ACના આઉટડોર-ઇન્ડોર યુનિટ વચ્ચે કેટલું અંતર રાખવું જોઈએ? આ જાણી લેજો
AC ના ઇન્ડોર અને આઉટડોર યુનિટ વચ્ચે કેટલું અંતર હોવું જોઈએ અને શું તે ઠંડકને અસર કરે છે? તેના વિશે સંપૂર્ણ વિગતો અહીં વાંચો.
ઇન્ડોર યુનિટ રૂમની અંદર સ્થાપિત થાય છે અને ઠંડી હવા આપે છે. આઉટડોર યુનિટ ઘરની બહાર સ્થાપિત થાય છે અને રૂમની ગરમ હવા બહાર કાઢે છે.
ઇન્ડોર યુનિટ અને આઉટડોર યુનિટ વચ્ચે લઘુત્તમ અંતર 3 મીટર (લગભગ 10 ફૂટ) છે. પરંતુ પ્રમાણભૂત અંતર 5 મીટર (લગભગ 16 ફૂટ) હોવું જોઈએ. મહત્તમ 15 થી 20 મીટર હોઈ શકે છે, પરંતુ આમાં ટેકનિકલ સાવધાની જરૂરી છે. જેટલું અંતર યોગ્ય હશે, તેટલું સારું એસી કામ કરશે અને ઠંડક પણ ઝડપી અને અસરકારક રહેશે.
ખૂબ લાંબા અંતરના કારણે, ACને વધુ મહેનત કરવી પડે છે, જેના કારણે વીજળીનું બિલ વધે છે. ગેસનું દબાણ ઓછું હોઈ શકે છે, જેના કારણે ઠંડકમાં સમય લાગે છે, તેમજ કૂલિંગમાં ફર પડે છે અને એસી ઝડપથી નુકસાન પામી શકે છે.
હવાનો પ્રવાહ યોગ્ય ન હોવાથી આઉટડોર યુનિટને ગરમી બહાર કાઢવામાં મુશ્કેલી પડે છે. આને કારણે, કોમ્પ્રેસર ગરમ થઈ શકે છે અને ઝડપથી નુકસાન પામી શકે છે. તેથી, એસીની ઠંડી હવા ફક્ત તેની ગુણવત્તા સાથે જ નહીં, પરંતુ તેના યોગ્ય ઇન્સ્ટોલેશન સાથે પણ સંબંધિત છે.
AC ઇન્સ્ટોલ કરતી વખતે કેટલીક બાબતો ધ્યાનમાં રાખવી જોઈએ. હંમેશા વ્યાવસાયિક ટેકનિશિયન દ્વારા એસી ઇન્સ્ટોલ કરાવો. આઉટડોર અને ઇન્ડોર યુનિટ વચ્ચે 5 મીટર સુધીનું અંતર શ્રેષ્ઠ માનવામાં આવે છે. પાઇપિંગ સારી ગુણવત્તાની અને યોગ્ય રીતે ઇન્સ્યુલેટેડ હોવી જોઈએ. યુનિટ એવી જગ્યાએ ઇન્સ્ટોલ કરો જ્યાં હવા અને ગરમી યોગ્ય રીતે અંદર અને બહાર નીકળી શકે.
