ધ ડેક્કન ઓડિસીઃ આ ટ્રેન શાહી પ્રવાસ માટે પણ જાણીતી છે. પેલેસ ઓન વ્હીલ્સની તર્જ પર બનેલી આ ટ્રેન મહારાષ્ટ્રમાં પ્રવાસ કરે છે. તેની શરૂઆત વર્ષ 2004માં કરવામાં આવી હતી. આ ટ્રેન 7 દિવસની મુસાફરી કરે છે. આ ટ્રેન મુંબઈથી રત્નાગીરી, સિંધુદુર્ગ, ગોવા, બેલગામ, કોલ્હાપુર, પુણે, નાસિક, ઔરંગાબાદ, અજંતા-ઈલોરા અને પછી મુંબઈ પરત જાય છે. આમાં તમને રોયલ રેસ્ટોરન્ટ, સ્પા, લાઉન્જ અને બાર, ટીવી, કેબલ કનેક્શન, સેલ ફોન, ચેનલ મ્યુઝિક અને ફોરેન એક્સચેન્જ જેવી ઘણી સુવિધાઓ મળશે. આમાં મુસાફરી કરવા માટે સિંગલ ઓક્યુપન્સી માટે લગભગ 5 લાખ 12 હજાર 400, ડબલ ઓક્યુપન્સી માટે 7 લાખ 35 હજાર અને ટ્રિપલ ઓક્યુપન્સી માટે 11 લાખ 9 હજાર 850 રૂપિયાનો ખર્ચ કરવો પડશે.