Tata Nexon EVથી લઈને MG ZS EV સુધી…આ 5 ઇલેક્ટ્રિક કાર એક મહિનામાં રૂપિયા 4 લાખ સુધી થઈ સસ્તી
પેટ્રોલ, ડીઝલ અને CNG વાહનો બાદ હવે ઈલેક્ટ્રિક કારનો દબદબો પણ ધીમે ધીમે માર્કેટમાં વધી રહ્યો છે. પંરતુ ઈલેક્ટ્રિક કારની વાહનોની કિંમતો જોઈને લોકો ખરીદી શકતા નથી. ત્યારે ઓટો કંપનીઓ પણ ભાવમાં ઘટાડો કરી રહી છે. છેલ્લા એક મહિનામાં પાંચ ઈલેક્ટ્રિક કાર 4 લાખ રૂપિયા સુધી સસ્તી થઈ છે. આ પાંચ મોડલ કયા છે? તેના વિશે આજે અમે તમને જણાવીશું.
પેટ્રોલ, ડીઝલ અને CNG વાહનો બાદ હવે ઈલેક્ટ્રિક કારનો દબદબો પણ ધીમે ધીમે માર્કેટમાં વધી રહ્યો છે. પંરતુ ઈલેક્ટ્રિક કારની વાહનોની કિંમતો જોઈને લોકો ખરીદી શકતા નથી. ત્યારે ઓટો કંપનીઓ પણ ભાવમાં ઘટાડો કરી રહી છે.
MG મોટરની સૌથી નાની ઇલેક્ટ્રિક કાર એટલે Comet EVના બેઝ વેરિઅન્ટની કિંમતમાં 99,000 રૂપિયાનો ઘટાડો કરવામાં આવ્યો છે. હવે આ કારની નવી કિંમત 6.98 લાખ રૂપિયાથી શરૂ થાય છે. આ કારના ટોપ વેરિઅન્ટને ખરીદવા માટે તમારે 8.58 લાખ રૂપિયા ખર્ચવા પડશે. બંને મોડલની કિંમત એક્સ-શોરૂમ છે.
MG મોટર્સે માત્ર Comet EV જ નહીં, પરંતુ ZS EV મોડલનું સસ્તું વેરિઅન્ટ પણ લોન્ચ કર્યું છે. પહેલા આ કારની કિંમત 22.80 લાખ રૂપિયાથી શરૂ થતી હતી, હવે નવા વેરિઅન્ટ સાથે આ કારની કિંમત 3.82 લાખ રૂપિયા ઘટાડીને રૂપિયા 18.98 લાખ (એક્સ-શોરૂમ) નક્કી કરવામાં આવી છે.
ટાટા મોટર્સની Tata Tiago ઇલેક્ટ્રિક કારની કિંમતમાં 70 હજાર રૂપિયાનો ઘટાડો કરવામાં આવ્યો છે. કિંમતમાં ઘટાડા પછી હવે ટાટાની આ લોકપ્રિય ઇલેક્ટ્રિક કારની કિંમત 7.99 લાખ રૂપિયા (એક્સ-શોરૂમ)થી શરૂ થાય છે.
માત્ર Tiago જ નહીં, પરંતુ Tata Motorsની Nexon EV પણ 1.20 લાખ રૂપિયા સુધી સસ્તી થઈ ગઈ છે. કિંમતમાં ઘટાડા બાદ હવે તમને આ કારનું લોંગ રેન્જ વેરિઅન્ટ 16.99 લાખ રૂપિયામાં મળશે. તો આ કારના બેઝ મોડલની કિંમત હવે 14.49 લાખ રૂપિયાથી શરૂ થાય છે.
મહિન્દ્રાએ થોડા સમય પહેલા XUV400 લોન્ચ કરી હતી છે. નવા વેરિઅન્ટની સાથે આ કારની કિંમતમાં 50 હજાર રૂપિયાનો ઘટાડો થયો છે અને હવે આ કારની નવી કિંમત 15.49 લાખ રૂપિયાથી લઈને 17.49 લાખ રૂપિયા સુધીની છે. મિડીયા રિપોર્ટ્સનું માનીએ તો આ કિંમતો 31 મે સુધી જ લાગુ રહેશે.
