટીન જોવા મળે છે. તમને જણાવી દઈએ કે શાકાહારી લોકોને પ્રોટીનની ઉણપને પૂરી કરવા માટે વધુ ને વધુ કઠોળ ખાવાની સલાહ આપવામાં આવે છે. આ કઠોળમાંથી એક છે મગ, જે આપણા શરીર માટે અનેક રીતે ફાયદાકારક છે.
વિવિધ પ્રકારના પોષક તત્વોથી ભરપૂર હોવા ઉપરાંત, મગ પચવામાં હલકા હોય છે, અને આયુર્વેદમાં તેને સાત્વિક ખોરાક માનવામાં આવે છે. મગમાં આયર્ન, પોટેશિયમ, એમિનો એસિડ અને એન્ટીઓક્સીડેન્ટ ભરપૂર માત્રામાં હોય છે.
તમને જણાવી દઈએ કે મગ રોગપ્રતિકારક શક્તિ વધારવામાં મદદ કરે છે. તે શરીરમાં કોલેસ્ટ્રોલ ઘટાડવામાં મદદ કરે છે. મગ લીવર માટે પણ સારા માનવામાં આવે છે.
મગ ડાયાબિટીસમાં બ્લડ શુગર લેવલને નિયંત્રિત કરવામાં પણ મદદરૂપ છે. મગના પાવડરને ફેસપેક તરીકે લગાવવાથી ત્વચામાં ચમક આવે છે અને ખીલ, ખરજવું અને ખંજવાળથી રાહત મળે છે.
સંવેદનશીલ ત્વચા ધરાવતા લોકો રાસાયણિક સાબુના વિકલ્પ તરીકે મગના પાવડરનો ઉપયોગ કરી શકે છે. મગના પાવડરને ફેસ પેક તરીકે લગાવવાથી ત્વચામાં ચમક આવે છે.