Diwali 2022: દિવાળીમાં ફટાકડા ફોડતી વખતે આટલી બાબતોનું રાખો ધ્યાન
Diwali 2022 : દિવાળીનો તહેવાર આતશબાજી વગર અધૂરો છે. દિવાળીમાં ફટાકડા ફોડવાની મજા કંઈક અલગ હોય છે. પરંતુ ફટાકડા ફોડવામાં સાવચેતી રાખવાની જરૂર છે. દિવાળીના તહેવાર દરમિયાન ફટાકડા ફોડતી વખતે નાગરિકો આ બાબતોનું ધ્યાન રાખવું જરૂરી છે.
આટલું કરો જયારે પહેરેલા કપડાં આગમાં લપેટાય તો ફટાકડાને દુર કરો અને જમીન પર આળોટો, જો આગ ઓલવી શકાય તેમ ન હોય તો અસરકર્તાને બ્લેન્કેટમાં વીંટાળો.દાઝેલી જગ્યા ઉપર ઠંડુ પાણી નાખો જયાં સુધી બળતરા ચાલુ રહે ત્યાં સુધી આ પ્રક્રિયા ચાલુ રાખી શકાય, દાઝેલી જગ્યા પર સ્વચ્છ કપડાને ઠંડા પાણીમાં પલાળી તેને દાઝેલી જગ્યા પર મૂકો, યોગ્ય સારવાર માટે વહેલી તકે ડોકટરનો સંપર્ક કરવો.
દિવાળીના તહેવાર દરમ્યાન ફાચર બ્રિગેડનો ફોન નંબર ૧૦૧ પર સંપર્ક કરવો. ફટાકડા વડીલોની હાજરીમાં જ ફોડો,ફટાકડા ફોડતી વખતે પાણીની ભરેલી ડોલ તથા રેતી ભરેલી ડોલ રાખવી અને તારામંડળ જેવા ફટાકડાનો ઉપયોગ કર્યા પછી તેનો તાર તે ડોલમાં જ નાંખવું.
આટલું ના કરો ગીચતાવાળી જગ્યા, સાંકડી જગ્યા કે ઘરમાં ફટાકડા ફોડશો નહિ.વડીલોની ગેરહાજરીમાં બાળકને એકલા ફટાકડા ફોડવા દેશો નહિ.ફટાકડાને ખિસ્સામાં રાખશો નહિ. કે ફોડતી વખતે તેનો ઘા કરશો નહિ.અવાજની વિશિષ્ટ અસર માટે ફટાકડાને ટીનના ડબ્બામાં, કાચના શીશામાં, માટલામાં કે અન્ય બીજા અખતરાથી ફોડશો નહિ.
ફૂટયા વગરના ફટાકડાને ચકાસવું નહિ. તેને છોડી દો. હાથમાં ફટાકડા ફોડવાની હિંમત કરશો નહિં. વાહનમાં ફટાકડા ફોડશો નહિં.લાંબા કપડાં જલ્દીથી આગ પકડતાં હોય છે તેથી તે પહેરવાનું ટાળો.ફટાકડા ફોડતી વખતે સીન્થેટીકના કપડાં પહેરશો નહિં.
ફટાકડાને કારણે આંખને ઇજા થઇ હોય તો આંખને મસળવું નહિં તથા આંખમાં ખૂંચી ગયેલી વસ્તુને ખેંચીને કાઢવાનો પ્રયત્ન કરવો નહિં.આંખમાં કેમીકલ પડી જતાં આંખને ઠંડા પાણીથી ૧૦ થી ૧૫ મીનીટ સુધી ધોવું અને તરત આંખના ડોકટરની સલાહ લેવી.