ભાડુઆત પણ મેળવી શકે છે પાઈપલાઈન ગેસ કનેક્શન, જાણો શું છે પ્રોસેસ અને કેટલો આવશે ખર્ચ
શભરમાં કરોડો ઘરોમાં ગેસ સિલિન્ડરનો ઉપયોગ થાય છે, જેની કિંમતમાં સરકારે તાજેતરમાં રાહત આપી છે. જો કે, શહેરોમાં હવે ગેસ સિલિન્ડરના બદલે પાઈપલાઈનવાળા PNG કનેક્શનનો વધુ ઉપયોગ થાય છે. ઘણા મકાનમાલિક પોતાના નામે ગેસ કનેક્શન આપતા નથી. આવી સ્થિતિમાં ભાડુઆતો પણ પોતાના નામે કનેક્શન લઈ શકે છે.
દરેક જગ્યાએ પાઇપલાઇનની સુવિધા હોતી નથી, જે ઘરમાં આ સુવિધા ઉપલબ્ધ છે ત્યાં ઘણી વખત મકાનમાલિક કનેક્શન લેવાની ના પાડી દે છે. જેના કારણે ભાડુઆતોને ઘણી મુશ્કેલી પડે છે અને તેઓએ બ્લેકમાં સિલિન્ડર ખરીદવું પડે છે.
હવે જો તમે પણ ભાડાના મકાનમાં રહો છો અને મકાનમાલિકે કનેક્શન લેવાની સ્પષ્ટ ના પાડી દીધી છે તો ચિંતા કરવાની જરૂર નથી. તમે તમારા ભાડાના મકાનમાં તમારા પોતાના નામે કનેક્શન પણ મેળવી શકો છો.
આ માટે તમારે ભાડા કરાર સાથે મકાનમાલિકનું આધાર કાર્ડ આપવું પડશે અને IGL કનેક્શન માટે અરજી કરવી પડશે. અરજી કર્યાના 15 થી 20 દિવસ પછી, તમારા ઘરે કનેક્શન ઇન્સ્ટોલ થઈ જશે. બિલ પણ તમારા નામે આવશે.
પાઈપલાઈન ગેસ કનેક્શન મેળવવા માટે લગભગ 7,000 રૂપિયાનો ખર્ચ થાય છે, તમે તેને બિલની સાથે દર મહિને 500 રૂપિયાના હપ્તા તરીકે ચૂકવી શકો છો. આ રકમ રિફંડપાત્ર છે. આ ઉપરાંત IGL દ્વારા ઘણી પ્રકારની ઓફર્સ પણ આપવામાં આવે છે, જેમાં તમે દૈનિક ધોરણે પણ પૈસા ચૂકવી શકો છો. (Image : IGL, Social Media)
