Surat News: ગુજરાતના સૌથી મોટા ST ડેપોમાં કિચડના થર જામ્યા, ફસાયેલી બસોને ક્રેઈનની મદદથી બહાર કાઢી, જુઓ Photos
Surat Bus Stand: સુરત શહેરમાં અલગ-અલગ વિસ્તારોમાં મેટ્રો ટ્રેન પ્રોજેકટની કામગીરી ચાલી રહી છે. કેટલીક જગ્યાએ તો લોકોને ભારે મુશ્કેલીનો સામનો કરવો પડી રહ્યો છે, ત્યાં સુરતના બસ વર્ક શોપમાં માટી સમય સર ન હટાવતા ચાર દિવસના ભારે વરસાદે હાલત બગાડી છે.
રોજની લગભગ 25 લાખની આવક રળી આપતા આ સુરત ડેપોમાં 150-200 બસોનું પાર્કિગ હોવાનું જાણવા મળ્યું છે. ત્યાં કામ કરતા એક કર્મચારીએ જણાવ્યું હતું કે હાલ સુરત 1 અને 2 ડેપો કીચડમાં ફેરવાય ગયા છે.
છેલ્લા કેટલાક દિવસોથી 1 ફૂટ કિચડમાંથી પસાર થવું પડે છે. અનેક બસો કીચડમાં ફસાયેલી હતી. જેને આખરે ક્રેઇન ની મદદથી બહાર કાઢવાનો વારો આવ્યો હતો. આ ડેપોમાં તમામ બસોનું મેન્ટેનન્સ અને રીપેરીંગ કામ થાય છે જે હાલ ખોરવાય ગયું છે.
વધુમાં જણાવ્યું હતું કે મેટ્રો ટ્રેનના કામકાજ દરમિયાન માટીના ઢગલા કરી દેવાયા હતા. જેને મોન્સૂન પહેલા હટાવી દેવા વારંવાર કોન્ટ્રાકટરથી માંડી મેટ્રો રેલ પ્રોજેક્ટના ઉચ્ચ અધિકારીઓ ને લેખિતમાં જાણ કરવામાં આવી હતી.
જો કે આંખ આડા કાન કરતા આખરે સુરતમાં ચાર દિવસ પડેલા ભારે વરસાદ બાદ આવી પરિસ્થિતિ ઉદ્દભવી હોય એમ કહી શકાય છે. હાલ મેન્ટેનન્સ રેમમાં પણ કીચડનો થઈ ગયો છે. આ તસવીરો જેનું જીવંત ઉદાહરણ કહી શકાય છે.
