‘ટોક્સિક’ ટ્રેલર ઈવેન્ટમાં તારા સુતારિયાનો ગ્લેમરસ લુક, તસવીરો સોશિયલ મીડિયા પર છવાઈ
બોલિવૂડ અભિનેત્રી તારા સુતારિયા હાલમાં પોતાની આગામી ફિલ્મ ‘ટોક્સિક’ને લઈને ચર્ચામાં છે. ફિલ્મના ટ્રેલર ઈવેન્ટ દરમિયાન તારા સુતારિયા ગ્લેમરસ અંદાજમાં જોવા મળી હતી. અભિનેત્રીએ ઈવેન્ટના પોતાના કેટલાક ફોટોઝ સોશિયલ મીડિયા પર શેર કર્યા છે, જે હાલમાં ફેન્સનું ધ્યાન ખેંચી રહ્યા છે.
ફિલ્મના ટ્રેલર ઈવેન્ટ માટે તારા સુતારિયાએ લેપર્ડ પ્રિન્ટનો ઓફ-ધ-શોલ્ડર એન્કલ-લેન્થ ડ્રેસ પસંદ કર્યો હતો. આ બોડી-ફિટેડ ડ્રેસમાં બેક સ્લિટ અને ફુલ સ્લીવ્સ આપવામાં આવ્યા હતા, જે તેમના લુકને વધુ સ્ટાઇલિશ બનાવી રહ્યા હતા. તારા દરેક તસવીરમાં ખૂબ જ આકર્ષક અને એલિગન્ટ અંદાજમાં જોવા મળી હતી.
તારાએ પોતાના ઓવરઓલ લુકને પણ ખૂબ જ શાનદાર રીતે સ્ટાઇલ કર્યો હતો. તેણે સ્ટેટમેન્ટ નેકપીસ, સ્ટડ ઈયરિંગ્સ અને ગોલ્ડન રિંગ્સ સાથે પોતાના લુકને એક્સેસરીઝ કર્યો હતો. જ્યારે હેરસ્ટાઇલની વાત કરીએ તો તેણે ક્લાસિક રેટ્રો હોલીવુડ વેવ્સ પસંદ કરી હતી. આ હેરસ્ટાઇલ તેના સમગ્ર લુકમાં 1940 અને 1950ના દાયકાના વિન્ટેજ ગ્લેમરની ઝલક ઉમેરતી જોવા મળી હતી.
ફોટોશૂટ દરમિયાન તારા સુતારિયા હાથમાં પંખો પકડીને પણ પોઝ આપતી જોવા મળી હતી. આ તસવીરમાં તેનો લુક ગીશા-પ્રેરિત સૌંદર્ય શૈલી અને શાહી દરબારની ફોટોગ્રાફીથી પ્રેરિત લાગતો હતો. પંખા સાથેનો આ પોઝ તેના ટ્રેડિશનલ અને ગ્લેમરસ લુકનું સુંદર સંયોજન રજૂ કરતો હતો.
અભિનેત્રીએ આ સાથે પોતાના કેટલાક બ્લેક એન્ડ વ્હાઇટ ફોટોઝ પણ સોશિયલ મીડિયા પર શેર કર્યા હતા. આ તસવીરોમાં તારા ખુરશી પર બેઠેલી જોવા મળે છે. આ ફોટોઝ પર બોલિવૂડની અનેક સેલિબ્રિટીઝે પણ કમેન્ટ કરીને તેની પ્રશંસા કરી હતી. દિશા પટણી, સોનમ બાજવા અને કૃષ્ણા શ્રોફ જેવી હસ્તીઓએ તારાના લુકને લઈને પોતાની પ્રતિક્રિયા આપી હતી.
તારા સુતારિયાના આ ફોટોઝ પર ફેન્સનો પણ જબરદસ્ત પ્રતિસાદ જોવા મળ્યો છે. એક ચાહકે કમેન્ટ કરતા લખ્યું કે, “તમારી હાજરી એક સુંદર દેવદૂત તરફથી મળેલા સરપ્રાઈઝ જેવી છે.” અન્ય એક ફેને લખ્યું, “તમે અદ્ભુત દેખાઈ રહ્યા છો, ફિલ્મ માટે શુભકામનાઓ.” આ ઉપરાંત અનેક ચાહકોએ હાર્ટ અને ફાયર ઈમોજી સાથે અભિનેત્રીના લુકની પ્રશંસા કરી હતી.
તારા સુતારિયાની આ તસવીરો સામે આવ્યા બાદ સોશિયલ મીડિયા પર તેના લુકની ચર્ચા થઈ રહી છે. ‘ટોક્સિક’માં તેના પાત્રને લઈને પણ દર્શકોમાં ઉત્સુકતા જોવા મળી રહી છે. હવે ફિલ્મમાં તારા સુતારિયાની ભૂમિકા કેટલી મહત્વપૂર્ણ રહેશે અને તેની એક્ટિંગને દર્શકો તરફથી કેવો પ્રતિસાદ મળશે, તે જોવું રસપ્રદ રહેશે.
Published On - 9:42 pm, Sun, 9 August 26
