Surat: અઢીસો જેટલા લાકડાના અલગ અલગ પાર્ટસમાંથી બનાવામાં આવી ઘડિયાળ, જુઓ PHOTOS
સુરતમાં એવી ઘડિયાળ બનાવવામાં આવી છે. જેને જોઈ તમને લાગશે કે આ કોઈ વિદેશી કંપની દ્વારા ખાસ તૈયાર કરવામાં આવી છે. તેની કલાકારી અને તેની ડિઝાઇન જોઈને તમે આશ્ચર્યમાં મુકાઈ જશો. પરંતુ તેનાથી પણ વધુ આશ્ચર્ય તમને ત્યારે જાણીને થશે કે આ કોઈ વિદેશી કંપનીએ નહીં સુરતમાં રહેનાર ધોરણ નવ સુધી ભણનાર એક આર્ટિસ્ટે બનાવી છે.
સુરત શહેરના મોટા વરાછા વિસ્તાર ખાતે રહેતા પરેશ પટેલ અગાઉ પેઈન્ટર હતા. પરંતુ તેમની કળાની કદર કરનાર લોકોનો ન હતાં. જેથી તેઓ વિચાર્યું કે ટેકનોલોજીની મદદથી એક એવું આર્ટ તેમણે તૈયાર કર્યું છે. જેને જોઈ લોકો પણ આશ્ચર્યમાં મુકાઈ જાય.
સુરતના યુવાને પર્યાવરણને અનુલક્ષી એટલે ઇકો ફ્રેન્ડલી ઘડિયાળ બનાવી છે. આ ઘડિયાળ લાકડાના વેસ્ટના ભુકામાંથી તૈયાર કરવામાં આવી છે. લાકડાના વેસ્ટને ફેંકી દેવામાં આવતો હોય છે જેને રિસાયકલ કરીને લાકડામાં પરિવર્તિત કરી આ ઘડિયાળ તૈયાર કરવામાં આવી છે.
ઘડિયાળની ખાસિયત છે કે આ તારીખ મહિના અને વર્ષ તમામ વસ્તુ બતાવે છે. અગાઉ પરેશ પટેલે પેઇન્ટિંગનું કામ કરતો હતો. ઘડિયાળ બનાવનારનું કહેવું છે કે આ એવી ઘડિયાળ છે જેમાં ટેકનોલોજીનો પણ ઉપયોગ થયો છે અને લોકોને પણ ગમે છે.
આ ઘડિયાળ જોવા પર તમને મેકેનિકલ ડિઝાઇન લાગશે. ઘડિયાળ એવા લાકડા થી તૈયાર કરવામાં આવી છે જે વેસ્ટેજ ભૂકામાંથી તૈયાર થઈ છે. જે લાકડાનો વેસ્ટેજ ભુકો હોય છે તેને રિસાયકલ કરીને આ ઘડિયાળ તૈયાર કરાઇ છે. આ ઘડિયાળમાં 250 જેટલા પાર્ટ્સ છે.
આ ઘડિયાળ જોવામાં જેટલી સુંદર દેખાય છે તેને એસેમ્બલ કરવા માટે એટલી જ જટિલતા છે. જેમાં 10, 50 કે 100નહી પરંતુ અઢીસો જેટલા પાર્ટસ ઘડિયાળમાં લાગ્યા છે. એક એક કરીને જ્યારે અઢીસો જેટલા પાર્ટને જોડવામાં આવે છે, ત્યારે આ ઘડિયાળ તૈયાર થાય છે.