ફક્ત 18 રૂપિયામાં મળે છે ‘બિયર’! આ દેશમાં ‘દારુ’ પાણી કરતાં પણ સસ્તો છે, શોખીનો વાઇન ફેસ્ટિવલનો રોમાંચ અનુભવવા તૈયાર થઈ જાઓ
દુનિયાભરમાં વાઇન પ્રેમીઓની કોઈ કમી નથી. આ જ કારણ છે કે, દારૂના સ્ટોર્સ દરેક જગ્યાએ છે. આમ તો દારૂ ખૂબ જ મોંઘો મળે છે પરંતુ એક દેશ એવો છે કે, જ્યાં દારૂ ફક્તને ફક્ત 18 રૂપિયામાં મળે છે.
આ દેશમાં પ્રવાસીઓને આકર્ષવા માટે દારૂ સસ્તા ભાવે ઉપલબ્ધ કરાવવામાં આવે છે. આ દેશમાં દારૂ પાણીની બોટલ કરતાં પણ સસ્તો છે. આ જ કારણ છે કે, ઘણા લોકો આ દેશમાં ફરવાનું પસંદ કરે છે. પર્યટનની સાથે લોકો આ દેશમાં યોજાતા વાઇન ફેસ્ટિવલનો રોમાંચ પણ અનુભવે છે.
લગભગ બધા દારૂ પ્રેમીઓ જાણે છે કે, ભારતમાં સસ્તો દારૂ ક્યાં મળે છે અને તે સ્થળ ગોવા છે. આ જ કારણ છે કે, પ્રવાસીઓ ગોવામાં દારૂનો આનંદ માણવા માટે ઉમટી પડે છે. ગોવામાં ભારતમાં સૌથી સસ્તો બિયર અને દારૂ મળે છે. વધુમાં ત્યાં સ્થાનિક બીયર પણ સસ્તી મળે છે. ગોવામાં દારૂ ભારતના બીજા ઘણા રાજ્યો કરતાં નોંધપાત્ર રીતે સસ્તો છે.
એવામાં દુનિયાની સૌથી સસ્તી બિયર વિયેતનામમાં મળે છે અને તેનું નામ 'બિયા હોઈ' છે. આ બિયરની કિંમત એટલી ઓછી છે કે, ઘણા લોકોને વિશ્વાસ નથી આવતો. બિયા હોઈના એક ગ્લાસની કિંમત ફક્ત 5,000 વિયેતનામી ડોંગ છે, જે ફક્ત 18 રૂપિયા બરાબર છે. દેશના કેટલાક ભીડવાળા વિસ્તારોમાં, તેની કિંમત 20 થી 25 રૂપિયા જેટલી હશે, તેવો અંદાજ છે.
ખાસ વાત એ છે કે, અહીં પાણીની એક બોટલની કિંમત લગભગ 30,000 ડોંગ છે. ભારતીય ચલણમાં પાણીની એક બોટલની કિંમત લગભગ 100 રૂપિયા બરાબર છે. વિયેતનામી બિયર સ્થાનિક લોકો દ્વારા બનાવવામાં આવે છે. આ બિયર કેન કે બોટલમાં નહીં પરંતુ મોટા બેરલમાં ઉપલબ્ધ હોય છે.
તાજી બિયર તરત જ ઉકાળવામાં આવે છે અને વેચવામાં આવે છે, જે તેને સસ્તી બનાવે છે. આ બિયર સ્થાનિક રહેવાસીઓ માટે આવકનો એક મહત્વપૂર્ણ સ્ત્રોત છે, જે રોજગાર પૂરો પાડે છે. દારૂના વેચાણથી અન્ય ઉદ્યોગોને પણ પ્રોત્સાહન મળે છે.
